အရေပြားပေါ်က ပြည်ဖုတွေ

        အလယ်မှာ အဝါရောင်ပြည်လေးတွေ စုနေတဲ့ ပြည်ဖုတွေက အမှန်တကယ်တော့ ဝက်ခြံအကြီးစားတွေပါ။ ဝက်ခြံကနေပြီးတော့ ရေကျောက်အထိ ပြည်ဖုတည်နိုင်ပါတယ်။ ဒါက အဖုကို ရောဂါပိုးဝင်လာလို့ ခန္ဓာကိုယ်ကနေ ပြန်ပြီးတိုက်ခိုက်တဲ့အနေနဲ့ ထွက်လာတာပါ။ ဒီထဲမှာ ရောဂါပိုး ဝင်နေတဲ့အရည်တွေနဲ့ သေနေတဲ့သွေးဖြူဥတွေ ရောနေပါတယ်။ ဒီပြည်တွေက အရေပြားအောက် (သို့) ချေွးပေါက်မှာဖြစ်လာပြီဆိုရင် ပြည်ဖုဖြစ်လာပါတယ်။

          ပြည်ဖုဖြစ်ရတဲ့အကြောင်း အမျိုးမျိုး ရှိပါတယ်။

●        ဝက်ခြံ - ပုံမှန်ဝက်ခြံအရွယ်အစားထက် ကြီးသွားပြီးတော့ ပြည်ဖုဖြစ်လာတာက အဖြစ်များတဲ့ပြဿနာပါပဲ။ အရေပြားပေါ်က ချေွးပေါက်တစ်ခုခုကို အဆွခံရပြီးတော့ နံရံက ပေါက်ထွက်လာရင် ပြည်ဖုဖြစ်လာပါတယ်။

●        Psoriasis - အရေပြားမှာ နီ၊ယား၊ အကြေးခွံလို အကွက်တွေထစေတဲ့ အရေပြားပြဿနာတစ်မျိုးပါ။ ရောဂါပိုးဝင်ခြင်း၊ စိတ်ဖိစီးမှု၊ အချို့သောဓာတုပစ္စည်းတွေနဲ့ ဆေးဝါးတွေကြောင့် ဖြစ်နိုင်ပါတယ်။

●        Rosacea - မျက်နှာအရေပြား နီလာပြီး ဝက်ခြံထွက်လာစေပါတယ်။ ဒီကနေ ရောင်လာရင် ပြည်ဖု ဖြစ်လာစေပါတယ်။

●        ရေကျောက် - ကလေးတွေမှာ ပေါက်လေ့ရှိတဲ့ ရေကျောက်ကတော့ ဗိုင်းရပ်စ်ပိုးကြောင့် ဖြစ်တာဖြစ်ပြီးတော့ ဆိုးလာရင် ပြည်ဖုတွေ ဖြစ်လာစေပါတယ်။

●        IgA pemphigus - ခုခံအားစနစ်ကြွတဲ့ရောဂါတစ်မျိုးဖြစ်တဲ့ ဒီရှားပါးရောဂါမှာလည်း ပြည်ဖုတွေပေါက်တတ်ပါတယ်။

●        ကျောက်ကြီး - ဟိုးအရင်ခေတ်တွေတုန်းက ကြောက်စရာကောင်းတဲ့လူတွေ အများကြီးကို သေစေခဲ့တဲ့ ဒီရောဂါရဲ့ အသိသာဆုံးလက္ခဏာတွေထဲမှာ ပြည်ဖုတွေလည်း အပါအဝင် ဖြစ်ပါတယ်။ ကာကွယ်ဆေးပေါ်လာတာ အရမ်းကို ကျေးဇူးတင်ဖို့ကောင်းပါတယ်။

Dr. Mya Myo Myo Swe (www.drmyanmar.com)