အစာအိမ်နဲ့အူလမ်းကြောင်း သွေးယိုခြင်းမဖြစ်အောင် ဘယ်လိုကာကွယ်ကြမလဲ
အစာအိမ်နဲ့ အူလမ်းကြောင်းမှာ သွေးယိုခြင်းမဖြစ်အောင် ကာကွယ်သင့်တဲ့အချက်လေးတွေ ရှိပါတယ်။
၁။ အစာအိမ်နဲ့အူလမ်းကြောင်းရောဂါများရှိရင် ကုသမှုခံယူပါ။
အစာအိမ်မှအက်စစ်များ အစာရေမျိုထဲသို့ ပြန်ကန်တက်ပြီး အစာရေမျိုရောင်ရမ်းခြင်း၊ အစာအိမ်အနာဖြစ်ခြင်း၊ အူသိမ်အနာဖြစ်ခြင်း၊ အူနံရံရောင်ရမ်းခြင်းရောဂါများ စတဲ့ အစာအိမ်နဲ့အူလမ်းကြောင်းမှာ ရောဂါတစ်စုံတစ်ခု ရှိနေခဲ့ရင် ဆရာဝန်နဲ့တိုင်ပင်ပြီး ဆရာဝန် ညွှန်ကြားတဲ့အတိုင်း သေချာကုသမှုခံယူပါ။
Kremil-S 1
၂။ အကိုက်အခဲပျောက်ဆေးတွေ အလွန်အကျွံ မသုံးစွဲပါနဲ့။
အကိုက်အခဲပျောက်ဆေးတွေဟာ အစာအိမ်အနာနဲ့ အူသိမ်အနာ ဖြစ်နိုင်ချေ မြင့်တက်စေလို့ သွေးထွက်တာကိုလည်း ဖြစ်စေနိုင်ပါတယ်။ ဒါ့ကြောင့် အကိုက်အခဲပျောက်ဆေးတွေကို ကိုယ့်သဘောနဲ့ကိုယ် အလွန်အကျွံမသောက်သုံးဘဲ ဆရာဝန် ညွှန်ကြားချက်အတိုင်းသာ သောက်သုံးပေးပါ။
Kremil-S 2
၃။ အရက်မသောက်ပါနဲ့။
အရက်သောက်ခြင်းဟာ အစာအိမ်နဲ့အူသိမ်မှာ အနာတွေကို ဖြစ်စေနိုင်ပါတယ်။ ဒါ့အပြင် အချိန်အကြာကြီး အရက်သောက်တဲ့သူတွေမှာ အစာရေမျိုထဲက သွေးကြောတွေ ဖောင်းလာပြီးတော့ အချိန်ကြာလာတဲ့အခါ သွေးကြောတွေအားနည်းပြီး သွေးယိုစိမ့်တာတွေဖြစ်စေပါတယ်။
၄။ ဆေးလိပ်မသောက်ပါနဲ့။
စီးကရက်မှာပါတဲ့ နီကိုတင်းနဲ့ အခြားဓာတုပစ္စည်းတွေက အစာအိမ်အနာနဲ့ အူသိမ်အနာ ဖြစ်နိုင်ချေကို မြင့်တက်စေလို့ သွေးထွက်တာကို ဖြစ်စေနိုင်ပါတယ်။
Dr. Aye Hsu Mon (www.drmyanmar.com)
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...