ရေခဲတုံးတွေ ဝါးမစားနဲ့နော်

          အအေးသောက်ရင်းနဲ့ ရေခဲတုံးတွေ ဝါးတတ်သူတွေ ရှိလား။ ရေခဲ မကြိုက်ပါနဲ့တော့။ ရေခဲ ဝါးစားတာ မလုပ်ပါနဲ့တော့လို့ အကြံပြုပါရစေ။

          ရေခဲတုံးကိုမှ အားရပါးရ ဝါးရတာ ကြိုက်နေရင်တော့ ကျန်းမာရေးအတွက် သိပ်မဟန်ပါဘူး။

●        ရေခဲတုံးဆိုတာ မာတယ်၊ ကြီးတယ်။

●        သွားတွေ အခန့်မသင့်ရင် ပဲ့သွားတတ်တယ်။

●        သွားဖုံးတွေ ထိခိုက်တယ်။

●        သွားဖုံးကို ရောင်ရမ်းသွေးစို့စေပြီး ဘက်တီးရီယားတွေ ဝင်ရောက် ခိုအောင်းစေပါတယ်။

●        လျှာက ဖြူဖျော့ဖျော့ ဒါမှမဟုတ် မီးခိုးရောင်သန်းနေပြီး ဖျော့နေတယ်ဆိုရင် ခံတွင်းထဲမှာ ဘက်တီးရီးယားတွေ ခိုအောင်းနေတာကို ပြပါတယ်။ ခံတွင်းအနံ့ဆိုး ထွက်စေပါတယ်။

>>    ပူတဲ့အချိန်မှာ -

          အရေးအကြီးဆုံးက ရေများများသောက်ပြီး နားလိုက်ဖို့ ဖြစ်ပါတယ်။ ဓာတ်ဆားရည်သောက်လည်း ရပါတယ်။ ချွေးသိပ်ထွက်ပြီးမောနေရင် သီးစုံဓာတ်ဆားလေးနဲ့ဆို ရေဓာတ်ပြန်ဖြည့်ပြီးသား ဖြစ်တာပေါ့။ အလွယ်တကူအေးအောင် ရေခဲဝါးတာ မလုပ်ပါနဲ့တော့လို့ အကြံပြုပါရစေ။

          ရေခဲကို ကြိုက်မှကြိုက်ဆိုရင်တော့ ရေခဲခြစ်နဲ့ ရေခဲချောင်းကိုသာ အားကိုးပါတော့။ ရေခဲခြစ်နဲ့ ရေခဲချောင်းတွေက သာမန်ရေခဲတုံးထက် ပိုသိပ်သည်းဆနည်းပြီး သွားနဲ့ သွားဖုံး ထိခိုက်တာ နည်းစေပါတယ်။

ဂျီပီငှက် (ဆေး/မန်း) (www.drmyanmar.com)