ကလေးတွေမှာ သတိထားရမယ့် နမိုးနီးယား အဆုတ်ရောင်ရောဂါ

>>  ခန္ဓာကိုယ်ထဲမှာရှိတဲ့ ပိုးမွှားကြောင့်လည်း ဖြစ်နိုင်
တချို့ဗိုင်းရပ်တွေ၊ ဘက်တီးရီးယားတွေဟာ နှာခေါင်းနဲ့ လည်ချောင်းထဲမှာ ပုံမှန်နေကြပါတယ်။ ကိုယ့်ရဲ့ ကိုယ်ခံအားက သူတို့ကို အဆုတ်ထဲမရောက်အောင် တားထားပါတယ်။ ကိုယ်ခံအားက အားနည်းနေတဲ့အချိန်၊ တခြားရောဂါကို တိုက်ထုတ်နေရတဲ့အချိန်တွေမှာ ရောဂါပိုးတွေက အဆုတ်ထဲရောက်သွားပြီး နမိုးနီးယားကို ဖြစ်စေပါတယ်။ အသက်ကြီးလာရင်လည်း ကိုယ်ခံအားမကောင်းတော့လို့ ဖြစ်တတ်ပါသေးတယ်။

>>  ကလေးငယ်လေးတွေမှာဖြစ်ရင် အသက်အန္တရာယ် ရှိပါတယ်
အသက် ၅ နှစ်အောက် ကလေးတွေမှာ တခြားရောဂါတွေထက် နမိုးနီးယားကြောင့် သေဆုံးနှုန်း ပိုများပါတယ်။ အထူးသဖြင့် ဆင်းရဲတဲ့နိုင်ငံက အာဟာရချို့တဲ့ တဲ့ ကလေးတွေပါ။ ပြီးတော့ မီးမွှေးပြီး ချက်ပြုတ်တဲ့အိမ်တွေ၊ မီးလှုံတဲ့အိမ်တွေဆိုရင် လေထုက ညစ်ညမ်းလို့ ပိုဆိုးပါတယ်။ အိမ်မှာ လူများရင်၊ ဆေးလိပ်သောက်တဲ့လူရှိရင် ပိုပြီး အဖြစ်များပါတယ်။