စိတ်ဖိစီးမှုနဲ့ နှလုံးကျန်းမာရေး
လူတိုင်းလိုလို စိတ်ဖိစီးလေ့ရှိကြပါတယ်။ ဒါပေမဲ့ စိတ်ဖိစီးမှုကို တုံ့ပြန်ပုံခြင်းကတော့ တစ်ယောက်နဲ့တစ်ယောက် တူမှာမဟုတ်ပါဘူး။ စိတ်ဖိစီးမှုတွေကို စိတ်ဓာတ်ကျတာ၊ စိုးရိမ်မှုလွန်ကဲတာ၊ ဒေါသထွက်တာလိုမျိုး အဆိုးဘက်ကတွေးပြီး တုံ့ပြန်မိရင်တော့ ကိုယ့်ကျန်းမာရေးအတွက် ကောင်းမှာမဟုတ်ပါဘူးနော်။ စိတ်ဖိစီးမှုတွေကြောင့် ဖြစ်လာနိုင်တဲ့ ကျန်းမာရေးပြဿနာတွေထဲက တစ်ခုကတော့ နှလုံးရောဂါပါပဲ။
Cardioace IA 1
လူတော်တော်များများဟာ စိတ်ဖိစီးလာပြီဆိုရင် ကျန်းမာရေးနဲ့မသင့်တော်တဲ့ အပြုအမူတွေကို ပြုမူတတ်ကြပါတယ်။ ဒါတွေကတော့
● ဆေးလိပ်သောက်ခြင်း
● အလွန်အကျွံစားပြီး အဝလွန်လာခြင်း
● ကိုယ်လက်လှုပ်ရှားမှုမရှိခြင်း
● ကျန်းမာရေးနဲ့မညီညွတ်တာတွေကို စားသောက်ခြင်း
● ညွှန်ကြားထားတဲ့ဆေးဝါးတွေကို ပုံမှန်မသောက်တော့ခြင်း
စတာတွေပဲ ဖြစ်ပါတယ်။ ဒီအပြုအမူတွေဟာ နှလုံးခုန်မြန်ခြင်း၊ သွေးပေါင်ချိန်တက်ခြင်း၊ သွေးကြောကျဥ်းခြင်း၊ နှလုံးဆီ သွေးထောက်ပံ့မှုနည်းခြင်းနဲ့ ရောင်ရမ်းခြင်းတွေကို ဖြစ်စေတာကြောင့် နှလုံးရောဂါဖြစ်နိုင်ခြေကို မြင့်တက်လာစေပါတယ်။
Cardioace IA 2
ဒါကြောင့် နှလုံးကျန်းမာရေး မထိခိုက်စေဖို့ဆိုရင် စိတ်ဖိစီးမှုတွေ ရှိလာတာနဲ့ ချက်ချင်းလျှော့ချပေးဖို့ လိုအပ်ပါတယ်။ စိတ်ဖိစီးမှုတွေကို ဘယ်လိုလျှော့ချရမလဲဆိုတော့…..
● လမ်းလျှောက်ထွက်ပါ။ ယောဂလုပ်ပါ။
● တရားထိုင်ပါ။
● မိတ်ဆွေသူငယ်ချင်း၊ မိသားစုဝင်တွေနဲ့ အမြဲဆက်သွယ်နေပါ။
● တစ်ညကို ၇-၉ နာရီလောက် အိပ်စက်အနားယူပါ။
● အကောင်းမြင်စိတ် မွေးမြူပါ။
● သီချင်းနားထောင်ပါ။
● ဝါသနာပါတာလေးတွေကို စမ်းလုပ်ကြည့်ပါ။
ဒါတွေအပြင် နှလုံးကျန်းမာရေးကို အထောက်အကူပြုတဲ့ ဗီတာမင်နဲ့သတ္တုဓာတ် ဖြည့်စွက်အားဆေးတွေ ပုံမှန်သောက်သုံးပေးဖို့ကိုလည်း မမေ့ပါနဲ့နော်။
Related News And Articles
ရုံးဝန်ထမ်းတွေကို ထိုင်ခုံမှာပဲထိုင်ပြီး အလုပ်လုပ်နေရလို့ သက်သာတယ်လို့ မထင်လိုက်ပါနဲ့နော်။ ကွန်ပြူတာရှေ့မှာ အချိန်အကြာကြီး မလှုပ်ရှားဘဲ ထိုင်နေရတာက အရိုးနားမှာရှိတဲ့ကြွက်သားတွေကို အားနည်းစေပါတယ်။ ဒါကြောင့် ကျောရိုး၊ တင်ပါးဆုံရိုးနဲ့ ဒူးရိုးတွေပေါ်မှာ ဒဏ်ဖြစ်လာပြီး နာကျင်ကိုက်ခဲလာတတ်ပါတယ်။...
မိုးရွာတဲ့နေ့တွေ၊ နှင်းကျတဲ့နေ့တွေဆိုရင် လူအများစုက အဆစ်တွေကိုက်လိုက်တာဆိုပြီး ညည်းတွားတတ်ကြပါတယ်။ အဆစ်တွေ ကိုက်ခဲနာကျင်တာဟာ ရာသီဥတုနဲ့ တကယ်ပဲ သက်ဆိုင်သလား။ တကယ်ပဲ အေးတဲ့နေ့တွေမှာ အဆစ်တွေ ပိုကိုက်လေ့ရှိတာလား။
လေ့လာချက်တွေအရတော့ ရာသီဥတုအေးခြင်းနဲ့ အဆစ်အမြစ်ကိုက်ခဲခြင်းဟာ ဆက်စပ...