သိထားသင့်တဲ့ အရိုးကျန်းမာရေး

အရိုးတွေဟာ ခန္ဓာကိုယ်အတွက် အရမ်းအရေးကြီးပါတယ်။ ကိုယ်တွင်းအင်္ဂါတွေကို ကာကွယ်ပေးတယ်၊ ကြွက်သားတွေကို ထောက်ပံ့ပေးတယ်၊ ကယ်လ်စီယမ်တွေကို သိမ်းထားပေးပါတယ်။ အရိုးတွေက အချိန်နဲ့အမျှ ပြောင်းလဲနေတတ်ပါတယ်။ အရိုးတွေက အသစ်တွေ အမြဲဖြစ်နေတယ်၊ အဟောင်းတွေက အမြဲပျက်စီးနေပါတယ်။ အသက် ၃၀ လောက်အထိတော့ အသစ်ဖြစ်တဲ့နှုန်းက ပျက်စီးတဲ့နှုန်းထက် ပိုများပေမယ့် ၃၀ ကျော်ပြီးချိန်မှာတော့ အသစ်ဖြစ်တဲ့နှုန်းက ကျလာပါတယ်။ ဒါကြောင့် အရိုးပွတာ၊ အရိုးပါးတာတွေ ဖြစ်လာပါတယ်။

>>  အရိုးကို ထိခိုက်စေတဲ့အရာတွေ
●  အစားအစာ
စားတဲ့ အစားအစာထဲမှာ ကယ်လ်စီယမ်နည်းတဲ့အခါ အရိုးပါးတာ၊ စောစောစီးစီး အရိုးတွေ မကောင်းတာ၊ အရိုးကျိုးလွယ်တာတွေ ဖြစ်တတ်ပါတယ်။

●  ကိုယ်လက်လှုပ်ရှားမှု
ကိုယ်လက်လှုပ်ရှားမှု မရှိတဲ့လူတွေဟာ အားကစားလုပ်တဲ့လူထက် အရိုးပွရောဂါ ပိုဖြစ်ပါတယ်။

●  အရက်နဲ့ ဆေးလိပ်
ဒါတွေ သုံးစွဲရင် အရိုးတွေကို အားပျော့စေပါတယ်။ ဒါ့အပြင် အရက်ကို မိန်းမတွေအဖို့ တစ်ရက်ကို တစ်ခွက်ထက်ပိုရင်၊ ယောကျာ်းတွေဖို့ နှစ်ခွက်ထက်ပိုရင် အရိုးပွရောဂါ ဖြစ်နိုင်ချေ ပိုများပါတယ်။

●  ကျား/မ ခွဲခြားမှု
မိန်းမတွေက ပိုပြီး အရိုးပွရောဂါ ဖြစ်နိုင်ချေ ပိုများပါတယ်။

●  ခန္ဓာကိုယ် အရွယ်အစား
ပိန်တဲ့လူတွေ၊ ခန္ဓာကိုယ်သေးတဲ့လူတွေဟာ အရိုးလည်း သေးတာကြောင့် အရိုးရောဂါတွေ ဖြစ်နိုင်ချေ ပိုများပါတယ်။