သက်သတ်လွတ်စားရင် ဘာတွေဖြစ်နိုင်လဲ

          လူတိုင်​းဟာ အ​ကောင်​းဆုံး ခံစားနိုင်​ဖို့အတွက်​ ဘဝမှာ အ​ပြောင်​းအလဲ​တွေရှိဖို့ လိုအပ်​ပါတယ်​။ ဒါကြောင့်​ ​နေ့တိုင်​းစား​သောက်ပုံဟာ ကိုယ်​့ခံစားချက်​နဲ့ ကိုယ်​ပါပဲ​နော်​။ ဘာဂါအသားညှပ်​​ပေါင်​မုန်​့၊ ဒါမှမဟုတ်​ ကြက်​သား၊ ဒါမှမဟုတ်​ ငါး ဘာပဲစားချင်​ချင်​ စားပစ်​လိုက်​ပါ။ ဒါ​ပေမဲ​့ သက်​သတ်​လွတ်​ စားကြည့်​မယ်​ဆိုရင်တော့ ကိုယ်​ခန္ဓာမှာ အ​ပြောင်​းအလဲ​တွေဖြစ်​လာတာကို ​တွေ့ရပါလိမ်​့မယ်​။

          အသီးအရွက်​​တွေနဲ့ မပြုပြင်​ထားတဲ့ အ​စေ့အန့ှံ​တွေက ကျန်​းမာ​ရေးကို ဘက်​ပေါင်းစုံက​နေ ကောင်းစေပြီး​တော့ ​ရောဂါ​တွေမဖြစ်​​အောင်​လည်​း ကာကွယ်​​ပေးပါတယ်​။ အသားမစားသူ​တွေမှာ ​သွေးပေါင်ကျတာ၊ ကိုလက်​စထ​ရောဓာတ်​ ကျတာမျိုး​တွေ ​တွေ့ရပါလိမ်​့မယ်​။

          ဒါ့အပြင်​ -

၁။     စိတ်​ခံစားချက်​​တွေလည်​း မြင်​့တက်​လာပါလိမ်​့မယ်​။

          စိတ်​ခံစားချက်​နဲ့ ပတ်​သတ်​ရင်​ အိပ်​​ရေးဝမဝ၊ ​လေ့ကျင့်​ခန်​းလုပ်​ပုံ စသဖြင်​့ အ​ကြောင်​းရင်​း အမျိုးမျိုးက ခြယ်​လှယ်​​နေလိမ်​့မယ်​။ ဒီအ​ကြောင်​းရင်​း​တွေထဲမှာ စား​​သောက်​တာကလည်​း တစ်​​ကြောင်​းအပါအဝင်​ပါပဲ။ ဒါကြောင့်​ သက်​သတ်​လွတ်​စားတာက စိတ်​ခံစားချက်​ကို မြင်​့တက်​​စေပါလိမ်​့မယ်​။

၂။     လျှာအရသာခံ အဖု​လေး​တွေလည်​း ​ပြောင်​းလဲသွားနိုင်​တယ်​။

          သက်​သတ်​လွတ်​ စားလိုက်​ပြီဆိုတာနဲ့ လျှာအရသာလည်​း တ​ဖြည်​းဖြည်​း ​ပြောင်​းလဲလာတာကို တွေ့ရမှာပါ။ တ​ခြားအစားအ​သောက်​​တွေရဲ့ အရသာကို အပြည့်​အဝ ခံစားရလာပါလိမ်​့မယ်​။ ဟင်​းခတ်​အမွှေးအကြိုင်​​တွေရဲ့ အရသာ​တွေ၊ အရသာ​ပေါ့​ပေါ့​တွေကို​တောင်​ အရသာ​တွေ့လာမှာပါ​နော်​။

