အဆစ်အမြစ်တွေကျန်းမာစေဖို့ ဘာတွေဂရုပြုရမလဲ
ခန္ဓာကိုယ်ကအဆစ်အမြစ်တွေဆိုတာ တစ်ကိုယ်လုံးရဲ့ အရိုးတွေကိုချိတ်ဆက်ထားပြီးတွယ်ကပ်နေတဲ့ အရွတ်တွေကတဆင့် အလေးချိန်နှင့် ဟန်ချက်ညီမျှမှုကိုထိန်းသိမ်းထားပေးပါတယ်။ ဒါကြောင့် အရေးပါတဲ့ အဆစ်အမြစ်တွေ ထာဝရကျန်းမာဖို့ ဂရုစိုက်ပေးကြရအောင်…
• မနိုင်တာတွေမမပါနဲ့။ သိပ်လေးတာတွေကို ကြိုးစားပမ်းစားမတဲ့အခါ အဆစ်တွေ ဒဏ်ဖြစ်ပါတယ်။ မဖြစ်နိုင်တာကို မကြိုးစားပါနဲ့။
• ကိုယ်လုံးအလှလေ့ကျင့်ခန်းလုပ်တာခေတ်စားလာတော့ ခန်းမသွားပြီးကစားတာတွေလုပ်တဲ့အခါ ကိုယ့်အခြေအနေကိုယ်သိပါ။ ဝိတ်ကျချင်ဇောကိုယ်လုံးလှချင်ဇောနဲ့ တပင်တပန်းတွေ အလေးမအကွေးအညွှတ်လုပ်တဲ့အခါ အဆစ်တွေဒဏ်ခံရပါတယ်။
• ခပ်ပျော့ပျော့က စပါ၊ စက်ဘီးစီးတာ၊ ခပ်ဖွဖွပြေးတာ၊ လမ်းခပ်သွက်သွက်လျှောက်တာ လောက်ကနေစလုပ်ကြည့်ပါ။ စစချင်းကို ပင်ပင်ပန်းပန်းတွေမလုပ်ပါနဲ့။ အကျင့်မရှိတဲ့ အရိုးအဆစ်တွေကို ရောင်ရမ်းစေပါတယ်။
• ယောဂကျင့်ပါ။ ယောဂဆိုတာအဆစ်အမြစ်တွေအတွက် ပျော့ပြောင်းသန်မာမှုအတွက် ဟန်ချက်ညီဖို့အကောင်းဆုံးလေ့ကျင့်ခန်းဖြစ်ပါတယ်။
• ရုတ်တရက်ထတာ၊ ခါးလှည့်တာ၊ ကုန်းထလိုက်တာ၊ ဆတ်ခနဲအကွေးအဆန့်ရှောင်ပါ။ မထင်မှတ်တဲ့ လှုပ်ရှားမှုပြင်းပြင်းပြင်းတွေဟာ အဆစ်တွေကိုနာကျင်စေပါတယ်။ ဟန်ချက်ညီမျှတဲ့ ကိုယ်နေဟန်ထားတခုကို ထိန်းသိမ်းထားပါ။
အဆစ်အမြစ်တွေ ကျန်းမာဖို့ ဘာစားရင်ကောင်းမလဲ…….
• နွားနို့သောက်ပါ။ ကယ်လစီယမ်နဲ့ ဖော့စဖိတ်ဓာတ်တွေဟာ အဆစ်အမြစ်နဲ့အရိုးတွေကို သန်မာစေပါတယ်။
• ငါးစားပါ။ ငါးအသေးလေးတွေ ပင်လယ်ငါးတွေမှာအဆစ်တွေကိုသန်မာစေတဲ့ ဓာတ်တွေပါဝင်နေပါတယ်။
• ရေများများသောက်ပါ။အရိုးအဆစ် လှုပ်ရှားမှုတွေချောမွေ့သွားစေဖို့ ရေဓာတ်လိုအပ်ပါတယ်။
• အဆီအစိမ့်ရှောင်ပါ။ ဝိတ်ကျသွားတာသိပိကောင်းတဲ့ အဆစ်အမြစ်ထိန်းသိမ်းမှုပါ။ ကိုယ်အလေးချိန်ကြောင့် ဒဏ်မပိတဲ့အဆစ်တွေဟာ ကြာရှည်ကျန်းမာလာကြပါတယ်။
• လတ်ဆတ်တဲ့ အသီးဖျော်ရည်လေးနဲ့ အရိုးအဆစ်တွေကို အားဖြည့်ပေးပါ။ ဗီတာမင်စီဓာတ်ဟာ အဆစ်အမြစ်ရောင်ရမ်းမှုတွေကို သိသိသာသာလျော့ပါးလာစေပြီး ပြန်လည်သန်စွမ်းလာစေပါတယ်။
အဆစ်အမြစ်တွေ နာတာရှည်ကိုက်ခဲတာရောင်ကိုင်းတာ မနက်မိုးလင်းအဆစ်တွေတင်းနေတာ၊ ဖိရင်နာတာတွေရှိခဲ့ရင် ကိုယ်ခံအားဖောက်ပြန်တဲ့ လေးဖက်နာလွန် အဆစ်အမြစ်နာတွေဖြစ်နေတတ်တာမို့ ဆရာဝန်ပြသစစ်ဆေးစေလိုပါတယ်။
ဒဏ်တခုခုကြောင့် အဆစ်အမြစ်တွေနာတဲ့ရောင်တဲ့အခါ အနားပေးပါ။ လုံးဝမပေါ့ပါနဲ့။ အရိုးအဆစ်တိုင်းကိုအရွတ်တွေ နဲ့ ချိတ်ဆက်ထိန်းပေးထားတာမို့ မနားရင် ထိရောက်တဲ့ကုသမှုမခံယူရင် အဆစ်အမြစ်တွေ ပုံမှန်လုပ်ငန်းတွေဆုံးရှုံးသွားနိုင်ပြီးမလှုပ်နိုင်တော့အထိဆိုးဝါးသွားနိုင်တာမို် ့ ဆရာဝန်ပြသကုသဖို့ ခံယူကြဖို့ အကြံပြုပါရစေ။
ဂျီပီငှက် (ဆေး/မန်း) (www.drmyanmar.com)
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...