ပြည်ဖုများအကြောင်း

        အဖြစ်များတဲ့ ဝက်ခြံကနေပြီးတော့ သေစေနိုင်လောက်တဲ့အထိ ဆိုးရွားတဲ့ ရေကျောက်အဆုံး အကြောင်းအမျိုးမျိုးကြောင့် ပြည်ဖုတွေ ဖြစ်နိုင်ပါတယ်။ ခန္ဓာကိုယ်အတွင်းကို ရောဂါပိုး ဝင်ရောက်လာပြီး သွေးဖြူဥတွေကို တိုက်ခိုက်ရင် ပြည်ဖုတွေ ထွက်လာတတ်ပါတယ်။ ဒီပြည်ဖုထဲမှာဆိုရင် ရောဂါပိုးပါတဲ့ အရည်တွေနဲ့ သွေးဖြူဥအသေ (ပြည်) တွေ ပေါင်းစပ်ပါဝင်ပါတယ်။ ဒီပြည်တွေက အရည်ပြားအောက် (သို့) အပေါက်တစ်ခုထဲမှာ စုပြုံလာပြီး ပြည်ဖုအဖြစ် ထွက်လာပါတယ်။

>>    ပြည်ဖုဖြစ်ရသော အကြောင်းအရင်းများ

•        ဝက်ခြံ - အရည်ပြားမှာရှိတဲ့ အပေါက်လေးတွေကို ထိခိုက်မှုများပြီး ဝက်ခြံဖုအဖြစ်နဲ့ ထွက်လာပါတယ်။

•        Psoriasis - အရေပြားမှာ နီခြင်း၊ ယားခြင်း၊ အကြေးခွံကဲ့သို့သော အကွက်များဖြစ်ခြင်း ဖြစ်ပါတယ်။ ရောဂါပိုးဝင်ခြင်း၊ စိတ်ဖိစီးမှု၊ အချို့သော ဓာတုပစ္စည်းများနဲ့ ဆေးဝါးအချို့ကြောင့် ဒါကို ပိုဆိုးစေနိုင်ပါတယ်။

•        ရေကျောက် - ကလေးတွေမှာ အဖြစ်များတဲ့ ဒီရောဂါက ပိုဆိုးလာပါက ပြည်ဖုတွေ ဖြစ်လာနိုင်ပါတယ်။

•        IgA pemphigus - ပြည်ဖုထွက်ခြင်းက ကိုယ့်ရဲ့ခုခံအားစနစ်ကို ကိုယ့်ဘာသာ ပြန်တိုက်တဲ့ ရှားပါးရောဂါတစ်မျိုးဖြစ်တဲ့ ဒီရောဂါရဲ့လက္ခဏာတစ်ခုလည်း ဖြစ်ပါတယ်။

•        ကျောက်ကြီး - အရင်ခေတ်တွေတုန်းက ကူးစက်လွယ်တဲ့ အသက်များစွာ ဆုံးရှုံးစေတဲ့ ကျောက်ကြီးရောဂါရဲ့ အသိသာဆုံး လက္ခဏာတစ်ခုကတော့ ပြည်ဖုများပဲ ဖြစ်ပါတယ်။

Dr. Mya Myo Myo Swe (www.drmyanmar.com)