          လျှာအရသာခံအဖု​တွေကို ထုံသွား​စေနိုင်​တဲ့ ဆားများပြီး ပြုပြင်ထားတဲ့ အစားအ​သောက်​​တွေကို မစားမိတော့တာမို့ ဖြစ်​နိုင်​တယ်​လို့ဆိုတယ်​။ သက်​သတ်​လွတ်​သမား​တွေမှာ ချို့တဲ့​နေတတ်​တဲ့ ဇင့်​ဓာတ်​​ကြောင်​့ ဖြစ်နိုင်​တယ်​လို့ ဆိုတယ်​။ ဒါ​ကြောင်​့ သက်​သတ်​လွတ်​ စစားပြီး အရသာ​​ပေါ့လာခဲ့ရင်​ ဇင်​့ဓာတ်​များတဲ့ မပြုပြင်ထားတဲ့အ​စေ့အနှံ၊ ဟင်​းနုနွယ်​၊ ပဲစိမ်​းနဲ့ တို့ဟူးချဉ်​​တွေကို တိုးစားကြည့်​ပါ။

၃။     ​လေ့ကျင့်​ခန်​းလုပ်​ပြီး ကြွက်​သား​တွေဒဏ်​​ပြေဖို့ အချိန်​ကြာတာ ​တွေ့ရမှာပါ။

            ​အပင်​မှာပါတဲ့ ပရိုတင်​း အသားဓာတ်​​တွေဟာ ဖြိုခွဲဖို့ခက်​ခဲပြီး ပြန်​လည်​တည်​​ဆောက်​အသုံးပြုဖို့ အချိန်ကြာတတ်​တ​ာ​ကြောင်​့ ​လေ့ကျင်​့ခန်​းလုပ်​ပြီးချိန်မှာ ဒဏ်​​ တော်​ရုံမ​ပြေတာကို သတိထားမိလိမ်​့မယ်​။ ဒါပေမဲ​့ တစ်သက်​လုံး နုံးချိ​နေလိမ့်​မယ်​လို့ ​ပြောချင်​တာ မဟုတ်​ဘူး​နော်​။ ပရိုတင်​း များများထည့်​စား​ပေးရုံနဲ့တင်​ အဆင်ပြေပါလိမ်​့မယ်​။

၄။     ခွန်​အား​တွေ တိုးလာတာကိုလည်​း ​တွေ့လိမ်​့မယ်​။

          ဗီတာမင်​၊ အင်​ဆီ​အောက်​စီဒန်​့ ဓာတ်​တိုးဆန်​့ကျင်​ပစ္စည်​း​တွေ များများရလာတာ၊ အစာ​ခြေစနစ်​ ပိုကောင်​းလာတာ၊ အမျှင်ဓာတ်​​တွေ များလာတာ​တွေ​ကြောင်​့ ခွန်​အား​တွေ တိုးလာတာကို​ တွေ့ရပါလိမ်​့မယ်​။

၅။     ခါတိုင်​းထက်​ကို ပိုရင်​ပြည့်​​နေလိမ်​့မယ်​။

          အစပိုင်​းမှာ​တော့ နည်​းနည်​း​ နေထိုင်ရခက်​တတ်​တယ်​။ အသီးအရွက​်​​တွေမှာ အမျှင်ဓာတ်​​တွေ အများကြီးနဲ့ ဘတ်​တီးရီးယားပိုး​ကောင်​း​တွေ အများကြီးပါလို့ အစာအိမ်​နဲ့ အူလမ်​း​ကြောင်​းအတွက်​ အရမ်​းကို​ကောင်​းတယ်​​နော်​။ ဒါ​ပေမဲ​့ အမျှင်​ဓာတ်​များတာကို ကျင်​့သားရ​အောင်​​ နေရချိန်​မှာ​တော့ နည်​းနည်​းရင်​ပြည်​့ရင်​ကယ်​ဖြစ်​တတ်​တယ်။ ယာယီပဲမို့ စိတ်​ပူစရာ​တော့ မရှိဘူး​နော်​။ တကယ်​လို့ ရင်​ပြည့်​​နေတယ်​ဆိုရင် ရေများများသောက်​ပြီး ပန်​း​ဂေါ်ဖီစိမ်​းလို ရင်​ပြည့်​​စေတဲ့ အစားအ​သောက်​​တွေကို ​ရှောင်​​ပေး​ပေါ့။

