ကိုဗစ်ဖြစ်ရင် ချွဲကြပ်နိုင်သလား
ကိုဗစ်ဖြစ်လို့ ချောင်းဆိုးရင် ချောင်းခြောက်ဆိုးတာဟာ အဖြစ်များပေမယ့် သုံးပုံတစ်ပုံမှာတော့ ချောင်းဆိုးတဲ့အခါ သလိပ်ပျစ်ပျစ်ထွက်ပြီး ချွဲကြပ်တာကို ခံစားရနိုင်ပါတယ်။
>> ကိုဗစ်က အဆုတ်ကို ဘယ်လိုထိခိုက်စေသလဲ?
ကိုဗစ်ရောဂါဟာ SARS-Cov-2 ဗိုင်းရပ်စ်ကြောင့်ဖြစ်တဲ့ အသက်ရှူလမ်းကြောင်းရောဂါတစ်မျိုးပါ။ ဗိုင်းရပ်စ်ပိုး အဆုတ်ထဲရောက်တဲ့အခါ အဆုတ်တစ်သျှူးတွေနဲ့ Alveoli လို့ခေါ်တဲ့ လေအိတ်တွေ ရောင်ရမ်းလာပြီးတော့ အချွဲထုတ်တာ များလာတာကြောင့် လေအိတ်တွေထဲမှာ အရည်တွေနဲ့ပြည့်ပြီး အသက်ရှူခက်လာပါတယ်။ ရောဂါပြင်းထန်လာတာနဲ့အမျှ ရောင်ရမ်းခြင်းနဲ့ အချွဲထုတ်ခြင်းဟာလည်း ပိုပိုဆိုးလာပြီးတော့ နောက်ဆုံးမှာ အဆုတ်ရောင်ရောဂါအထိ ဖြစ်လာနိုင်ပါတယ်။
Solmux Adult IA 1 2023
>> ကိုဗစ်မှာ အဖြစ်များတဲ့လက္ခဏာတွေက ဘာတွေလဲ?
● ဖျားခြင်း၊ ချမ်းတုန်ဖျားခြင်း
● ချောင်းဆိုးခြင်း
● အသက်ရှူရခက်ခြင်း၊ မောခြင်း
● ကြွက်သားများ နာကျင်ကိုက်ခဲခြင်း၊ လည်ချောင်းနာခြင်း၊ ခေါင်းကိုက်ခြင်း
● ပျို့အန်ခြင်း၊ ဝမ်းလျှောခြင်း စတဲ့လက္ခဏာ ခံစားရနိုင်ပါတယ်။
>> ကိုဗစ်ဖြစ်ရင် ဘယ်အချိန်နဲ့ ဆရာဝန်နဲ့ ပြသသင့်သလဲ?
● ဆက်တိုက် ရင်ဘတ်အောင့်ခြင်း
● ချောင်းဆိုးသွေးပါခြင်း
● စိတ်ရှုပ်ထွေးခြင်း
● အလွန်အမင်း အိပ်ငိုက်ခြင်း၊ မှိန်းခြင်း
● အရေပြား၊ နှုတ်ခမ်းနဲ့ လက်သည်းခြေသည်းတွေ ဖြူဖျော့၊ ပြာနှမ်းလာခြင်း
● အဖျား 104°F ထက်ကျော်ခြင်း
● ချောင်းဆိုးတာ သုံးပတ်ကျော်ကြာခြင်း
စတဲ့ လက္ခဏာတွေ ခံစားရရင်တော့ ဆရာဝန်နဲ့ အမြန်ဆုံး ပြသသင့်ပါတယ်။
Solmux Adult IA 2
>> ကိုဗစ်ကြောင့် ချွဲကြပ်တာကို ဘယ်လိုကုသရမလဲ?
၁။ ဆရာဝန်ညွှန်ကြားထားတဲ့ဆေးများ သောက်ပါ။
ချွဲကြပ်သက်သာစေဖို့အတွက် သလိပ်ပျော်စေတဲ့ဆေးတွေ သောက်သုံးပေးဖို့ လိုပါလိမ့်မယ်။
၂။ သလိပ်ပျော်စေတဲ့ အိမ်တွင်းကုထုံးတွေ လုပ်ဆောင်ပါ။
● အရည်များများ သောက်ပါ။
● လေထုအစိုဓာတ်ထိန်းစက် သုံးပါ။
● ရေနွေးငွေ့ရှူပါ။
● အိပ်တဲ့အခါ ကျောမှီပြီး အိပ်စက်ပါ။
၃။ အသက်ရှူလေ့ကျင့်ခန်းလုပ်ပါ။
နှာခေါင်းနဲ့ အသက်ဝဝရှူသွင်းပြီး ခဏအောင့်ထား၊ ပြီးမှ ပါးစပ်ကနေ ဖြည်းဖြည်းချင်း ပြန်ရှူထုတ်ပေးပါ။
၄။ ကိုယ်အနေအထားပြောင်းတဲ့ လေ့ကျင့်ခန်းလုပ်ပါ။
● လှဲအိပ်တဲ့အခါ တင်ပါးအောက်မှာ ခေါင်းအုံးထားပြီး ဒူးနှစ်ဖက်ကို ရင်ဘတ်နဲ့ထိအောင် ကွေးထားပါ။ ဒီပုံစံအတိုင်း အနည်းဆုံး ငါးမိနစ်နေပြီး အသက်ပြင်းပြင်းရှူကြည့်ပါ။
● ညာဘက်ကိုစောင်းပြီး အနည်းဆုံး ငါးမိနစ်နေပေးပါ။ ပြီးရင် ဘယ်ဘက်ကိုစောင်းပြီး နေပေးပါ။
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...