မတော်တဆ ဦးခေါင်းထိခိုက်ဒဏ်ရာရတဲ့အခါ သတိပြုစရာ

         မတော်တဆ တစ်စုံတစ်ရာကြောင့် ဦးခေါင်းထိခိုက်ဒဏ်ရာရတဲ့အခါ အချိန်မရွေး သတိလစ်သွားတတ်ပါတယ်။ ဖြစ်ပြီးစကနေ ၂၄ နာရီအတွင်း သတိလစ်ရင် အပျော့စားကနေ အသေးစား ဦးနှောက်ထိခိုက်မှု ဖြစ်နေတတ်ပြီး ဖြစ်သမျှကို မမှတ်မိတော့တာတွေပါ ရှိတတ်ပါတယ်။ ၂၄ နာရီကျော်မှ သတိလစ်မေ့မျောတဲ့အခါ အပြင်းစား ဦးနှောက်ထိခိုက်မှုတစ်ခုခု ဖြစ်နေတတ်ပါတယ်။

>>    ဦးနှောက်ကို ကွက်ကွက်လေး ထိတာလား? အများကြီး ထိတာလား?

          ကွက်ကွက်လေး ထိတဲ့နေရာအလိုက် ကိုယ်အဂါၤအစိတ်အပိုင်း ထိခိုက်မှုရှိလာပါမယ်။ အမြင်အာရုံဧရိယာထိရင် မျက်လုံး ထိခိုက်မယ်။ စကားပြောဧရိယာထိရင် စကားပြော ခက်မယ်။ ထစ်မယ်။ အများကြီးပြန့်ကျဲပြီး ထိခိုက်တာမျိုးကျ ဦးနှောက်ဆဲလ်များစွာ ထိခိုက်သွားပြီး စမ်းသပ်တွေ့ရှိစရာ လက္ခဏာတွေကလည်း ပိုမိုခက်ခဲတတ်ပါတယ်။

>>    ဦးခေါင်းထိခိုက်မိရင် ဘာတွေဖြစ်တတ်သလဲ?

◊       အာရုံစူးစိုက်မှု ခက်ခဲမယ်။

◊       မေ့တတ်လာပါတယ်။

◊       ဆုံးဖြတ်ချက် ခက်ခဲတယ်။

◊       သေချာ မတွေးဆ၊ မဆင်ခြင်တတ်တော့ဘူး။

◊       မျက်လုံးအမြင်အာရုံ ဝေဝါးမယ်။

◊       အကြားအာရုံ ထိခိုက်မယ်။

◊       အနံ့အရသာ ထိမယ်။

◊       အထိအတွေ့ ပြောင်းမယ်။

◊       ထုံမယ်၊ ကျဉ်မယ်၊ အပူအအေး မသိတော့ဘူး။

◊       လှုပ်မရဘူး။

◊       လှုပ်ရ ခက်မယ်၊ နှေးမယ်။

◊       တုန်မယ်။

◊       အရွတ်တွေ တင်းနေမယ်၊ အကြောပျော့ခွေမယ်။

◊       စိတ်တွေ ကယောင်ကယင်ဖြစ်မယ်။

◊       အထိခိုက်မခံဘူး။

◊       ဒေါသ အလွယ်တကူထွက်မယ်။

◊       စိတ်ဓာတ်ကျမယ်။

◊       အိပ်မပျော်ဘူး။

◊       ခေါင်းကိုက်မယ်။

          လူ့ဦးနှောက်ဟာ ထိခိုက်ဒဏ်ရာ တစ်ခုခုရပြီးနောက်မှာ အံ့သြစရာကောင်းလောက်အောင် ပြန်လည် ရှင်သန်နိုင်ပြီး လေ့လာမှုအသစ်တွေနဲ့ အသစ်ပြန်လည်လာတတ်ပါတယ်။ ပိုဆိုးသွားနိုင်သလို ကောင်းလာနိုင်တဲ့ အလားအလာတွေလည်း အများကြီး ရှိတာမို့ အခန့်မသင့်လို့ ဦးခေါင်းထိခိုက်ဒဏ်ရာရပြီး ဦးနှောက်ထိခိုက်တဲ့ အထက်လက္ခဏာတွေ ရှိလာတဲ့အခါ အမြန်ဆုံး ဆေးအကူအညီယူဖို့ တိုက်တွန်းပါတယ်။

ဂျီပီငှက် (ဆေး/မန်း) (www.drmyanmar.com)