ကလေးတွေကို နေ့တိုင်း မနက်စာအတွက် ကြက်ဥကျေွးတာ စိတ်ချရပါသလား? တစ်နေ့မှာ ဘယ်နှလုံးကျေွးလို့ရသလဲ?

ဖြေ - ကြက်ဥက အရည်အသွေးမြင့်တဲ့ ပရိုတင်းဓာတ်ကို ပေးစွမ်းနိုင်တဲ့ အရင်းအမြစ်ကောင်းတစ်ခု ဖြစ်ပါတယ်။ ခန္ဓာကိုယ်ကနေပြီး မထုတ်လုပ်နိုင်တဲ့ အစားအစာကနေသာ ရရှိနိုင်သော ပရိုတင်းဓာတ် တည်ဆောက်မှုရဲ့ အခြေခံအုတ်မြစ်ဖြစ်တဲ့ မရှိမဖြစ် လိုအပ်တဲ့ အမိုင်နိုင်အက်ဆစ်ကိုလည်း ပေးစွမ်းနိုင်ပါတယ်။ ဒါ့အပြင် ဗီတာမင် A (မျက်လုံး၊ အရိုးနှင့် သွား ကျန်းမာရေးအတွက် အရေးပါသော)၊ ဗီတာမင် D (အရိုးနှင့် သွား ကျန်းမာရေး)၊ ကိုလင်း (ဦးနှောက် လှုံ့ဆော်မှုနှင့် နှလုံး ကျန်းမာရေးအတွက် အရေးကြီးသော)၊ စီလီမီယံ (သိုင်းရွိုက်လုပ်ဆောင်မှုအတွက် အရေးကြီး) စတဲ့ ဗီတာမင်နဲ့ သတ္တုဓာတ်မျိုးစုံကိုလည်း ပေးစွမ်းနိုင်ပါတယ်။

          ကြက်ဥမှာ ကောင်းကျိုးများစွာ ရှိသလို သူတို့က ကိုလက်စထရောနှင့် ပြည့်၀ဆီတို့ရဲ့ အရင်းအမြစ် ဖြစ်တဲ့အတွက်ကြောင့် နှလုံး ကျန်းမာရေးအတွက် ကြက်ဥကို အကန့်အသတ်နဲ့ စားသုံးသင့်ပါတယ်။ ကြက်ဥကြီးကြီး 1 လုံးမှာ ကိုလက်စထရော 186mg နဲ့ အဆီ 5g နီးပါး (ပြည့်၀ဆီ 1.5g) ပါ၀င်ပါတယ်။ အမေရိကန် နှလုံး ကျန်းမာရေး အဖွဲ့အစည်းက တစ်နေ့ကို အစားအစာမှ ရရှိသော ကိုလက်စထရော 300mg အောက် (နှလုံးရောဂါရှိသူ သို့မဟုတ် မကောင်းတဲ့ ကိုလက်စထရောဓာတ် များသူတွေမှာ 200mg အောက်) သာ စားသုံးသင့်တယ်လို့ ဆိုထားပါတယ်။ တွေ့ရှိချက်တွေက ကျန်းမာတဲ့အရွယ် ရောက်ပြီးသူတွေမှာ တစ်နေ့ကို ကြက်ဥတစ်လုံး စားခြင်းဖြင့် နှလုံးသွေးကြောရောဂါ ဖြစ်နိုင်ခြေ ဆက်စပ်မှုမရှိပေမယ့် တစ်ပတ်ကို ကြက်ဥ 1 လုံးထက် ပိုစားပါက ရောဂါဖြစ်နိုင်ခြေ ပိုများစေနိုင်ပါတယ်။