ကလေးတွေအတွက် သံဓာတ်ရဲ့အရေးပါပုံများ
သံဓာတ်ဆိုတာ ကလေးတွေရဲ့ ကြီးထွားဖွံ့ဖြိုးမှုအတွက် အရေးပါတဲ့ဓာတ်တစ်မျိုး ဖြစ်ပါတယ်။ ဒါပေမဲ့ တချို့ကလေးတွေမှာတော့ သံဓာတ်လုံလောက်စွာ မရရှိတတ်ကြပါဘူး။ ကလေးတွေမှာ သံဓာတ်က ဘယ်လောက်ထိ အရေးပါတယ်၊ ဘယ်လိုကလေးတွေမှာ သံဓာတ်ချို့တဲ့တတ်တယ်၊ ကလေးမှာ သံဓာတ်ချို့တဲ့ကြောင်း ဘယ်လိုသိနိုင်မယ် ဆိုတာတွေကို ပြောပြပေးသွားပါမယ်နော်။
>> သံဓာတ်ကကလေးတွေအတွက် ဘယ်လောက်ထိအရေးပါသလဲ?
သံဓာတ်ဟာ အဆုတ်ကနေ ကိုယ်ခန္ဓာတစ်ခုလုံးကို အောက်စီဂျင်သယ်ယူပို့ဆောင်ပေးပြီး ကြွက်သားတွေမှာ အောက်စီဂျင် အသုံးပြုနိုင်အောင် ကူညီပေးပါတယ်။ ကလေးစားတဲ့ အစားအသောက်တွေထဲမှာ သံဓာတ်ပါဝင်မှုနည်းတဲ့အခါ သံဓာတ်ချို့တဲ့မှု ဖြစ်လာနိုင်ပါတယ်။
ကလေးတွေမှာ သံဓာတ်ချို့တဲ့မှု အဖြစ်များတတ်ပါတယ်။ အပျော့စားချို့တဲ့မှုကနေ သံဓာတ်ချို့တဲ့ပြီး သွေးအားနည်းသည်အထိ ချို့တဲ့မှုအဆင့်ဆင့် ဖြစ်နိုင်ပါတယ်။ ဒီလိုသံဓာတ်ချို့တဲ့မှုကို ကောင်းကောင်းကုသမှုမခံယူဘူးဆိုရင် ကလေးရဲ့ကြီးထွားဖွံ့ဖြိုးမှုကို အများကြီး အဟန့်အတား ဖြစ်စေနိုင်ပါတယ်။
Nutroplex 1
>> ဘယ်လိုကလေးတွေမှာ သံဓာတ်ချို့တဲ့မှုဖြစ်နိုင်မလဲ?
● ပေါင်မပြည့်၊ လမစေ့ဘဲမွေးတဲ့ကလေးတွေ
● အသက် ၁ နှစ်မတိုင်ခင် နွားနို့၊ ဆိတ်နို့ သောက်ခဲ့ရတဲ့ကလေးတွေ
● မိခင်နို့တိုက်သော်လည်း အသက် ၆ လပြည့်ပြီးနောက်ပိုင်း သံဓာတ်ပါတဲ့ဖြည့်စွက်အာဟာရ မစားခဲ့ရတဲ့ကလေးတွေ
● သံဓာတ်မပါတဲ့ ဖော်မြူလာနို့ သောက်ခဲ့ရတဲ့ကလေးတွေ
● အသက် ၁ နှစ်မှ ၅ နှစ်အတွင်း တစ်နေ့ကို နွားနို့၊ ဆိတ်နို့၊ ပဲနို့ တစ်နေ့ကို ၂၄ အောင်စ (၇၁၀ မီလီလီတာ) သောက်တဲ့ကလေးတွေ
● နာတာရှည်ရောဂါရှိတဲ့၊ အစားရှောင်ရတဲ့ကလေးတွေ
● ခဲဓာတ်နဲ့ ထိတွေ့မိတဲ့ကလေးတွေ
● သံဓာတ်ကြွယ်ဝတဲ့အစားအစာတွေကို လုံလောက်အောင်မစားတဲ့ကလေးတွေ
● အဝလွန်နေတဲ့ကလေးတွေ
စတဲ့ ကလေးတွေမှာ သံဓာတ်ချို့တဲ့နိုင်ခြေ အင်မတန်များပါတယ်။
Nutroplex 2
>> ကလေးမှာ သံဓာတ်ချို့တဲ့နေကြောင်း ဘယ်လိုသိနိုင်မလဲ?
သံဓာတ်ချို့တဲ့နေတဲ့အခါ ကလေးရဲ့ကိုယ်ခန္ဓာက ပုံမှန်လုပ်ငန်းဆောင်တာတွေကို လုပ်ဆောင်ဖို့ ခဲယဉ်းပါတယ်။ ဒါပေမဲ့ သံဓာတ်ချို့တဲ့မှုရဲ့လက္ခဏာတွေဟာ သံဓာတ်ချို့တဲ့ပြီး သွေးအားနည်းတဲ့အချိန်ကျမှ သတိထားမိတတ်ကြပါတယ်။ ဒါကြောင့် ကလေးမှာ သံဓာတ်ချို့တဲ့နိုင်တဲ့ အခြေအနေတွေရှိနေရင် ဆရာဝန်နဲ့သေချာတိုင်ပင်ကြည့်ဖို့လိုအပ်ပါတယ်။
>> သံဓာတ်ချို့တဲ့မှုရဲ့လက္ခဏာရပ်တွေကတော့ -
● ဖြူဖပ်ဖြူရော်ဖြစ်ခြင်း
● နုံးခြင်း
● ခြေလက်အေးစက်ခြင်း
● ကြီးထွားမှုနှောင့်နှေးခြင်း
● အစားအသောက်ပျက်ခြင်း
● အသက်ရှူမြန်ခြင်း
● အမူအကျင့်ဆိုင်ရာပြဿနာများဖြစ်ခြင်း
● မကြာမကြာရောဂါပိုးဝင်ခြင်း
● ရေခဲ၊ အမှိုက်သရိုက်၊ အိမ်သုတ်ဆေး စတာတွေကို ပုံမမှန်ချဉ်ခြင်းတက်ခြင်း စတဲ့လက္ခဏာတွေ ဖြစ်တတ်ပါတယ်။
ကလေးတွေမှာ သံဓာတ်ချို့တဲ့မှုဟာ ကြိုတင်ကာကွယ်လို့ရတဲ့ အခြေအနေတစ်ခု ဖြစ်ပါတယ်။ ကလေးကို ပုံမှန်ကြီးထွားဖွံ့ဖြိုးစေဖို့ ကလေးကို သံဓာတ်ပါဝင်တဲ့ အစားအသောက်တွေ ပုံမှန်ကျွေးပေးပြီး သံဓာတ်အားဆေးတိုက်ဖို့ လို၊ မလိုကို ဆရာဝန်နဲ့ တိုင်ပင်သင့်ပါတယ်နော်။
Dr. Mya Phoo Ngon (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...