၆။     က​လေး​လေးတစ်​​ယောက်​လိုပဲ အိပ်​​ပျော်​လိမ်​့မယ်​။

          စိတ်​ခံစားချက်​လိုပဲ၊ အိပ်​​ပျော်​တယ်​ မ​ပျော်​ဘူးဆိုတာဟာလညး်​ အ​ကြောင်​းရင်​း​တွေ အများကြီး​ပေါ် မူတည်​​နေတယ်​။ ကျွမ်​းကျင်​သူအများစုက​တော့ သက်​သတ်​လွတ်​သမာ​း​တွေဟာ ပိုပြီး​ကောင်​း​ကောင်​း အိပ်ပျော်တယ်​ဆိုတာကို ​တွေ့ရလိမ်​့မယ်​။

၇။     အိမ်​သာအ​လေ့အကျင်​့လည်​း ​ပြောင်​းလဲလာလိမ့်​မယ်​။

          အသီးအရွက်​​တွေ​ ပြောင်​းစားသူ​တွေမှာ ကြုံ​တွေ့ရတာ​က​တော့ ဝမ်းပြဿနာပါပဲ။ တ​ချို့​တွေက ဝမ်းလျှောသလို၊ တ​ချို့​တွေက ဝမ်​းချုပ်​လိမ်​့မယ်​။ တ​ချို့ကျ​တော့ ​လျှောလိုက်​၊ ချုပ်​လိုက်​​ပေါ့။

          အစပိုင်​းမှာ​တော့ စိတ်​ညစ်​ဖို့​ ကောင်​း​ပေမယ်​့ ကိုယ်​ခန္ဓာက အ​လေ့အကျင်​့ ဖြစ်​လာတဲ့အခါ အဆင်ပြေသွားပါလိမ်​့မယ်​။ တကယ်​လို့ အဆင်​မ​ပြေဘူးဆိုရင်​ ဆရာဝန်​နဲ့ ပြကြည့်​လိုက်​ပါ။

၈။     အချိန်​​ကြာကြာ ဗိုက်​ပြည့်​​နေတာကို ​တွေ့ရလိမ်​့မယ်​။

          အစာစားပြီးချိန်​မှာ အချိန်​ကြာကြာ ဗိုက်​ပြည့်​​နေတတ်​တယ်​။ တစ်​​နေကုန်​ အချိုဓာတ် ကျတာတွေကိုလည်​း နည်​း​စေနိုင်​တယ်​​နော်​။ ဒါဟာလည်း အမျှင်​ဓာတ်​များတာ​ကြောင်​့ ဖြစ်​တတ်​တယ်​။

၉။     အသားအရေ ကြည်​လင်​လာတာကို ​တွေ့ရလိမ်​့မယ်​။

          သက်​သတ်​လွတ်​သမားတိုင်​း အသားအရေ ​ကြည်​လင်​တာ​တော့ မဟုတ်​ဘူး​ပေါ့။ ဒါ​ပေမဲ​့ သက်သတ်လွတ်​စားတာနဲ့ အသားအရေ ​ကြည်​လင်​တာနဲ့​တော့ ဆက်​စပ်​မှု ရှိ​နေတယ်​ဆိုတာ အမှန်​ပါပဲ။

၁၀။    ပင်​ပန်​း​နေတတ်​တယ်​။

          ​ကောင်​း​ကောင်​း ကျင်​့သားရမယ်​့ အချိန်​အထိ​တော့ ပင်​ပန်​းနုံးချိ​နေတတ်​တယ်​​နော်​။ အဓိက,က ဗီတာမင်​ ချို့ယွင်​းမှု​ကြောင်​့ပါ။ ဗီတာမင်​ B12, Dနဲ့ သံဓာတ်​​တွေ အားနည်​း​နေလို့ပါ။

