လေ့ကျင့်ခန်းလုပ်ပြီး ကြွက်သားတွေ နာကျင်ရောင်ရမ်းတာ ပုံမှန်ပဲလား

ဒီလိုမျိုး လေ့ကျင့်ခန်းလုပ်ပြီးလို့ ကြွက်သားတွေ ရောင်ရမ်းနာကျင်တာဟာ အများစုကတော့ ပုံမှန်ဖြစ်ပြီး စိတ်ပူစရာမလိုပေမယ့် ပုံမှန်မဟုတ်တဲ့အခြေအနေတွေလည်း ရှိပါတယ်။
●  နေ့စဉ်လုပ်နေကျအလုပ်တွေ မလုပ်နိုင်လောက်အောင် ကြွက်သားတွေ ရောင်ရမ်းနာကျင်တာ
●  ၇၂ နာရီကျော် ကြာတာတောင် နာကျင်နေသေးတာ
●  လေ့ကျင့်ခန်း စစလုပ်ချင်း၊ ဒါမှမဟုတ် လုပ်နေစဉ် အတောအတွင်းမှာကို ကြွက်သားတွေ နာကျင်လာတာဆိုရင်တော့ ဒါဟာ ပုံမှန်မဟုတ်တာကို ပြနေပါတယ်။
လေ့ကျင့်ခန်းကို အရမ်း ပြင်းပြင်းထန်ထန် လုပ်မိတာလား၊ လုပ်ပုံလုပ်နည်း မမှန်လို့လား စတဲ့ အကြောင်းတစ်ခုခုကြောင့် ဖြစ်နိုင်ပါတယ်။

>>  အရမ်းပြင်းပြင်းထန်ထန် လုပ်မိတဲ့အခါ ကြွက်သားပြိုကွဲတာ အရမ်းဆိုးပြီးတော့ ကျောက်ကပ်ထိခိုက်တဲ့အထိ ဖြစ်နိုင်တာကြောင့် -
●  မခံမရပ်နိုင်အောင် နာကျင်ကိုက်ခဲရင်
●  ကြွက်သားရောင်ရမ်းတာ အရမ်းဆိုးရင်
●  အဆစ်တွေ ကောင်းကောင်း မလှုပ်ရှားနိုင်ရင်
●  ဆီးအရောင်ရင့်တာ၊ ဒါမှမဟုတ် ဆီးထွက်နည်းတာတွေ ရှိလာရင် အချိန်မဆွဲဘဲ ချက်ချင်း ကုသမှုခံယူဖို့ လိုအပ်ပါတယ်။

Dr. Aye Hsu Mon (www.drmyanmar.com)