ဘာလို့ ခဏခဏ ခေါင်းကိုက်နေတာလဲ
သင်ဟာ ခေါင်းမကြာခဏ ကိုက်တတ်တဲ့သူလား။
ဒါဆိုရင်တော့ သင်ဟာ တစ်ယောက်တည်း မဟုတ်ပါဘူး။ လူ ၁၀ ယောက်မှာ ၉ ယောက်က မကြာခဏ ခေါင်းကိုက်လေ့ရှိပြီး တစ်ယောက်နဲ့ တစ်ယောက် ခေါင်းကိုက်တဲ့ပုံစံတွေကလည်း မတူညီကြပါဘူး။
သင်ရော ခေါင်းကိုက်ရင် ဘာတွေလုပ်လေ့ရှိလဲ။ လှဲနေလိုက်လား။ ဒါမှမဟုတ် ပါရာစီတမော ပါဝင်တဲ့ အကိုက်အခဲ ပျောက်ဆေးသောက်ပြီးရင် သက်သာသွားတတ်လား။ ဒါတွေအပြင် ခေါင်းကိုက်သက်သာအောင် တခြားလုပ်လို့ရတဲ့ နည်းလမ်းတွေလည်း ရှိပါသေးတယ်။
Bio Adult 1
>> ခေါင်း ဘာကြောင့် ကိုက်ရတာလဲ?
● ခေါင်းကိုက်စေတဲ့အရာတွေကတော့ အများကြီး ရှိပါတယ်။ အစားအသောက်ကြောင့်၊ ပတ်ဝန်းကျင်ကြောင့် (အလင်းရောင်၊ အသံ၊ စိတ်ဖိစီးမှု)၊ ကိုယ့်ရဲ့ အမူအကျင့်တွေကြောင့် (ညဘက်အိပ်မပျော်တာ၊ လေ့ကျင့်ခန်း အလွန်အကျွံလုပ်တာ၊ သွေးတွင်းသကြားဓာတ် တက်တာ၊ ကျတာ) စတာတွေကြောင့် ဖြစ်နိုင်ပါတယ်။ ခေါင်းကိုက်တာတွေရဲ့ ၅ ရာခိုင်နှုန်းလောက်ကပဲ ရောဂါကြောင့် ဖြစ်တတ်ပြီး ကျန်တာကတော့ ရောဂါမဟုတ်ဘဲ ခေါင်းကိုက်ခြင်း သပ်သပ်ပဲ ဖြစ်ပါတယ်။
● ခေါင်းကိုက်တာ တော်တော်များများဟာ လည်ပင်းနောက်ဘက်က ကြွက်သားတွေ တောင့်တင်းနေတာနဲ့လည်း တွဲလာတတ်ပါတယ်။ ဒါဟာ ပုံစံတစ်မျိုးထဲနဲ့ အကြာကြီးနေတာ ဥပမာ - ကွန်ပျူတာ၊ ဖုန်း၊ TV screen စတာတွေကို အကြာကြီး ကြည့်နေတာနဲ့ အများကြီး သက်ဆိုင်ပါတယ်။
Bio Adult 2
>> ဘာလုပ်လို့ရလဲ?
● ကွန်ပျူတာကြည့်တာ၊ စာကြည့်တာ၊ အဝတ်ချုပ်တာ ဘာကိုပဲဖြစ်ဖြစ် အကြာကြီး အာရုံစိုက်နေပြီဆိုရင် မိနစ် ၂၀-၃၀ တစ်ခါ အနားပေးပါ။ ခေါင်းနဲ့ လည်ပင်းကို အကြောဖြေလျော့ပေးပါ။ လေ့ကျင့်ခန်း လုပ်ပေးပါ။
● ပေါ့ပေါ့ပါးပါး လေ့ကျင့်ခန်းလေးတွေ လုပ်ပေးပါ။ မကြာခဏ တစ်ဒုတ်ဒုတ်နဲ့ ထိုးပြီး ခေါင်းကိုက်တတ်သူမျိုးဆိုရင် ပြင်းပြင်းထန်ထန် လေ့ကျင့်ခန်းတွေကို ရှောင်ပါ။ ဒီတိုင်း လမ်းလျှောက်တာမျိုး၊ ပေါ့ပေါ့ပါးပါး အေရိုးဗစ် ဆော့တာလောက်ပဲပေါ့။
● အံကြိတ်တာကို ရှောင်ပါ။ အစားဝါးတဲ့အချိန်က လွဲပြီး ကျန်တဲ့အချိန်မှာ အပေါ်သွားနဲ့ အောက်သွားကို မထိထားသင့်ပါဘူး။ မေးရိုးကို ဆက်ထားတဲ့ အဆစ်လေးကို ဖိအားပေးသလိုဖြစ်ပြီး ခေါင်းကိုက်စေတတ်ပါတယ်။
● တစ်နေ့ကို ရေ ၈ ဖန်ခွက်လောက် အနည်းဆုံး သောက်ပါ။ ရေဓာတ် ခမ်းခြောက်တာကလည်း ခေါင်းကိုက်စေတတ်ပါတယ်။
Dr. Htar (www.drmyanmar.com)
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...