ဘာတွေကြောင့် ခါးနာတတ်သလဲ
ခါးနာခြင်းဟာ လူအတော်များများ အလုပ်ပျက်အကိုင်ပျက်ဖြစ်စေတဲ့ အကြောင်းရင်းတစ်ခုထဲမှာ ပါပါတယ်။ ခါးနာတာဟာ ကြွက်သား ကိုက်ခဲတာလောက်ကနေ တစစ်စစ်ထိုးနာတာ၊ ပူလောင်ပြီး နာတာမျိုးတွေထိ ဖြစ်နိုင်ပါတယ်။ ဒါ့အပြင် ဒီလိုနာကျင်တာဟာ ခြေထောက်တစ်လျှောက်ပြန့်သွားတာ၊ ကုန်းလိုက်၊ မလိုက်၊ လှည့်လိုက်၊ လမ်းလျှောက်လိုက်၊ မတ်တပ်ရပ်လိုက်ချိန်မှာ ပိုဆိုးတာမျိုးတွေလည်း ဖြစ်နိုင်ပါတယ်။
Jointace 1
>> ဘာတွေကြောင့် ခါးနာတတ်သလဲ?
● ကြွက်သား သို့ အရွတ်ဒဏ်ဖြစ်ခြင်း - မကြာမကြာအလေးမရခြင်း၊ ရုတ်တရက် မူမမှန်လှုပ်ရှားမှုတစ်ခု ပြုလုပ်မိခြင်း စတာတွေကြောင့် နောက်ကျောကြွက်သားတွေ၊ အရွတ်တွေ ဒဏ်ဖြစ်တတ်ပါတယ်။ ခါးကြွက်သားကို တောက်လျှောက်ဒဏ်ပိတဲ့အခါ ကြွက်သားတွေ ကြွက်တက်တတ်ပါတယ်။
● ခါးဆစ်ရိုးကြား အရိုးနုပြားကျွံထွက်၊ ပေါက်ထွက်ခြင်း - ဒီအရိုးနုပြားတွေဟာ ခါးဆစ်ရိုးတွေအကြား ကူရှင်အနေနဲ့ လုပ်ဆောင်ပေးပါတယ်။ ဒီအရိုးနုပြားထဲကအရာတွေ ကျွံထွက်ပေါက်ထွက်တဲ့အခါ အာရုံကြောကို သွားဖိတတ်ပါတယ်။ တစ်ခါတလေတော့လည်း ဒီလို ကျွံထွက်၊ ပေါက်ထွက်နေပေမယ့် ခါးနာခြင်းမရှိဘဲ ဓာတ်မှန်ရိုက်ရင်း အမှတ်မထင်တွေ့တာမျိုးလည်း ရှိနိုင်ပါတယ်။
● အဆစ်ရောင်ခြင်း - အရိုးကျီးပေါင်းအဆစ်ရောင်ခြင်းဟာ ခါးနေရာမှာဖြစ်တတ်ပါတယ်။ တစ်ခါတစ်ရံ အဆစ်ရောင်ခြင်းကြောင့် ခါးဆစ်ရိုးတစ်ဝိုက် ကျဉ်းသွားတာမျိုးလည်း ဖြစ်တတ်ပါတယ်။
● အရိုးပွခြင်း - အရိုးတွေပွပြီး ကြွပ်ဆတ်လာတဲ့အခါ အရိုးကျိုးလွယ်ပြီး နာကျင်တာမျိုး ဖြစ်နိုင်ပါတယ်။
Jointace 2
ဒီလိုခါးနာခြင်းတွေ မဖြစ်ရအောင် လေ့ကျင့်ခန်းမှန်မှန်လုပ်ခြင်း၊ ကြွက်သားတွေသန်မာပြီး ပျော့ပြောင်းနေအောင်လေ့ကျင့်ခြင်း၊ ကိုယ်အလေးချိန်ထိန်းသိမ်းခြင်း၊ ဆေးလိပ်ဖြတ်ခြင်း၊ အထိုင်အထနဲ့ အလေးအပင်မရာမှာ ကိုယ်ဟန်အနေအထားကို သတိပြုခြင်းစတဲ့နည်းတွေနဲ့ ကာကွယ်နိုင်ပါတယ်။
Dr. Aye Hsu Mon (www.drmyanmar.com)
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...