ပန်းသီးလေးလို ဝတာလား ... သစ်တော်သီးလေးလို လှတာလား ...

    ဘီယာဗိုက်လောက်ပဲ ကြားဖူးသူ အမျိုးတွေအတွက်ကတော့ အထူးတဆန်းဖြစ်နေမှာပဲ။ ပန်းသီးဗိုက်၊ သစ်တော်သီးတင်ပါးတွေအကြောင်း အလင်းပြချင်လို့။
ပန်းသီးပုံ ကိုယ်လုံးဆိုတာက အဆီက ဝမ်းဗိုက်နဲ့ ရင်ဘတ်တဝိုက်မှာ အများဆုံးစုနေတာဖြစ်ပါတယ်။ သစ်တော်သီးပုံဆိုတာက ပိုရှင်းမယ်ထင်တယ်။ တင်ပါးနဲ့ ပေါင်တွေမှာ အဆီတွေ ပိုများများ စုနေပါတယ်။ သစ်တော်သီးလေးလို အောက်ပိုင်း ကားကားဖောင်းဖောင်းလေးပေါ့။

>>    ပန်းသီးလေးတွေမှာ ဖြစ်တတ်တဲ့ ကျန်းမာရေးပြဿနာတွေက -
●    သွေးတိုးရောဂါ
●    အမောမခံနိုင်တာ
●    သွေးတွင်းအဆီများတာ

>>    သစ်တော်သီးလေးတွေ ဆိုရင်တော့ ဝိတ်ချရ ပိုခက်တဲ့အပြင် -
●    အကြောတက်တာ
●    သွေးစီးဆင်းမှု မမှန်တာ
●    အဆစ်တွေဒဏ်ပိပြီး သွားရလာရ နှေးကွေးလေးလံတာတွေ ပိုဖြစ်နိုင်ပါတယ်။
    ပန်းသီးလေးလို၀၀၊ သစ်တော်သီးလေးလိုပဲကားကား ပုံမှန်ကိုယ်အလေးချိန် ရှိသူတွေထက် ဆီးချိုသွေးတိုးနဲ့ နှလုံးရောဂါပိုဖြစ်ဖို့ အလားအလာ သုံးဆခန့်ပိုများပါတယ်နော်။
    ဒီတော့ ပန်းသီးလေးလား သစ်တော်သီးလေးလား သိစေဖို့ ခါးလုံးပတ် တိုင်းကြည့်ကြရအောင် ...
•    လုံချည်ထမီ ပတ်ထားတာရှိရင် လျှော့လိုက်ပါ။
•    မှန်ရှေ့မှာ ခါးလေးမတ် ပခုံးလေးကားပြီး ရပ်လိုက်ပါ။
•    ဗိုက်ကို လျှော့ထားပါ။ အတင်းရှပ်ထား ချပ်ထားတာတော့ မလုပ်နဲ့နော်။ မှန်မှန်ကန်ကန် တိုင်းကြမယ်။
•    ခါးထောက်ပါ။ ဘေးတစ်ဖက်တစ်ချက်က တင်ပဆုံရိုးကို စမ်းသပ်ပါ။
•    ပေကြိုးကိုယူပြီး တင်ပဆုံရိုးတစ်ဝိုက်ကနေ   ခါးကို တစ်ပတ်ပတ်လိုက်ပြီး တိုင်းတာပါ။
•    အသက်ရှူသွင်းရှူထုတ် လိုက်လိုက်ပြီး ဒုတိယအကြိမ် ရှူထုတ်တဲ့အခါ ပေကြိုးလေးကို တင်းလိုက်ပြီး အတိုင်းအတာကို ဖတ်ပါ။
    အမျိုးသားတွေမှာ ၁၁၀ ကနေ ၁၂၀ အထက်ဆိုရင် မကျန်းမာတဲ့ အဝလွန်ခါး ဖြစ်ပါတယ်။ အမျိုးသမီးတွေမှာ ၉၀ ကနေ ၁၁၀ အထက်ဆိုရင် အခြေအနေမပာန်ပါဘူးနော်။ ဒီတော့ ကိုယ်ခါးအခြေအနေလေး တိုင်းကြည့်ရင်း ကြိုးကြိုးစားစား ဝိတ်ချဖို့ ကြိုးစားကြည့်ရအောင်လေ။

ဂျီပီငှက် (ဆေး/မန်း) (www.drmyanmar.com)