ပျော်ရွှင်စရာ ခရစ္စမတ် ဖြစ်ပါစေ ...

          ဒီနေ့ကတော့ ခရစ္စမတ် ရုံးပိတ်ရက်လေးပါ။

          ခရစ်ယာန်ဘာသာဝင်တို့ရဲ့ အထိမ်းအမှတ်နေ့လေး ဖြစ်သလို အားလပ်ရက် မျှော်နေသူတိုင်းအတွက် ပျော်ရွှင်စရာနေ့လေးလည်း ဖြစ်ပါတယ်။

          ကျမတို့ အများစုအတွက် ဒီလိုခရစ္စမတ်နဲ့ နှစ်သစ်ကူးရာသီက အားလပ်ရက်တွေရပြီး မိသားစု၊ မိတ်ဆွေတွေနဲ့အတူ ပျော်ရွှင်စရာအချိန်ဖြစ်ပေမယ့်  တချို့သောသူတွေ အတွက်ကတော့ အထီးကျန်မှုကို အမြင့်ဆုံးခံစားရတဲ့အချိန် ဖြစ်နေပါတယ်။

>>    အထီးကျန်မှုကို ဘယ်လိုကျော်ဖြတ်ကြမလဲ?

          မိတ်ဆွေ သူငယ်ချင်းတွေ ဘယ်လောက်ပဲရှိရှိ တချို့သူတွေအတွက် ဒီအားလပ်ရက်ရှည်မှာ ကမ်ဘာကြီးနဲ့ အဆက်အသွယ် ပြတ်သလိုဖြစ်ပြီး အထီးကျန်နေတတ်ပါတယ်။ ဒါကြောင့် ဒီနည်းလမ်းလေးတွေကို အကြံပြုချင်ပါတယ်။

•        ကိုယ့်ရဲ့ အသိမိ်ဆွေတွေကို အဆက်အသွယ်လုပ်ပါ။ မိတ်ဆွေ၊ မိသားစုဝင်တွေနဲ့ ဖုန်းပြောခြင်း၊ စာအပြန်အလှန်ပို့ခြင်း၊ Viber, Facebook မှ စာပို့ခြင်းများက ကိုယ့်မှာ မိတ်ဆွေသူငယ်ချင်းတွေ ရှိသေးတယ်လို့ ခံစားရစေပါတယ်။

•        လမ်းလျှောက်ထွက်ပါ။ တစ်ခါတစ်ရံမှာ ကိုယ်မသိတဲ့သူတွေပဲ ဖြစ်ပါစေ အနားပတ်ဝန်းကျင်မှာ ရှိနေတာက ပတ်ဝန်းကျင်နဲ့ အဆက်အသွယ်မပြတ်သလို ခံစားရစေနိုင်ပါတယ်။

•        သူများတွေနဲ့ ရှိနေချိန်မှာ ကိုယ်တစ်ယောက်တည်း ဖုန်းတစ်လုံးနဲ့ အလုပ်ရှုပ်နေတာတို့၊ စကားဝိုင်းအပြင်ထွက်ပြီး မပြောဘဲနေတာတို့ လုပ်မယ့်အစား စကားဝိုင်းထဲမှာ ဝင်ပြောခြင်းဖြင့် အထီးကျန်မှုကို လျော့နည်းစေနိုင်ပါတယ်။

          လူမှုပတ်ဝန်းကျင်နဲ့ ဆက်သွယ်မှုမရှိလို့ ပိုပြီးအထီးကျန်နေတဲ့သူတွေအတွက် -

•        ပတ်ဝန်းကျင်နဲ့ ပိုပြီးအဆက်အသွယ်ရှိအောင် ကြိုးစားကြည့်ပါ။ အိမ်နီးနားချင်းနဲ့ စကားပြောပါ။ ဥပမာ - ကလေး ကျောင်းသွားကြိုတဲ့အခါမှာ တခြားအမေတွေနဲ့ စကားပြောပါ။

•        စကားစပြီးပြောဖို့ စကားစ ရှာရခက်နေတယ်ဆိုရင် သူတို့အကြောင်းမေး၊ ဘာကို စိတ်ဝင်စားလဲဆိုတ ာမေးပါ။

•        စာအုပ်ကလပ်၊ လေ့ကျင့်ခန်းလုပ်တဲ့အဖွဲ့စတဲ့ ကိုယ်စိတ်ဝင်စားတဲ့ လူမှုအဖွဲ့အစည်းတွေမှာ ဝင်ခြင်းအားဖြင့် မိတ်ဆွေတိုးပြီး ကိုယ်စိတ်ဝင်စားတာတွေကိုလည်း လုပ်နိုင်ပါတယ်။

•        တချို့ကတော့ အင်တာနက် လူမှုကွန်ရက်တွေကနေတစ်ဆင့် မိတ်ဆွေဖွဲ့ပြီး စကားပြောခြင်းအားဖြင့် အထီးကျန်မှုကို ဖြေဖျောက်ကြပါတယ်။ ဒါပေမဲ့ ကိုယ့်ရဲ့ အရေးကြီးတဲ့ ကိုယ်ရေးအချက်အလက်တွေ၊ ဘဏ်စာရင်းတွေကိုတော့ အင်တာနက်ဝက်ဘ်ဆိုက်တွေပေါ်မှာ ဘယ်တော့မှ မမျှဝေသင့်ပါ။

Dr. Mya Myo Myo Swe (www.drmyanmar.com)