မီးဖိုချောင်ထဲမှာ ရောဂါဖြန့်ဖြူးနေတဲ့ လက်သုတ်၀တ်တွေ

          မီးဖိုချောင်ထဲမှာ အလွယ်တကူ အသုံးပြုတဲ့ ကြွေခုံပွတ်တိုက်တဲ့ လက်သုတ်ဝတ်တွေ၊ တဘက်စုတ်တွေ၊ လက်နှီးဝတ်တွေက ရောဂါပိုး သယ်ဆောင်ဖြန့်ဖြူးရာ ပစ္စည်းတွေ ဖြစ်နေတတ်ပါတယ်။ ပြင်းထန် အစာအဆိပ်သင့် ရောဂါပိုးတွေကို သယ်ဆောင်နေတာဟာ စိုစွတ်နေတဲ့ လက်သုတ်ဝတ်တွေ၊ စားပွဲသုတ်တဘက်တွေ ဖြစ်ပါတယ်တဲ့။

          သုတေသနတွေအရ မီးဖိုချောင်ထဲက လက်သုတ်ဝတ်တွေ၊ လက်နှီးတွေ၊ စားပွဲသုတ်ဝတ်တွေမှာ ဘယ်လိုရောဂါပိုးတွေ ရှိနေတတ်ပါလိမ့်။

●        ဆာမိုနဲလား (Salmonella) ရောဂါပိုး

●        အီးကိုလိုင် (E coli) ရောဂါပိုး

●        ကန်ဖိုင်လိုဗက်တာ (Camphylobacter) ရောဂါပိုး

          ဒီပိုးတွေဟာ အစာအဆိပ်သင့်စေတဲ့ပိုးတွေ ဖြစ်ပါတယ်။ ပြင်းထန်စွာ အစာအဆိပ်သင့်၊ ၀မ်းလျှောတာ၊ ဖျားနာတာတွေ ဖြစ်စေပါတယ်။

          သုတေသနအတွက် နမူနာ စမ်းသပ်တဲ့ ၄၉ ခုမှာ ဘက်တီရီးယားတွေ အပြည့်ပါပဲတဲ့။ ကြောက်စရာ မကောင်းဘူးလား။

          ဒါ့အပြင် စိုနေတဲ့အဝတ်နဲ့ ခြောက်နေတဲ့အဝတ်ဆိုရင် စိုနေတဲ့အဝတ်က ပိုမိုအန္တရာယ်များပါတယ်။ ဘက်တီးရီးယားပွားများနှုန်း ပိုမြင့်လို့ ဖြစ်ပါတယ်။

●        ရေအေးအေးနဲ့ အဝတ်လျှော်ဆပ်ပြာသုံးပြီး မကြာခဏ လျှော်ဖွပ်ခြင်းဖြင့် ဘက်တီးရီးယားတွေကို အလွယ်တကူ ထိန်းချုပ်နိုင်ပါသတဲ့။

●        လျှော်ပြီးတဲ့အခါ ခြောက်အောင် နေပူပူမှာ ထုတ်လှမ်းပါ။ လုံးဝခြောက်သွေ့သွားမှ ပြန်လည်အသုံးပြုစေလိုပါတယ်။ တဘက်တွေကို သုံးပြီးတဲ့အခါ ရေနဲ့ လျှော်လိုက်ပြီး ဖြန့်လှန်းထားလိုက်ပါ။

●        ကြွေခုံတွေ၊ စားပွဲတွေကို သုတ်တဲ့အခါ ဘလိချ်လို့ခေါ်တဲ့ ကြွေချေးချွတ်ဆေး၊ ကြမ်းတိုက်ဆေး အနည်းငယ်ထည့်ပြီး သုတ်ပေးခြင်းခြင့် ပိုးသေစေပါတယ်။

●        လက်သုတ်ဝတ်၊ စားပွဲသုတ်ဝတ်တွေကို ခွဲခြားထားပါ။ အသား၊ ငါး လှီးတဲ့နေရာနဲ့ ဝေးဝေးထားပါ။ တန်းလေးနဲ့ တန်းစီ လွှားထားပါ။

●        စားပွဲသုတ်တဲ့အဝတ်၊ ပေါင်းအိုးသန့်စင်တဲ့အဝတ်၊ အသားငါးစိမ်း လှီးတဲ့အခါ သုံးတဲ့အဝတ်၊ အပူကိုင်တဲ့ လကိနှီးဝတ် စသည်ဖြင့် ခွဲခြားထားပါလို့ ပညာရှင်တွေက အကြံပြုထားပါတယ်။

          ဒီတော့ မီးဖိုချောင်လေးကို ကျန်းမာသန့်ရှင်းတဲ့ နေရာလေးတစ်ခုအဖြစ် အသွင်ပြောင်းဖို့ လက်နှီးဝတ်တွေ၊ တဘက်တွေကအစ သန့်သန့်လေးထားခြင်းဖြင့် ကျန်းမာပျော်ရွှင်တဲ့ စားသောက်နေမှုကို ပုံဖော်ကြရအောင်နော် ...။

ဂျီပီငှက် (ဆေး/မန်း) (www.drmyanmar.com)