လုပ်ငန်းခွင်မှာ ခါးနာတဲ့အခါ ...
လုပ်ငန်းခွင်မှာ ခါးနာတာဟာ အဖြစ်များတဲ့ ပြဿနာတစ်ရပ်ပါ။ ခါးနာတဲ့အခါ အာရုံစိုက်ဖို့ခက်လို့ အလုပ်တွေ မပြီးမြောက်တာမျိုး ဖြစ်လာနိုင်ပါတယ်။ ဒါကြောင့် လုပ်ငန်းခွင်မှာ ခါးနာတာကို သက်သာအောင်လုပ်ပေးဖို့၊ မဖြစ်အောင် ကာကွယ်ဖို့ အလွန်အရေးကြီးပါတယ်။
>> ဘာကြောင့် လုပ်ငန်းခွင်မှာ ခါးနာရတာလဲ?
● နောက်ကျောကြွက်သားတွေကို အားအရမ်းသုံးပြီးလုပ်တာ (ဥပမာ - အလေးအပင်မတာ)
● လှုပ်ရှားမှုတစ်ခုတည်းကိုပဲ ထပ်ခါထပ်ခါ လုပ်မိနေတာ
● ထိုင်တဲ့အခါ၊ မတ်တပ်ရပ်တဲ့အခါ ပုံစံမှန်ကန်မှုမရှိတာ
● ကုလားထိုင်မှာပဲ အမြဲလိုလို ထိုင်နေတာ၊ အထူးသဖြင့် နောက်ကျောမှီမပါဘဲ အချိန်ကြာကြာထိုင်တာ
အစရှိတဲ့ လုပ်ငန်းခွင်ထဲမှာကြုံတွေ့နေရတဲ့ ဒီလိုအကြောင်းအရာတွေက ခါးနာစေနိုင်ပါတယ်။
Alaxan IA (1)
>> ဒါတွေကို ကာကွယ်ဖို့အတွက်
● အလုပ်လုပ်တဲ့အခါ ပုံစံမှန်မှန်လေး ထိုင်ပေး၊ မတ်တပ်ရပ်ပေးပါ။
● အလေးအပင်မတဲ့အခါမှာလည်း ခါးကုန်ပြီးမတာမျိုးမလုပ်ဘဲ အရင်ဆုံး ဒူးကွေးထိုင်ချလိုက်ပြီး ပစ္စည်းကိုမပြီးမှ ပြန်ထပါ။ အလေးအပင်မထားတဲ့အချိန်မှာ ခါးစောင်းတာ၊ ခါးလှည့်တာမျိုး မလုပ်ပါနဲ့။ အရမ်းလေးတဲ့ပစ္စည်းတွေကို တစ်ယောက်တည်း မ,မပါနဲ့။
● မလိုအပ်ဘဲ ကုန်းကွတာ၊ ခါးစောင်းတာမျိုးကို ရှောင်ကြဉ်ပါ။ ခါးကို အသုံးပြုပြီး ထပ်တလဲလဲလုပ်ရမယ့်အလုပ်တွေ (ဥပမာ - ခါးကုန်းတာ၊ ခါးစောင်းတာ) ကို အတတ်နိုင်ဆုံး ရှောင်ကြဉ်ပါ။
● ထိုင်တာ အချိန်ကြာလာပြီဆိုရင် ပုံစံပြောင်းထိုင်ပေးတာ၊ လမ်းထလျှောက်တာ၊ အကြောလျှော့တာမျိုးကို ပြုလုပ်ပေးပါ။
Alaxan IA (2)
>> ဒါ့အပြင် ခါးနာတာ သက်သာစေဖို့အတွက်
● ကျန်းမာရေးညီညွတ်တဲ့ အစားအသောက်တွေကို စားသောက်တာ
● ကျန်းမာတဲ့ကိုယ်အလေးချိန်ကို ထိန်းသိမ်းတာ
● တစ်ပတ်ကို အနည်းဆုံး အသင့်အတင့်လေ့ကျင့်ခန်းကို (၁၅၀) မိနစ်လောက် (သို့မဟုတ်) ပြင်းပြင်းထန်ထန်လေ့ကျင့်ခန်းကို (၇၅) မိနစ်လောက် ပုံမှန်လုပ်ပေးတာ
အစရှိတဲ့ ကျန်းမာရေးနဲ့ညီညွတ်တဲ့ နေထိုင်စားသောက်မှုပုံစံကို ပြောင်းလဲကြည့်လိုက်ပါ။
ခါးနာနေချိန်မှာ သက်သာစေဖို့အတွက် Alaxan လိုမျိုး အကိုက်အခဲပျောက်ဆေးတွေကို ဆေးညွှန်းအတိုင်း သောက်သုံးပေးဖို့ကိုလည်း အကြံပြုချင်ပါတယ်။
Dr. Aye Hsu Mon (www.drmyanmar.com)
Related News And Articles
ခန္ဓာကိုယ်တွင် ခုခံအားစနစ်ပျက်ယွင်းပါက ရောဂါပိုးများ၀င်ရောက်လာပြီး လူကိုဒုက္ခပေးနိုင်ပါတယ်။ ဒါကြောင့် ခုခံအားစနစ်ကိုကောင်းမွန်စေရန်အတွက် ခုခံအားစနစ်ကိုပျက်ယွင်းစေတဲ့ အကြောင်းအရင်းများကို ရှောင်ရှားနိုင်ရန် ဖော်ပြလိုက်ပါတယ်။
1. ဆေးလိပ်ဖြတ်လိုက်ပါ
...
မိုးလင်းကနေ မိုးချုပ်အထိ အလုပ်တာဝန်တွေနဲ့ ပြည့်နှက်နေတဲ့အခါ လူတွေဟာ စိတ်ဖိစီးမှုတွေများပြီး ပင်ပန်းနွမ်းနယ်လာကြပါတယ်။ ဒီလိုဖြစ်တဲ့အခါ နောက်တစ်နေ့ကို ကျော်ဖြတ်ဖို့အတွက် အားအင်လည်း ဘယ်ရှိတော့မလဲနော်။ ဒါကြောင့် နေ့ရက်တိုင်းကို လန်းလန်းဆန်းဆန်း၊ တက်တက်ကြွကြွနဲ့ ကျော်ဖြတ်နိုင်ဖို့ သဘာဝနည်းလမ်းကောင်းလေ...
