ကလေးကြီးများအတွက် ခံတွင်းသန့်ဆေးရည်မှရရှိနိုင်သော အကျိုးကျေးဇူးများ
ကလေးကြီးတွေနဲ့ ဆယ်ကျော်သက်အရွယ်တွေအတွက် ခံတွင်းနံ့ကောင်းစေဖို့အတွက် ခံတွင်းသန့်ဆေးရည်ကို သုံးစွဲကြသလိုပဲ Fluoride ပါဝင်တဲ့ဆေးရည်တွေကနေလည်း အကျိုးကျေးဇူးတွေရရှိနိုင်ပါတယ်။ Fluoride ပါဝင်တဲ့ ခံတွင်းသန့်ဆေးရည်က သွားတွေညီဖို့အတွက် စတီးကြိုးဆိုင်းထားတဲ့ ဆယ်ကျော်သက်တွေအတွက် အထူးသင့်တော်ပါတယ်။ ဘာလို့လဲဆိုတော့ Fluoride က သွားကို ဆိုင်းထားတဲ့ စတီးကြိုးရဲ့အောက်မှာ သွာချေးတွေဖြစ်စေနိုင်တဲ့ အက်ဆစ်ထုတ်ပေးတဲ့ ဘက်တီးရီးယားပိုးတွေရဲ့ရန်ကနေ ကာကွယ်ပေးတဲ့အတွက် ဖြစ်ပါတယ်။
Ceelin 1
ဒါပေမယ့် ကလေးအငယ်တွေကတော့ ခံတွင်းသန့်ဆေးရည်တွေသုံးခြင်းမှ ရှောင်ကြဉ်သင့်ပါတယ်။
ယေဘူယျအားဖြင့် ကလေးငယ်တွေက ခံတွင်းသန့်ဆေးရည်ကို မျိုချနိုင်ချေရှိတဲ့အတွက် မသုံးသင့်ပါဘူး။ အသက် ၆-၁၂ နှစ်အရွယ်ကလေးတွေအနေနဲ့ ခံတွင်းသန့်ဆေးရည်ကို လူကြီးရဲ့စောင့်ကြပ်ကြည့်ရှူမှုရှိမှသာ သုံးလို့ရပါတယ်။ အသက် ၆ နှစ်အောက်ကလေးငယ်တွေရဲ့ ကောင်းမွန်စွာမဖွံ့ဖြိုးသေးတဲ့သွားတွေကို Fluoride က စားသွားပြီး သွားပေါ်မှာ အစက်တွေ၊ အစင်းကြောင်းတွေဖြစ်စေနိုင်တဲ့အတွက် ၆ နှစ်အောက်ကလေးငယ်တွေမှာ Fluoride ပါဝင်တဲ့ခံတွင်းသန့်ဆေးရည််တွေကို လုံးဝမသုံးသင့်ပါဘူး။
Ceelin 2
♦ ကလေးများအတွက် အန္တရာယ်ကင်းသော ခံတွင်းသန့်ဆေးရည်များ
ကလေးတွေအတွက် Alcohol မပါဝင်တဲ့ ခံတွင်းသန့်ဆေးရည်တွေကိုရွေးချယ်သုံးစွဲနိုင်ပါတယ်။ Fluoride ပါဝင်ပြီး Alcohol မပါဝင်တဲ့ ခံတွင်းသန့်ဆေးရည်တွေလည်းရှိပါတယ်။ နောက်ထပ်အရေးကြီးတဲ့အချက်တစ်ချက်ကတော့ ဘယ်လိုခံတွင်းသန့်ဆေးရည်ကိုပဲသုံးသုံး တစ်နေ့ ၂ ကြိမ်ပုံမှန်သွားတိုက်ဖို့နဲ့ သွားကြားထဲတွေကို သွားပွတ်ကြိုးနဲ့ သေချာသန့်စင်ပေးဖို့ အရေးကြီးတယ်ဆိုတာကိုတော့ ကလေးတွေကို ရှင်းပြထားဖို့လိုပါတယ်။
Dr. Mya Myo Myo Swe (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...