နာတာရှည်အသက်ရှူလမ်းကြောင်းပိတ်ရောဂါရှိသူတွေ အအေးမိတုပ်ကွေးရာသီကို ဘယ်လိုကျော်ဖြတ်ကြမလဲ
နာတာရှည်အသက်ရှူလမ်းကြောင်းပိတ်ရောဂါရှိသူတွေဟာ အအေးမိတုပ်ကွေး ဖြစ်လွယ်သလို ဖြစ်ခဲ့ရင်လည်း ရောဂါပြင်းထန်လေ့ရှိပါတယ်။ ဒါကြောင့် အခုလို ဆောင်းတွင်းကာလ အအေးမိတုပ်ကွေးရာသီမှာ မိမိတို့ရဲ့ကျန်းမာရေးကို ဂရုစိုက်ဖို့ အလွန်အရေးကြီးပါတယ်။
>> အအေးမိတုပ်ကွေးမဖြစ်အောင် ဘာကြောင့် ဂရုစိုက်သင့်တာလဲ?
နာတာရှည်အသက်ရှူလမ်းကြောင်းပိတ်ရောဂါရှိသူတွေဟာ အအေးမိတုပ်ကွေးဖြစ်ရင် ရောဂါပြန်ကြွနိုင်ချေဟာ အဆ (၃၀) ခန့် ပိုမြင့်တက်နိုင်ပါတယ်။ နဂိုကမှ ရောဂါကြောင့် အသက်ရှူရခက်နေတာကို အအေးမိတုပ်ကွေးသာ ဖြစ်လာခဲ့ရင် ချောင်းပိုဆိုး၊ အသက်ရှူရင် တရွှီရွှီပိုမြည်ပြီးတော့ ပိုမောလာပါလိမ့်မယ်။ ဒါ့အပြင် အအေးမိတုပ်ကွေးဖြစ်ရင် အဆုတ်ရောင်တာအထိ ပြင်းထန်နိုင်ပြီးတော့ အန္တရာယ်ကိုတောင် ထိခိုက်နိုင်ပါတယ်။
Solmux Adult IA 1 2023
>> အအေးမိတုပ်ကွေးရာသီမှာ မိမိတို့ကျန်းမာရေးအတွက် ဘာတွေကြိုတင်ပြင်ဆင်ထားသင့်သလဲ?
● မိမိကိုယ်တိုင်အပါအဝင် အတူနေမိသားစုဝင်အားလုံး တုပ်ကွေးကာကွယ်ဆေး ထိုးထားပါ။
● ဆေးလိပ်ဖြတ်ပါ။
● သန့်ရှင်းလတ်ဆတ်တဲ့ အသီးအနှံနဲ့ ဟင်းသီးဟင်းရွက်တွေ စားပေးပါ။
● ကိုယ်လက်လှုပ်ရှား လေ့ကျင့်ခန်းလုပ်ပါ။
● အိပ်ရေးဝဝအိပ်ပါ။
● ရောဂါအတွက် လိုအပ်တဲ့ဆေးဝါးတွေ အဆင်သင့်ဆောင်ထားပါ။
Solmux Adult IA 2
>> အအေးမိတုပ်ကွေး မကူးစက်အောင် ဘယ်လိုနေထိုင်သင့်သလဲ?
● ဖျားနာနေသူတွေနဲ့ ဝေးဝေးနေပါ။
● မကြာခဏ လက်ဆေးပါ။
● မသန့်ရှင်းတဲ့လက်နဲ့ နှာခေါင်း၊ ပါးစပ်တို့ကို မကိုင်ပါနဲ့။
အအေးမိတုပ်ကွေးကြောင့် မဟုတ်ရင်တောင် ဆောင်းလေအေးက ချောင်းဆိုးတာ၊ မောတာနဲ့ အသက်ရှူရင် တရွှီရွှီမြည်တာကို ပိုဆိုးစေပါတယ်။ ဒါကြောင့် ဆောင်းရာသီမှာ အပြင်သွားတဲ့အခါ နှာခေါင်းနဲ့ပါးစပ်ကို လည်စည်းပုဝါလေးနဲ့ ကာသွားပါ။ အပြင်သွားတိုင်း လေပြွန်ကျယ်စေတဲ့ ရှူဆေးဘူးတွေ ဆောင်သွားပါ။
Dr. Aye Hsu Mon (www.drmyanmar.com)
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...