အိပ်စက်ခြင်းဆိုင်ရာပြဿနာများ

>>  အိပ်စက်ခြင်းဆိုင်ရာပြဿနာများကို ဖြစ်စေတဲ့အကြောင်းရင်းများ

(၁)  ညဘက် အလုပ်ဆင်းရခြင်း
ညဂျူတီဆင်းရသူများအနေနှင့် အိပ်ချိန်မလုံလောက်တဲ့ပြဿနာနှင့် ရင်ဆိုင်ရလေ့ရှိပါတယ်။ ဒီလို ညဘက် အလုပ်လုပ်ရသူတွေအနေနှင့် အောက်ပါအချက်တွေကို လိုက်နာခြင်းဖြင့် အိပ်ရေးဝစေနိုင်ပါတယ်။
●  ဖြစ်နိုင်လျှင် အလုပ်မလုပ်ခင် ကြိုအိပ်ထားပါ။
●  အိပ်ခါနီးမှာ ကော်ဖီ၊ အရက်နှင့် အစာ တဝတပြဲစားတာမျိုး ရှောင်ပါ။
●  ဖုန်းများကို ပိတ်အိပ်ပါ။
●  ငြိမ်သက်တိတ်ဆိတ်သောအခန်းတွင် အိပ်ပါ။
●  အလုပ်ချိန်ပြင်ပတွင် ပုံမှန်အိပ်ချိန်ကို သတ်မှတ်ထားပါ။

(၂)  အိပ်နေစဉ် ခဏတာ အသက်ရှူရပ်ခြင်း
ဒီရောဂါရှိသူများဟာ ညဘက်ဟောက်ခြင်း၊ အိပ်နေစဉ် စက္ကန့်ပိုင်းလောက် အသက်ရှူရပ်ခြင်း၊ မိုးလင်းရင် လန်းဆန်းရမယ့်အစား အိပ်ရေးမဝခြင်း၊ ပင်ပန်းခြင်း စတဲ့ လက္ခဏာတွေ ရှိနေတတ်ပါတယ်။