နာတာရှည် ကျောက်ကပ်ရောဂါ ဖြစ်စေသော အကြောင်းအရင်းများ

          နာတာရှည် ကျောက်ကပ်ရောဂါက လအတော်ကြာ၊ နှစ်အတော်ကြာမှ ဖြည်းဖြည်းချင်း ပိုဆိုးလာပြီး အများအားဖြင့် နောက်ခံကျန်းမာရေး အခြေအနေတစ်ခုခုနဲ့ ဆက်စပ်နေပါတယ်။ ရောဂါ 3 ပုံ 2 ပုံလောက်က သွေးတိုး (သို့) ဆီးချိုရောဂါကြောင့် ဖြစ်ရပါတယ်။

          သွေးတိုးရောဂါက လူလတ်ပိုင်းအရွယ်တွေမှာ အဓိကဖြစ်တဲ့ အဖြစ်များဆုံးသော နှလုံးသွေးကြောရောဂါတစ်မျိုးပါ။ လူတစ်ယောက်က -

●        ကျန်းမာရေးနဲ့ မညီညွတ်တဲ့ ခန္ဓာကိုယ်ပုံစံရှိရင်

●        မိသားစုထဲမှာ သွေးတိုးရောဂါရာဇ၀င်ရှိရင်

●        အသက်အရွယ်ကြီးရင်

          သွေးတိုးရောဂါ ပိုဖြစ်နိုင်ခြေ ရှိပါတယ်။

          သွေးတိုးရောဂါကို မထိန်းချုပ်နိုင်ခြင်းက နာတာရှည် ကျောက်ကပ်ရောဂါ ဖြစ်စေနိုင်တဲ့ အကြောင်းအရင်း ဖြစ်တဲ့အတွက် သွေးတိုးသမားတွေမှာ ကုသမှု သေချာခံယူဖို့ အရေးကြီးပါတယ်။

          ဆီးချိုရောဂါက ကျောက်ကပ်ထိခိုက်စေပြီး လုပ်ငန်းဆောင်ရွက်မှုတွေကို ကျဆင်းစေခြင်းအားဖြင့် နာတာရှည် ကျောက်ကပ်ရောဂါ ဖြစ်စေပါတယ်။

        အခြားဖြစ်နိုင်ခြေရှိတဲ့ အကြောင်းအရာတွေကတော့ -

●        နှလုံးရောဂါ

●        ကျောက်ကပ်ကို ရောဂါပိုး များစွာ၀င်ခြင်း

●        ဆီးများ ကျောက်ကပ်ထဲ ပြန်ဆန်တက်ခြင်း

●        သွေးတွင်း ကိုလက်စထရောဓာတ် များခြင်း

●        အ၀လွန်ခြင်း

●        ဆေးလိပ်သောက်ခြင်း

●        အရက်သောက်ခြင်း

●        မူးယစ်ဆေး သုံးစွဲခြင်း

●        အကိုက်အခဲပျောက်ဆေး အလွန်အကျွံ သုံးစွဲခြင်း (ibuprofen, acetaminophen)

Dr. Mya Myo Myo Swe (www.drmyanmar.com)