အသည်းကျန်းမာဖို့ ဘာတွေစားရမလဲ
တကယ်တော့ အသည်းဆိုတာ ခန္ဓာကိုယ် အဆိပ်အတောက်တွေကို ဖယ်ရှားသန့်စင်ပေးတဲ့နေ၇ာဖြစ်ပါတယ်။ ဒီတော့ ကိုယ့်ကို ကာကွယ်ပေးနေတဲ့ အသည်း ကို ပြန်လည်ကျန်းမာစေဖို့ ဘာတွေစားသင့်လဲဆိုတာ တင်ပြပါရစေ။
• ကြက်သွန်ဖြူမှာ ဘက်တီးရီးယားပိုးတွေ သေစေတဲ့ စွမ်းအင်ရှိတဲ့အပြင် ကြက်သွန်ဖြူထဲက အင်ဇိုင်းတွေက အသည်း အဆိပ်အတောက်တိုက်ဖျက်ရေးမှာ အသုံးကျစေပါတယ်။
• ဂရိတ်ဖရုသီးမှာ အားကောင်းတဲ့ အင်တီအောက်စီးဒန့်တွေပါ၀င်တာကြောင့် ကိုလက်စထရောကျစေတဲ့အပြင် အသည်းကို သန့်စင်စေပါတယ်။ တစ်ခုသတိပြုရမှာက အဲဒီအသီးဟာ တချို့ဆေးတွေနဲ့ မတည့်တာကြောင့် သတိပြုစားသုံးစေလိုပါတယ်။
Liveril 1
• ကန်စွန်းရွက်၊ ပန်းဂေါဖီစိမ်း၊ ကိုက်လန်ရွက်စတဲ့ အစိမ်းရောင် အသီးအရွက်တွေဟာ ကိုယ်တွင်းကို အစိမ်းဓာတ်နဲ့ အမျှင်ဓာတ်ဖြည့်တင်းပေးပြီး အသည်းကိုကူညီပါသတဲ့။
• ထောပတ်သီးမှာ အာဟာရဓာတ်ပေါင်း အမျိုး နှစ်ဆယ်ကျော်ပါ၀င်ပြီး ဖရီးရယ်ဒီကယ်တွေကို ဓာတ်ပြယ်စေတာကြောင့် အသည်းအဆိပ်စွန့်လုပ်ငန်းမှာပါ၀င်တဲ့ Glutathione ကို တိုးပွားစေပါတယ်။
• ပန်းသီးဟာအစာအိမ်နဲ့ အူလမ်းကြောင်းက အဆိပ်ဓာတ်တွေကိ်ု သန့်စင်စေပြီး အသည်းကို ထောက်ပံ့ပေးပြန်ပါသတဲ့။
Liveril 2
• ကြက်သွန်ဖြူနဲ့ တူညီတဲ့ အာနိသင်ရှိတာကတော့ ဂေါ်ဖီထုပ်ပါပဲ။ အင်တီအောက်စီးဒန့်တွေပါ၀င်တဲ့အတွက် အသည်းပျက်စီးစေတဲ့ ဖရီးရယ်ဒီကယ်တွေကို ဓာတ်ပြယ်သွားစေပါတယ်။ ဂေါ်ဖီထုပ်နဲ့ ကြက်သွန်ဖြူ တွဲဖက်လိုက်ရင်ဖြင့် အသည်းကို သန့်စင်စေတဲ့ အကောင်းဆုံးအစာဖြစ်သွားပါတယ်တဲ့။
အထက်မှာ ဖော်ပြခဲ့တဲ့အတိုင်း အသည်းအတွက် အကျိုးပြုဓာတ်စာလေးတွေကို ဂရုစိုက်စားပေးခြင်းဖြင့် ကိုယ်ထဲက အသည်းကိုကြင်နာကြပါစို့နော်။
ဂျီပီငှက် (ဆေး/ မန်း) (www.drmyanmar.com)
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...