ကလေးငယ်များမှာ တွေ့ရတဲ့ လေပြွန်ရောင်ရောဂါ
ဘာကြောင့်ဖြစ်ရသလဲ?
ဗိုင်းရပ်စ်နှင့် ဘက်တီးရီးယားပိုးဝင်ခြင်းကြောင့် အဓိကဖြစ်တတ်ပြီး ဖုန်မှုန့်၊ ဆေးရွက်ကြီး၊ မီးခိုးငွေ့များနှင့် ဓာတ်မတည့်စေသောအရာတွေကြောင့်လည်း ဖြစ်လေ့ရှိပါတယ်။
Solmux Kids 1
ရောဂါလက္ခဏာများ
အဓိကတွေ့ရသောလက္ခဏာမှာ ချောင်းဆိုးခြင်းဖြစ်ပြီး တစ်ပတ်ကျော်ထိ ကြာမြင့်တတ်ပါတယ်။ ချွဲထွက်သောချောင်းဖြစ်နိုင်သလို ချောင်းခြောက်လည်း ဖြစ်နိုင်ပါတယ်။
● မောပန်းခြင်း၊ မအီမသာဖြစ်ခြင်း
● ရင်ဘတ်အောင့်ခြင်း
● လည်ချောင်းနာခြင်း
● ခေါင်းကိုက်ခြင်း
● ကိုယ်လက်နာခြင်း
● နှာရည်ယိုခြင်း
● အဖျားငွေ့ငွေ့ရှိခြင်း၊ ချမ်းတုန်ခြင်း
● အသက်ရှူစဉ် တရွီရွီအသံမြည်ခြင်းတို့လည်း ဖြစ်ပေါ်နိုင်ပါတယ်။
Solmux Kids 2
ကုသနည်းများ
ဗိုင်းရပ်စ်ကြောင့် လေပြွန်ရောင်ခြင်းဟာ သူ့အလိုလို ပြန်လည်သက်သာတတ်ပြီး ပိုးသတ်ဆေးများသောက်ဖို့အထိ မလိုအပ်ပါဘူး။ ကလေး ခံစားနေရတာတွေကို သက်သာဖို့အတွက် အဖျားကျဆေးတိုက်ခြင်း၊ ချွဲပျော်စေဖို့အတွက် နှာခေါင်းတွင်း ဆားရည်အစက်ချခြင်း၊ ရေနွေးငွေ့ရှူစေခြင်းတို့ ပြုလုပ်နိုင်ပါတယ်။
ဘက်တီးရီးယားကြောင့်လေပြွန်ရောင်ခြင်းအတွက် ဆရာဝန် ညွှန်ကြားချက်ဖြင့် ပိုးသတ်ဆေးတိုက်ရမှာ ဖြစ်ပါတယ်။ ပိုးသတ်ဆေးတိုက်ရာတွင်လည်း ရက်ပြည့်တဲ့အထိ စနစ်တကျတိုက်ကျွေးဖို့ အရေးကြီးပါတယ်။
နောက်ဆက်တွဲဆိုးကျိုးများ
● လေပြွန်ရောင်ခြင်း ဖြစ်စဉ်အများစုမှာ သူ့အလိုလို ပြန်လည်သက်သာသွားတတ်ပြီး အချို့ဖြစ်စဉ်တွေမှာတော့ နမိုးနီးယားအဆုတ်ရောင်ရောဂါကို ဖြစ်စေပါတယ်။
● နမိုးနီးယားကို အဖြေရှာဖို့ အဆုတ်ဓာတ်မှန်ရိုက်ခြင်း ပြုလုပ်ပြီးနောက် ဆေးကုသမှု သေချာခံယူရမှာ ဖြစ်ပါတယ်။ လိုအပ်ပါက ဆေးရုံတက်ခြင်း၊ အောက်ဆီဂျင်ရှူခြင်း၊ သက်သာတဲ့အထိ ဆေးကုသမှုခံယူခြင်းတို့ ပြုလုပ်သင့်ပါတယ်။
လေပြေနုသွေး (ဆေး-၂) (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...