ကလေးတို့မေမေတွေ သိထားသင့်တဲ့ G6PD အင်ဇိုင်းချို့တဲ့ခြင်း
ကမ်ဘာပေါ်က လူပေါင်း သန်း ၄၀၀ မှာ G6PD ဓာတ်ချို့တဲ့တဲ့ရောဂါရှိပါတယ်။
G6PD ချို့တဲ့ခြင်းဆိုတာဘာလဲ
ခန္ဓာကိုယ်က G6PD ဆိုတဲ့ ဓာတ်ကူပစ္စည်းလုံလောက်စွာထုတ်မပေးနိုင်တာကို G6PD ချို့တဲ့တယ်လို့ခေါ်ပါတယ်။ G6PD က သွေးနီဥတွေကို အချို့သောအစားအစာတွေ၊ ဆေးဝါးတွေ၊ ရောဂါပိုးတွေကနေထွက်လာတဲ့ အန္တရာယ်ရှိတဲ့ ဘေးထွက်ပစ္စည်းတွေရဲ့ရန်ကနေ ကာကွယ်ပေးခြင်းဖြင့် သွေးနီဥတွေ ကောင်းကောင်းအလုပ်လုပ်နိုင်ဖို့အတွက် မရှိမဖြစ်အရေးကြီးပါတယ်။ ဒီဓာတ်ချို့တဲ့ရင် သွေးနီဥတွေပေါက်ကွဲပြီး သွေးအားနည်းတဲ့လက္ခဏာတွေဖြစ်တဲ့ ဖြူဖတ်ဖြူလျော်ဖြစ်ခြင်း၊ မူးဝေခြင်း၊ ခေါင်းကိုက်ခြင်းစတာတွေကိုဖြစ်စေပါတယ်။ သွေးဥပေါက်ကွဲခြင်းကြောင့်ဖြစ်တဲ့သွေးအားနည်းရောဂါဖြစ်နိုင်ပြီး ဆိုးရွားပါက အသက်သေဆုံးသည်အထိဖြစ်နိုင်ပါတယ်။
G6PD ချို့တဲ့ခြင်းက ကုသလို့ရပါတယ်။ ကလေးမှာ ဒီရောဂါရှိမှန်းသိရင် ရောဂါကိုဆိုးရွားစေတဲ့အရာတွေကို ရှောင်ရှားခြင်းအားဖြင့် ကျန်းမာပျော်ရွှင်စွာဘဝကိုဖြတ်သန်းနိုင်ပါတယ်။
Ceelin 1
ရောဂါဖြစ်စေသောအကြောင်းအရင်းနှင့် ရောဂါအမည်ဖော်ထုတ်ခြင်း
G6PD ချို့တဲ့ခြင်းက မျိုးရိုးဗီဇအခြေအနေတစ်ခုဖြစ်ပြီး ဒီရောဂါမဖြစ်အောင် မကာကွယ်နိုင်ပါဘူး။ ဒါပေမယ့် ရောဂါကို စောစောသိဖို့ အလွန်အရေးကြီးပါတယ်။
ဒီရောဂါရှိတဲ့ကလေးတွေက ရောဂါပိုဆိုးစေတဲ့အရာတွေနဲ့ထိတွေ့မှုမရှိမခြင်း လက္ခဏာမပြပါဘူး။ ဒီရောဂါစစ်ဆေးကြည့်လို့ ရောဂါရှိတယ်ဆိုရင် သွေးပေါက်ကွဲပြီး ရောဂါပိုမဆိုးစေဖို့အတွက် ရှောင်ရမယ့်အရာတွွေရှိပါတယ်။ ကိုယ့်ကလေးမှာ ဒီရောဂါရှိတယ်ဆိုရင် ကလေးကိုကုတဲ့ဆရာဝန်တွေကို ပြောပြဖို့လိုပါတယ်။ တချို့ဆေးတွေက ရောဂါပိုဆိုးစေတဲ့အတွက် ေ၇ှာင်ဖို့လိုပါတယ်။
Ceelin 2
ရောဂါပိုဆိုးစေသောအရာများ
- ဘက်တီးရီးယားပိုး၊ ဗိုင်းရပ်စ်ပိုးဝင်ခြင်းကြောင့်နေမကောင်းဖြစ်ခြင်း (တုပ်ကွေး၊ အဆုတ်ရောင်ရောဂါ၊ အူရောင်ငန်းဖျား စသည်)
- ဆာလဖာအုပ်စုဝင်ပိုးသတ်ဆေးများ
- အဖျားရောဂါကုဆေးအချို့နှင့် အကိုက်အခဲပျောက်ဆေးအချို့
- ငှက်ဖျားဆေးများ
G6PD ချို့တဲ့သောကလေးတွေက အောက်ပါအရာတွေကို ရှောင်ရှားရပါမယ်။
- တောင်ကြီးပဲ
- ပဲတောင့်ရှည်များ၊ ပဲအမျိုးမျိုး
- ပဲပိစပ်ဖြင့်ပြုလုပ်သောအစားအစာများ၊ (တို့ဖူး၊ ပဲငံပြာရည်)
- ကြက်ဟင်းခါးသီး
- ဘလူးဘယ်ရီ
- ဝိုင်နီ
- ပရုတ်လုံး
- ပရုတ်အေး ( ခံတွင်းသန့်ဆေးရည်တွေနဲ့ အခြားအရာတွေမှာပါဝင်တဲ့ ပရုတ်အေး menthol ကိုလည်းရှောင်ရပါမယ်။)
ပဲနို့ပါဝင်တဲ့နို့တွေကြောင့် သွေးဥပေါက်ကွဲတာကိုတော့ မတွေ့ရသေးပါဘူး။
Dr. Mya Myo Myo Swe (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...