ကလေးတွေ ကာကွယ်ဆေးထိုးတာနဲ့ပတ်သက်ပြီး မေမေတို့သိထားတဲ့ လွဲမှားနေတဲ့အချက်များ

၅။  သုံးမျိုးစပ်ကာကွယ်ဆေး (MMR Vaccine) ဟာ အော်တစ်ဇင်ရောဂါကို ဖြစ်စေပါတယ်။
ကလေး ၁.၈ သန်းကို လေ့လာမှုလုပ်တဲ့အခါ သုံးမျိုးစပ်ကာကွယ်ဆေးထိုးပြီး အော်တစ်ဇင်ရတဲ့သူဆိုတာ လုံးဝကိုမရှိပါဘူး။ ဒါကြောင့် ဒါဟာ ထင်မြင်ချက်သက်သက်သာ ဖြစ်ပါတယ်။

၆။  ကြက်ဥနဲ့မတည့်ရင် ရာသီတုပ်ကွေးကာကွယ်ဆေးကို မထိုးသင့်ပါဘူး။
ရာသီတုပ်ကွေးကာကွယ်ဆေးမှာ ကြက်ဥအကာပရိုတင်း (egg white protein)  မဆိုစလောက်ပမာဏလေးသာ ပါဝင်လို့ ထိုးဖူးတဲ့ကလေးတွေမှာ ဓာတ်မတည့်မှုလက္ခဏာတွေ ပြလေ့မရှိပါဘူး။ ဒါပေမဲ့ မိမိတို့ရဲ့ကလေးမှာ ကြက်ဥနဲ့ဓာတ်မတည့်တာ အရမ်းပြင်းထန်တယ်ဆိုရင်၊ အသက်အန္တရာယ်ရှိတဲ့အထိ ဖြစ်ခဲ့ဖူးတယ်ဆိုရင်တော့ ကာကွယ်ဆေးထိုးပြီး ဓာတ်မတည့်မှုဖြစ်လာတဲ့အခါ ကုသမှုချက်ချင်းပေးနိုင်တဲ့ ဆေးရုံတွေ၊ ကျန်းမာရေးဌာနတွေမှာပဲ ကာကွယ်ဆေးထိုးကြဖို့ အကြံပြုချင်ပါတယ်။

အခုဆိုရင် ကာကွယ်ဆေးနဲ့ပတ်သက်တဲ့ အယူအဆအမှားတွေနဲ့ တကယ့်အဖြေမှန်တွေကို ဖော်ပြခဲ့တာပဲ ဖြစ်ပါတယ်။ မေမေတို့အနေနဲ့ ဒီလိုအယူအဆအမှားတွေကို ယုံကြည်ပြီးတော့ ကလေးကိုသာ ကာကွယ်ဆေးမထိုးပေးဘူးဆိုရင် ကလေးတွေအနေနဲ့ ရောဂါကူးစက်ခံရပြီး အသက်အန္တရာယ်ရှိနိုင်ပါတယ်။ ဒါကြောင့် ကလေးရဲ့အသက်အရွယ်အလိုက် ထိုးပေးရမယ့် ကာကွယ်ဆေးတွေကို အချိန်မလွန်ပဲထိုးပေးဖို့ တိုက်တွန်းလိုက်ပါရစေနော်။

Dr. Aye Hsu Mon (www.drmyanmar.com)