ကလေးတစ်ယောက် လျင်မြန်စွာကြီးထွားချိန်မှာ အာဟာရဓာတ် ပိုမိုလိုအပ်နိုင်သလား?
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင်စိတ် ပြောင်းလဲခြင်း၊ စိတ်ခံစားချက်လွန်ကဲခြင်း စတဲ့ ပြောင်းလဲခြင်းတွေ ဖြစ်ပေါ်လာနိုင်ပါတယ်။
WellKid IA 1
ဒီကာလမှာဆိုရင် ခန္ဓာကိုယ်က ကယ်လိုရီနဲ့ အာဟာရဓာတ်တွေကို ပိုပြီးလိုအပ်တာကြောင့် မိဘတွေအနေနဲ့ ကလေးရဲ့စားသောက်မှုပုံစံကို ဂရုစိုက်ပေးဖို့ လိုအပ်ပါတယ်။ ခန္ဓာကိုယ်ကြီးထွားမှုကို အထောက်အကူပြုတဲ့ အသားဓာတ်၊ ကယ်လ်ဆီယမ်၊ ဗီတာမင်ဒီ၊ သံဓာတ်၊ ငါးကြီးဆီနဲ့ အစာချေဖျက်မှုကို အထောက်အကူပြုတဲ့ အမျှင်ဓာတ်တွေကို များများကျွေးပေးသင့်ပါတယ်။ အစာစားချင်စိတ် မြင့်တက်လာတာကြောင့် ပမာဏနည်းနည်းကို မကြာခဏကျွေးပေးတာက ပိုအဆင်ပြေပါလိမ့်မယ်။ အာဟာရကြွယ်ဝတဲ့ အစားအသောက်တွေကိုသာ ကျွေးပေးပါ။ ရေများများတိုက်ပါ။
WellKid IA 2
လျင်မြန်စွာကြီးထွားချိန်ဆိုတာ ကလေးတစ်ယောက်ရဲ့ဘဝမှာ မလွဲမသေကြုံရမယ့် သဘာဝဖြစ်စဥ်တစ်ခုပါ။ ဒါကြောင့် ဒါနဲ့ပတ်သက်ပြီးတော့ မိဘတွေအနေနဲ့ စိတ်မပူဘဲ ကလေးတွေအတွက် အာဟာရဖြစ်မယ့် အစားအသောက်တွေကို ကျွေးပေးကြဖို့ အကြံပြုချင်ပါတယ်။
Related News And Articles
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...
မေမေတို့သိထားတဲ့အတိုင်း ဘေဘီလေးတွေရဲ့ အသားအရေဟာ နူးညံ့ပြီး ထိခိုက်လွယ်တာကြောင့် ရေချိုးဆပ်ပြာကို သေချာရွေးချယ်ပြီး၊ ရေချိုးပြီးတဲ့အခါ အသားအရေကို သေချာထိန်းသိမ်းပေးသင့်ပါတယ်။ ဒီလိုလုပ်ပေးခြင်းဖြင့် ဘေဘီလေးရဲ့အသားအရေကို နူးညံ့ချောမွေ့စေပြီး ဓာတ်မတည့်မှုကင်းဝေးကာ ကျန်းမာတဲ့အသားအရေကို ရရှိစေပါတယ်။...