ကလေးတွေ မှတ်ဉာဏ်ကောင်းစေမယ့် နည်းလမ်းများ

၅။  တီဗွီ၊ ဖုန်း ကြည့်ချိန်တွေ လျှော့ချပါ။
တီဗွီ၊ ဖုန်း စတဲ့ အီလက်ထရောနစ်မျက်နှာပြင်တွေ အကြည့်များခြင်းဟာ အာရုံစိုက်နိုင်စွမ်းနဲ့ အချိန်ကြာကြာ မှတ်သားနိုင်စွမ်းကို လျော့ကျစေပါတယ်။ ဒါကြောင့် ကလေးတွေ မှတ်ဉာဏ်ကောင်းဖို့ဆိုရင် တီဗွီ၊ ဖုန်း ကြည့်ချိန်တွေကို လျှော့ချပြီးတော့ စာများများဖတ်ဖို့၊ အပြင်ထွက်ပြီး ကိုယ်လက်လှုပ်ရှားမှုလုပ်ဖို့ တိုက်တွန်းပေးပါ။

၆။  ဥပမာလေးတွေပေးပြီး သင်ကြားပါ။
အရေးကြီးတဲ့အချက်တွေကို ပုံပြင်လိုမျိုး၊ ဇာတ်လမ်းလိုမျိုး ဥပမာပေးပြီး သင်ကြားပေးပါ။ ဒီလိုလုပ်ပေးခြင်းဟာ ကလေးတွေအတွက်တော့ အချက်တွေကို မြန်မြန်မှတ်သားနိုင်ပြီး အလွယ်တကူလည်း ပြန်မှတ်မိနိုင်ပါတယ်။

၇။  အာဟာရစုံလင်အောင် ကျွေးမွေးပါ။
စားသောက်မှုပုံစံဟာ ခန္ဓာကိုယ်ထဲမှာ ဖြစ်ပျက်နေတဲ့ လုပ်ငန်းဆောင်တွေအားလုံးအတွက် အရေးကြီးတာဖြစ်လို့ အာဟာရမပြည့်ဝခဲ့ရင် ကိုယ်ရောစိတ်ပါ ကျန်းမာနိုင်မှာ မဟုတ်ပါဘူး။ ဦးနှောက်လုပ်ဆောင်ချက် ကောင်းမွန်ဖို့နဲ့ အသက်ကြီးလာတဲ့အခါ မှတ်ဉာဏ်ချို့ယွင်းတာကို ကာကွယ်ဖို့ဆိုရင် အာဟာရစုံလင်စွာ စားပေးဖို့ လိုအပ်ပါတယ်။ Omega-3 fatty acid ၊ Antioxidant နဲ့ Flavonoid တို့ဟာ ဦးနှောက်ကျန်းမာရေးကို အားပေးတဲ့အတွက် ဒီလိုဓာတ်တွေကြွယ်ဝတဲ့ အဆီဓာတ်ပါဝင်မှုများသောငါးများ၊ အသီးအနှံနဲ့ ဟင်းသီးဟင်းရွက်များကို ကလေးတွေ နေ့စဉ်စားသုံးရာမှာ ပါဝင်အောင် ကျွေးပေးပါ။

Dr. Aye Hsu Mon (www.drmyanmar.com)