ကလေးက ဘာလို့ မကြာမကြာ ဖျားနာနေတတ်တာလဲ?

၄။  ကလေးတွေမှာ အိပ်ချိန်ကလည်း အရေးကြီးတယ်နော်။
အိပ်ရေးပျက်ခြင်းဟာ natural killer cells လို့ခေါ်တဲ့ သဘာဝကိုယ်ခံအားဆဲလ်တွေကို နည်းစေပြီး ကိုယ်ခံအားကို ကျဆင်းစေနိုင်ပါတယ်။ တစ်ညကို မွေးကင်းစကလေးတစ်ယောက်ဟာ ၁၆ နာရီ၊ လေးဘက်ထောက်ကလေးတွေဟာ ၁၁-၁၄ နာရီ၊ ကျောင်းမနေမီအရွယ်တွေဟာ ၁၀-၁၃ နာရီ အိပ်ချိန်လိုအပ်ပါတယ်။

၅။  ကလေးရဲ့စိတ်ဖိစီးမှုပမာဏကို သတိထားစောင့်ကြည့်ပါ။
ကလေးတွေမှာလည်း လူကြီးတွေလိုပဲ စိတ်ဖိစီးမှုတွေ ရှိတတ်ကြပါတယ်။ အိမ်မှာ၊ ကျောင်းမှာ၊ အပေါင်းအသင်းကြောင့် စသဖြင့် အကြောင်းအမျိုးမျိုးကြောင့် ဖြစ်နိုင်ပါတယ်။ ဒီလိုတာရှည်စိတ်ဖိစီးမှုများလာတဲ့ သွေးဖြူဥပမာဏတွေ လျော့နည်းလာတာကြောင့် ကလေးရဲ့ကိုယ်ခံအား အားနည်းလာနိုင်ပါတယ်။ ဒါကြောင့် ကလေးကို တရားထိုင်တာ အကျင့်လုပ်ပေးတာမျိုး၊ မိသားစုလိုက် ပျော်စရာလေးတွေ တူတူလုပ်ကြတာမျိုး၊ ရုပ်ရှင်တူတူကြည့်ပြီး ရယ်မောတာမျိုး စသဖြင့် ကလေးရဲ့ စိတ်ဖိစီးမှုတွေကို ဖြေဖျောက်ပေးပြီး ပျော်စရာလေးတွေ ဖန်တီးပေးပါ။

၆။  ရောဂါပိုးမွှားတွေနဲ့ ဝေးဝေးမှာနေပါ။
ကပ်ရောဂါချိန်မှာ ပိုအရေးကြီးပါတယ်။ တစ်ခုခုကိုင်ပြီးတိုင်း လက်ဆေးတာ၊ ဖျားနာနေသူတွေနဲ့ ဝေးဝေးနေတာ၊ လက်ကို ပါးစပ်ထဲထည့်တာ၊ မျက်နှာတို့၊ နှာခေါင်းတို့ကို လက်နဲ့ မကြာမကြာကိုင်တာ စတဲ့ အကျင့်ဆိုးတွေကို ဖျောက်ပေးတာ၊ အသုံးပြုပြီးသား တစ်ရှူးတွေကို ချက်ချင်း အမှိုက်ပုံးထဲပစ်တာ၊ အိမ်နဲ့ ကလေးဆော့ကစားနေကျ အရုပ်တွေကို အမြဲဆေးကြောပေးတာ စတဲ့ အလေ့အကျင့်ကောင်းတွေကို မွေးမြူပေးပါ။

Dr. Mya Phoo Ngon (www.drmyanmar.com)