ကလေးတွေဟာ ဉာဏ်ကောင်းရုံနဲ့ လုံလောက်ပြီလား

ဦးနှောက်အတွက် ကိုယ်လက်လှုပ်ရှားပါ။
လတ်တလောလေ့လာမှုတစ်ခုအရ ကျောင်းသားတွေမှာ ကိုယ်လက်လှုပ်ရှားမှုပြုလုပ်ခြင်းဟာ ကျောင်းသင်ခန်းစာမှာ ပိုမိုထူးချွန်စေတယ်လို့ ဆိုထားပါတယ်။
ကိုယ်လက်လှုပ်ရှားမှုဟာ ဦးနှောက်ရဲ့ သိစိတ်ထိန်းချုပ်ရာနေရာနဲ့ ဆက်စပ်မှုရှိနေတာကြောင့် ကိုယ်လက်လှုပ်ရှားချိန် နည်းပါးခြင်းဟာ ကိုယ်ခန္ဓာကျန်းမာမှုကိုတင်မက ဦးနှောက်ကျန်းမာရေးကိုပါ ထိခိုက်စေနိုင်ပါတယ်။ ဒါကြောင့်မို့ ကလေးကို စာချည်းပဲ ဖိလုပ်ခိုင်းတာမျိုးထက် ကောင်းကောင်း ဆော့ကစားစေတာမျိုး၊ သူတို့ဝါသနာပါတဲ့ အားကစားတစ်မျိုးမျိုးကို အားပေးအားမြှောက် လုပ်ပေးတာမျိုး လုပ်ပေးသင့်ပါတယ်နော်။

ဦးနှောက်အတွက် အစားစားပါ။
ဦးနှောက်ဆိုတာ ကိုယ်ခန္ဓာရဲ့ ၂၀%သော ကယ်လိုရီကိုအသုံးပြုတဲ့ စွမ်းအင်အသုံးများတဲ့ အင်္ဂါအစိတ်အပိုင်းတစ်ခုပါ။ ဒါကြောင့်မို့ ဦးနှောက်ဖွံ့ဖြိုးနေတဲ့ ကလေးတွေအတွက် အစာအာဟာရက အရမ်းအရေးကြီးပါတယ်။ အဆီများငါးတွေမှာ အိုမီဂါ 3 fatty acid တွေ ပါဝင်ပါတယ်။ အထူးသဖြင့် DHA ဟာ ဦးနှောက်ဖွံ့ဖြိုးမှုနဲ့ ပုံမှန်ဦးနှောက်လုပ်ဆောင်မှုတွေအတွက် အရေးပါပါတယ်။ ဒါ့အပြင် ဗီတာမင်ဘီဓာတ်ပေါင်း၊ ဗီတာမင်ဒီ၊ ဗီတာမင်အီး၊ သံဓာတ်နဲ့ မဂ္ဂနီဆီယမ်ဓာတ်တွေဟာလည်း ဦးနှောက်နဲ့အာရုံကြောအတွက်ကို အထူးအရေးပါတဲ့ဓာတ်တွေပါပဲ။ မေမေဖေဖေတွေအနေနဲ့ ကလေးတွေကို ဒီဓာတ်တွေပါဝင်တဲ့ အစားအသောက်တွေကို အထူးပြုကျွေးသင့်ပါတယ်နော်။ ဖော်စပ်စာနဲ့ ဖော်မြူလာနို့တိုက်တဲ့ကလေးတွေဆိုရင်လည်း ဒီဓာတ်တွေ ပါဝင်မှုများတဲ့ ဖော်စပ်စာနဲ့ ဖော်မြူလာနို့အမျိုးအစားကို ရွေးချယ်တိုက်ကျွေးသင့်ပါတယ်။