ကလေးငယ်များအတွက် အန္တရာယ်ရှိသော ရေဓာတ်ဆုံးရှုံးမှု
>> ရေဓာတ်ဆုံးရှုံးခြင်းဆိုတာ ဘာလဲ?
ခန္ဓာကိုယ်ရဲ့ရေဓာတ်ဟာ ချွေး၊ မျက်ရည်၊ ဆီး၊ ဝမ်း စတဲ့ ပုံစံမျိုးစုံနဲ့ ခန္ဓာကိုယ်ပြင်ပသို့ ရောက်ရှိသွားပါတယ်။ အဲ့လို ဆုံးရှုံးသွားတဲ့ရေဓာတ်ကို နေ့စဉ်စားသောက်တဲ့ အစာအာဟာရတွေကနေ ပြန်လည်ဖြည့်တင်းရပါတယ်။ အပူချိန်လွန်ကဲခြင်း၊ အန်ခြင်း၊ ဝမ်းလျှောခြင်း၊ ချွေးထွက်လွန်ခြင်းတို့က ရေဓာတ်ကို သာမန်ထက်ပိုပြီး ဆုံးရှုံးစေပါတယ်။
>> ရေဓာတ်ဆုံးရှုံးခြင်းက ကလေးငယ်တွေမှာ ဘာကြောင့်အဖြစ်များရတာလဲ?
ကလေးငယ်လေးတွေဟာ ရေဓာတ်ကို လူကြီးတွေမှာလောက် ထိန်းသိမ်းသိုလှောင်ထားနိုင်မှု မရှိပါဘူး။ ဒါကြောင့် ကလေးငယ်ဟာ ဆုံးရှုံးသွားတဲ့ရေဓာတ်ကို ကာမိအောင် ပြန်မသောက်နိုင်တဲ့အခါ၊ အစာလမ်းကြောင်း ပိုးဝင်တဲ့အခါ ရေဓာတ် ဆုံးရှုံးပါတယ်။
Atussin Kids 1
>> ရေဓာတ်ဆုံးရှုံးသောလက္ခဏာများ
● ဆီးနည်းသွားခြင်း (သေးခံတွင် အနည်းငယ်သာ စိုခြင်း)
● (၆) နာရီထက်ကြာအောင် ဆီးမသွားခြင်း
● ဆီးအရောင်ရင့်ခြင်း
● နုံးခွေနေခြင်း
● နှုတ်ခမ်းများခြောက်နေခြင်း
● ရေဆာသည့်လက္ခဏာပြခြင်း
● မျက်ရည်အထွက်နည်းလာခြင်း
● ခေါင်းကိုက်ခြင်း၊ ခေါင်းအုံခြင်း
>> အန္တရာယ်ရှိသော လက္ခဏာများ
● မျက်တွင်းများချိုင့်နေခြင်း
● တစ်ချိန်လုံး ဂျီကျနေခြင်း
● ငယ်ထိပ်ချိုင့်ဝင်နေခြင်း
● ခြေလက်များ အေးနေခြင်း
Atussin Kids 2
>> ရေဓာတ်ဆုံးရှုံးနေတဲ့ ကလေးငယ်ကို ဘယ်လိုပြုစုကုသရမလဲ?
● အဓိကကတော့ ရေဓာတ် ပြန်လည်ဖြည့်တင်းပေးဖို့ဖြစ်တဲ့အတွက် ဓာတ်ဆားကို ဝင်သလောက်တိုက်ပေးပါ။ ရေဆာလျှင် ရေသီးသန့်လည်း တိုက်နိုင်ပါတယ်။
● အေးမြတဲ့နေရာမှာထားပါ။
>> ကလေးငယ်လေးတွေ ရေဓာတ်မဆုံးရှုံးအောင် ဘယ်လိုကာကွယ်မလဲ?
● ဖျားနာတဲ့အချိန် ရေပိုတိုက်ပေးပါ။ ရောဂါပိုးများကို ကာကွယ်နိုင်ရန် လက်ကို မကြာခဏ ဆေးကြောသန့်စင်ပေးပါ။ ကာကွယ်ဆေး ပုံမှန်ထိုးပါ။
● ပူအိုက်တဲ့ရာသီတွေမှာ ပေါ့ပါးတဲ့အဝတ်အစားများ ဝတ်ပေးပါ။ အေးမြတဲ့နေရာမှာထားပါ။ အိပ်နေစဉ် စောင်များ၊ ထူထဲသောအဝတ်များ ခြုံပေး၊ ဝတ်ပေးခြင်းတို့ကို ရှောင်ပါ။
ဒေါက်တာနေလွင်ထူး (www.drmyanmar.com)
Related News And Articles
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...
မေမေတို့သိထားတဲ့အတိုင်း ဘေဘီလေးတွေရဲ့ အသားအရေဟာ နူးညံ့ပြီး ထိခိုက်လွယ်တာကြောင့် ရေချိုးဆပ်ပြာကို သေချာရွေးချယ်ပြီး၊ ရေချိုးပြီးတဲ့အခါ အသားအရေကို သေချာထိန်းသိမ်းပေးသင့်ပါတယ်။ ဒီလိုလုပ်ပေးခြင်းဖြင့် ဘေဘီလေးရဲ့အသားအရေကို နူးညံ့ချောမွေ့စေပြီး ဓာတ်မတည့်မှုကင်းဝေးကာ ကျန်းမာတဲ့အသားအရေကို ရရှိစေပါတယ်။...
