ပျော်စရာ မိသားစုဘဝ

       ရှုပ်ထွေးပွေလီလှတဲ့ လူဘဝကြီးထဲမှာ မိသားစုဆိုတာ အိုအေစစ်ပမာ အမောပြေ၊ အပန်းပြေစေနိုင်ပါတယ်။ ပျော်ရွှင်စရာကောင်းတဲ့ မိသားစုဘဝလေးကို ပိုင်ဆိုင်နိုင်ဖို့ တကူးတက ကြိုးပမ်းနေစရာ မလိုအပ်ပါဘူး။ အချိန်တိုင်း၊ နေရာတိုင်းမှာ အမှတ်ရစရာလေးတွေ အတူဖန်တီးနိုင်ကြပါတယ်။

●        နေ့စဉ်ဘဝ ရယ်မောစရာလေးတွေ၊ ရင်ဖွင့်စရာလေးတွေ ဝေမျှပါ။ ဥပမာ -မိသားစု ထမင်းလက်ဆုံစားချိန်၊ ကားပေါ် အတူသွားချိန်တွေမှာ တစ်နေ့တာ လှုပ်ရှားမှုအကြောင်း အပြန်အလှန် ပြောဆိုတိုင်ပင်ပါ။

●        မိသားစုဝင် တစ်ယောက်ချင်းစီနဲ့ စကားပြောဖြစ်အောင် ပြောပါ။ ကလေးတွေ အိပ်ရာမဝင်ခင် 5 မိနစ်စီလောက် စကားစမြည် ပြောကြည့်ပါ။

●        ဇနီး၊ ခင်ပွန်းကိုလည်း သီးသန့်အချိန်ပေးပါ။

●        မိသားစုနဲ့အတူ ပျော်စရာအမှတ်တရလေးတွေ ဖန်တီးပါ။ ထူးထူးခြားခြား လုပ်စရာမလိုဘဲ ပိတ်ရက်မှာ အိမ်နားက ပန်းခြံမှာ မိသားစုလိုက် ဘောလုံးကန်ကြတာမျိုး၊ ညဘက်တွေမှာ စစ်တုရင်လို ကစားနည်းမျိုး အတူကစားကြတာမျိုးတွေ လုပ်ပေးနိုင်ပါတယ်။

●        မွေးနေ့တွေလိုမျိုး ထူးထူးခြားခြားနေ့တွေမှာ ဘာလုပ်ကြမလဲ အတူတိုင်ပင်ကြပါ။ ကလေးငယ်လေးတွေကိုလည်း ပါဝင်စေပါ။

Dr. Mya Phoo Ngon (www.drmyanmar.com)