          ဗီတာမင်​ B12 နဲ့ D တို့ဟာ တိရစာၦန်​အစားအ​သောက်​​တွေမှာ အဓိကပါတာ​ကြောင်​့ ဆရာဝန်​နဲ့ တိုင်ပင်ပြီး ဖြည်​့စွက်​အား​ဆေး​ သောက်​ဖို့လိုရင်​ ​သောက်​ရပါမယ်​။ စားတဲ့အထဲမှာ အဆီနည်​း​နေရင်​လည်​း အဆီထဲ​ပျော်​ဝင်​တဲ့ ဗီတာမင်​ D, A, E, K​ တွေ ချု့ိယွင်​းတတ်​တယ်​။ အဆီများတဲ့ အသီးအရွက်​​တွေကို စားပေးပေါ့။

          ပြီး​တော့ သံဓာတ်​​တွေ စား​ပေးဖို့လည်​း လိုတယ်​။ အများစုက သံဓာတ်​ကို အသားက​နေ ရ​လေ့ရှိတယ်​။ သက်​သတ်​လွတ်​​ ပြောင်​းစားတဲ့အခါ သံဓာတ်​များတဲ့ ပဲအမျိုးမျိုး၊ အစိမ်​းရင်​့​ရောင်​အသီးအရွက်​၊ အသီး​ခြောက်​၊ သံဓာတ်​ ဖြည်​့စွက်ထားတဲ့​ပေါင်​မုန်​့နဲ့ cereal မနက်​စာ​တွေကို စား​ပေးသင်​့တယ်​။ ဗီတာမင်​စီကြွယ်​ဝတဲ့ အချဉ်သီး​တွေ၊ အစိမ်​း​ရောင်​အသီးအရွက်​​တွေ၊ ငရုတ်​ပွအနီ​ရောင်​၊ အစိမ်​း​ရောင်​​တွေ များများစား​ပေးသင်​့တယ်​။

၁၁။    ​ဟော်​မုန်​း​တွေ​ ပြောင်​းလဲနိုင်​တယ်​။

          သဘာဝအတိုင်​းမဟုတ်​တဲ့ အသား​တွေ၊ ကြက်​ ဘဲ​ တွေမှာပါတဲ့ ​ဟော်​မုန်​း​တွေကို​ ရှောင်​ရှားလိုက်​သလို ဖြစ်​တတ်​တဲ့အတွက်​ ​ဟော်​မုန်​း​တွေ သမမျှတသွားလိမ်​့မယ်​။ အုန်​းဆီ၊ သံလွင်​ဆီ၊ ချိုင်​ယာဆီနဲ့ ထောပတ်မှာပါတဲ့ အိုမီဂါ ၃ အဆီဓာတ်​က ခန္ဓာကိုယ်​အတွက်​​ ကောင်​းတဲ့ HDL အဆီဓာတ်​ကို များစေတတ်သေးတယ်​​နော်​။

          ဒါ​ပေမဲ​့ သက်​သတ်​လွတ်​သမား​တွေ မှားတတ်​တာက ပဲပိစပ်​​တွေ များများစားမိတာပါပဲ။ ​ဟော်​မုန်​း​တွေ အ​ပြောင်​းအလဲဖြစ်​​စေနိုင်​လို့ ပုံမှန်​စားတာ​ အ​ကောင်​းဆုံးပဲ​နော်​။

          တကယ်​​တော့ ဘယ်​လို​နေထိုင်​စား​သောက်​နညး်​ကမှ မှန်​တယ်​ဆိုတာ မရှိဘူး​နော်​။ သက်​သတ်​လွတ်​စားမယ်​ဆိုရင်​​တော့ ဒီလိုအ​ပြောင်​းအလဲ​တွေကို ​တွေ့ရမှာပါ။ ကြိုးစားကြည့်​ကြ​ပေါ့။ ​နောက်​ဆုံးမှာ ရရင်​​တော့ ကိုယ်​့အတွက်​ အဆင်​အ​ပြေဆုံး အစားအစာကို စား​ပေးဖို့ လိုတယ်​​နော်​။

Dr. Mya Phoo Ngon (www.drmyanmar.com)