ဗိုက် ဘာကြောင့် နာရတယ်
ဗိုက်မနာဘူးသူရယ်လို့ မရှိကြဘူးနော်။ ဗိုက်နာတာက အစားလွန်တာ၊ လေပွတာ အစာမကြေတာအပြင် အစာ အဆိပ်သင့်တာ အန်တာတွေကြောင့်လည်း ဖြစ်တတ်ပါတယ်။ သိပ်မဆိုးတဲ့ ဗိုက်အောင့်တာတွေက နှစ်နာရီအတွင်းဖြစ်ပြီး ပျောက်သွားလေ့ရှိပါတယ်။
ဗိုက်နာတဲ့အခါ ဘာတွေကြောင့်ဖြစ်နိုင်မလဲ စဉ်းစားကြဖို့ အကြောင်းလေးတွေ တင်ပြပေးလိုက်ပါတယ်။
>> ညာဘက်ဗိုက် အပေါ်ပိုင်းအောင့်တဲ့အခါ ဒါလေးတွေ ဖြစ်တတ်ပါတယ်။
● သည်းခြေကျောက်တည်ခြင်း
● သည်းခြေအိတ်ရောင်ခြင်း
● အစာအိမ်နာခြင်း
● အသည်းရောင်ခြင်း
>> ချက်အထက်ပိုင်း အလယ်တည့်တည့်မှာ နာတဲ့အခါ ဒါလေးတွေဖြစ်တတ်တာ မမေ့စေချင်ပါဘူး။
● ရင်ပူခြင်း
● အစာမကြေခြင်း
● အူကျွံခြင်း
● အစာအိမ်ရောင်ခြင်း
● အသည်းရောင်ခြင်း
>> ဘယ်ဘက်အထက်ပိုင်း အောင့်တဲ့အခါ ဒီလိုလေးတွေကြောင့် ဖြစ်တတ်ပါတယ်။
● အစာမကြေခြင်း
● အစာအိမ်ရောင်ခြင်း
● အစာအိမ် အနာပေါက်ခြင်း
● မုန်ချိုအိတ် ပန်ကရိယရောင်ခြင်း
>> ညာဘက်ဗိုက်ဘေးဘက် နာတဲ့အခါ ဖြစ်တဲ့အခြေအနေတွေကတော့ ဒီလိုတွေပါ။
● ကျောက်ကပ်ကျောက်တည်ခြင်း
● ကျောက်ကပ်ပိုးဝင်ခြင်း
● အူရောင်နာ
● ဝမ်းချုပ်ခြင်း
>> ချက်ပတ်ပတ်လည်မှာ နာရင်တော့ အောက်ပါအတိုင်း တွေးကြည့်လိုက်ပါတဲ့။
● ချက်မှ အူကျွံခြင်း
● အူအတက်ရောင်ရောဂါ
● အစာအိမ်အနာ
● အူရောင်နာ
● ပန်ကရိယရောင်ခြင်း
>> ဘယ်ဘက်ဘေးဘက်နာရင်တော့ ဒီအကြောင်းအရာလေးတွေ ဖြစ်နေတတ်ပါတယ်။
● ကျောက်ကပ် ကျောက်တည်ရောဂါ
● ကျောက်ကပ်ရောင်တာ
● အူရောင်ခြင်း
● ဝမ်းချုပ်ခြင်း
>> ဝမ်းဗိုက်အောက်ပိုင်း ညာဘက်ဘေး နာတဲ့အခါ ...
● အူအတက်ရောင်နာ
● အူရောင်နာ
● ဝမ်းချုပ်ခြင်း
● သားဥအိမ်ရောင်ခြင်းတွေ ဖြစ်တတ်ပါတယ်။
>> ချက်အောက်ပိုင်း ဆီးခုံနေရာ အောင့်ရင်တော့ ...
● ဆီးအိမ်ပိုးဝင်ခြင်း
● ဆီးကျိတ်ရောင်ခြင်း
● အူရောင်နာ
● အူကျွံခြင်း
● အမျိုးသမီးဆိုင်ရာရောဂါများ (သားအိမ်၊ သားဥအိမ်၊ သားဥပြွန်) တွေ ဖြစ်တတ်ပါတယ်။
>> ဝမ်းဗိုက်အောက်ပိုင်း ဘယ်ဘက်ဘေး နာတဲ့အခါ ...
● ဝမ်းချုပ်ခြင်း
● အူရောင်နာ
● အမျိုးသမီးရောဂါများ (သားအိမ်၊ သားဥအိမ်၊ သားဥပြွန်)
● အူကျွံနာတွေ ဖြစ်တတ်တာပါ။
>> ဒီလိုတွေ ခံစားရရင်တော့ ဆေးရုံ ချက်ချင်းပြသဖို့ လိုပါတယ်နော်။
● ပြင်းပြင်းထန်ထန် ရုတ်တရက် အောင့်လာတာ
● ရင်ဘတ်၊ လည်ပင်းနဲ့ ပခုံးတွေအောင့်တာ
● သွေးအန်ခြင်း၊ သွေးဝမ်းသွားခြင်း
● ဗိုက်က အထိမခံနိုင်အောင် နာကျင်ခြင်း
● လှုပ်လိုက်တိုင်း ဗိုက်နာခြင်း
ဂျီပီငှက် (ဆေး/မန်း) (www.drmyanmar.com)
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...