ကလေးတွေရဲ့ အချိုစားသုံးမှုကို ချင့်ချိန်ပေးပါ

ဒီတော့ ကလေးတွေ အချိုဓာတ်စားသုံးမှုနည်းအောင် လုပ်ပေးဖို့က မေမေတို့တာဝန် ဖြစ်လာပါပြီ။ ကိုယ်တိုင်က အချိုနည်းနည်းပဲစားပြီး ကလေးအတွက် စံနမူနာယူထိုက်အောင် နေထိုင်ပေးသင့်သလို  အိမ်မှာလည်း ကိတ်မုန့်၊ ဘီစကစ်မုန့်၊ အချိုရည် စတာတွေ ဝယ်ထားမယ့်အစား ကျန်းမာရေးနဲ့ညီညွတ်တဲ့ သရေစာတွေ (ဥပမာ - ပေါင်မုန့်ညို၊ ပလိန်းဒိန်ချဉ်၊ အသီးအနှံ) ကိုသာ ဝယ်ထားပြီး ကလေးကို ကျွေးပေးသင့်ပါတယ်။

သားသားမီးမီးတို့ကို ဝိတ်မတက်စေဘဲ ကျန်းမာတဲ့ဘဝလေးကို ပိုင်ဆိုင်စေချင်ရင်တော့ အချိုလျှော့ကျွေးရုံနဲ့ မပြီးသေးပါဘူး။ ကျန်းမာရေးနဲ့ညီညွတ်တဲ့ အစားအသောက်တွေကို ကျွေးပေးပြီးတော့ ကိုယ်လက်လှုပ်ရှားမှုရှိအောင်လည်း လုပ်ဆောင်ပေးဖို့ကိုလည်း မမေ့ကြပါနဲ့နော်။

Dr. Aye Hsu Mon (www.drmyanmar.com)