ဆီးချိုရောဂါကြောင့် အာရုံကြောတွေ ထိခိုက်သွားတဲ့အခါ…..

• ဒီတော့ဆီးချိုဝေဒနာရှင်များ  ထုံနေလား.. ကျင်နေလား… ပူနေလား….စူးခနဲစူးခနဲနာနေတတ်သလား.. ??? 

ဒါဆိုရင်တော့ ဆီးချိုနောက်ဆက်တွဲအနေနဲ့ အာရုံကြောထိခိုက်နေပါပြီ..

Peripheral Neuropathy လို့ ခေါ်ပါတယ်။ လူနာက ခံရခက်သလောက် ဆရာ၀န်ဘက်ကလည်း အလွန်ကုရခက်တဲ့ အခြေအနေကို ရောက်နေတာဖြစ်ပါတယ်။

• ထိခိုက်သွားတဲ့ အာရုံကြောတွေကို.. ပြန်ကောင်းအောင်လုပ်လို့ရသလား..??

ဆီးချိုကြာရှည်ဖြစ်လာတဲ့ဒဏ်ကြောင့်ခန္ဓာကိုယ်က  ပျက်စီးသွားတဲ့အာရုံကြောဆဲလ်တွေကို ပြန်လည်ပြု ပြင်ပေးဖို့အသစ်လိုပြန်ကောင်းအောင်လုပ်ဖို့ သိပ်မဖြစ်နိုင်ပါဘူး။ ဆေးပညာသုတေသနပညာရှင်တွေက နည်းအမျိုးမျိုးရှာဖွေစမ်းသပ်နေကြပေမယ့်  ဒါကိုပြန်ကောင်းအောင် မလုပ်နိုင်သေးပါဘူး။

• ဒီတော့ထုံတာကျင်တာပူတာတွေစူးခနဲနာတာတွေ ပိုဆိုးလာတာကိုပဲထိုင်ကြည့်ရတော့မှာလား ??

အဲလိုလည်းမဟုတ်ပြန်ပါဘူး။ 

1. ဖြစိနေတာကို ပိုမဆိုးအောင်တားမယ်
2. မဖြစ်သေးတဲ့အာရုံကြောတွေကို ကာကွယ်မယ်
3. ထိခိုက်ပြီးသားအာရုံကြောတွေကို တတ်နိုင်သလောက် ပြန်ကောင်းအောင်ကြိုးစားကြည့်မယ်။

• ဘာတွေလုပ်ရမလဲ …..

ဆီးချိုထိန်းချုပ်ကုသလိုက်တာဟာ ဖြစ်ပြီးသားအာရုံကြောတွေကို ပိုမဆိုးစေဖို့နဲ့ မဖြစ်သေးတဲ့အာရုံကြောတွေကို ကာကွယ်ဖို့ အကောင်းဆုံးနည်းလမ်းဖြစ်ပါတယ်။

ဆီးချိုရှိသူတစ်ယောက်ရဲ့ အစားမစားခင်ဆီးချိုပမာဏဟာ 80–130 mg/dl (4.4–7.2 mmol/L) သာရှိသင့်ပြီး အစာစားပြီး2 နာရီကြာတဲ့အခါဖောက်တဲ့ဆီးချိုဟာ 180 mg/dl (10.0 mmol/L)  အောက်သာ ရှိနေရမှာဖြစ်ပါတယ်။

ဒါမှအာရုံကြောတွေကိုမပျက်စီးအောင်တားဆီးတဲ့အတိုင်းအတာနဲ့မပျက်သေးတဲ့အာရုံကြောတွေကိုကာကွယ်တဲ့စစ်ဆင်ရေးအောင်မြင်မှာဖြစ်ပါတယ်။

သွေးတွင်းဆီးချိုကိုတင်းကြပ်စွာချုပ်ထိန်းကုသတာရယ်..အနာသက်သာဆေးတွေထုံတာကျင်တာပူတာတွေအတွက်ဆေးတွေကူလိုက်မယ်ဆိုရင် ပိုမဆိုးဘဲတိုးတက်ကောင်းမွန်လာနိုင်ခြေရှိပါတယ်လို့ ဆေးပညာရှင်များက ညွန်ကြားထားပါတယ်။ အရေးအကြီးဆုံးက ဆေးတွေအပြင် မိမိကိုယ်တိုင်ကစားသောက်နေမှုပြုပြင်ဖို့ပဲဖြစ်ပါတယ်။

ကဲ...ဖြစ်မှကုမလား.. ကြိုကာကွယ်မလား…နောက်ကျမှ ဖြစ်လာမယ့်ကုရခက်တဲ့ ဆိုးကျိုးများတဲ့ ဇာတ်လမ်းလေးတွေရှောင်နိုင်ဖို့ဆီးချိုကိုဖြစ်စကတည်းကတတ်ကျွမ်းသူများနဲ့ ကြပ်ကြပ်မတ်မတ်ကုသကြပါစို့နော်။

ဂျီပီငှက် (ဆေး/မန်း) (www.drmyanmar.com)