ကလေးတွေ သွားပေါက်တဲ့အခါ သွားဖုံးရောင်ရမ်းနာကျင်တာကို သက်သာစေရန်
ယေဘုယျအားဖြင့်တော့ ကလေး အသက် ခြောက်လဆိုရင် သွားစပေါက်လေ့ရှိကြပါတယ်။ အောက်ရှေ့သွားလေးနှစ်ချောင်း အရင်ထွက်လာပြီးတော့မှ အပေါ်ရှေ့သွားလေးနှစ်ချောင်း ပေါက်လေ့ရှိပါတယ်။
>> ကလေးတွေ သွားပေါက်တဲ့အချိန်မှာ -
● သွားရည် (သရေ) အရမ်းကျတာ
● အရာဝတ္ထုတွေ၊ အရုပ်တွေကို ကိုက်တာ
● ဂနာမငြိမ်ဖြစ်တာ
● သွားဖုံးရောင်တာ၊ နာကျင်တာ
● ကိုယ်အပူချိန် အနည်းငယ်တက်တာ
စတဲ့ လက္ခဏာတွေကို ခံစားရနိုင်ပါတယ်။
Biogesic for kids IA 1
သွားပေါက်တဲ့အခါ သွားဖုံးရောင်ပြီး နာကျင်တော့ ကလေးလည်း အိပ်ရေးပျက်ရသလို ကလေးက နာလို့ငိုတဲ့အခါ မေမေတို့လည်း အိပ်ရေးပျက်နိုင်ပါတယ်။
ဒီလိုမဖြစ်ရဖို့အတွက် သွားဖုံးရောင်ပြီး နာကျင်တာကို သက်သာစေမယ့် နည်းလမ်းလေးတွေကို ဝေမျှပေးလိုက်ပါတယ်နော်။
● ဂွမ်း (သို့) ပတ်တီးစ သန့်သန့်လေးကို ရေစွတ်ပြီးတော့ ရောင်နေတဲ့သွားဖုံးကို ညင်ညင်သာသာလေး ပွတ်ပေးပါ။
● သွားဖုံးကို အေးမြနေအောင် ထားပါ။
● ပါရာစီတမောပါဝင်တဲ့ အကိုက်အခဲပျောက်ဆေးတွေကို ဆေးညွှန်းအတိုင်း တိုက်ပေးပါ။
Biogesic for kids IA 2
ကလေးတွေ သွားပေါက်တဲ့အခါ ခံစားရတဲ့လက္ခဏာတွေကို အိမ်မှာပဲ အလွယ်တကူ သက်သာအောင် လုပ်ပေးနိုင်ပေမယ့် ကလေးအနေနဲ့
● ဖော်ပြခဲ့တဲ့နည်းလမ်းတွေလုပ်ပြီးတာတောင် နာနေသေးလို့ သက်သောင့်သက်သာမရှိရင်
● အစာကောင်းကောင်းမဝင်ရင်
● ကိုယ်အပူချိန် 100.4°F နဲ့ အထက် ရှိရင်တော့ ဆရာဝန်နဲ့ ပြသပေးသင့်ပါတယ်။
Dr. Aye Hsu Mon (www.drmyanmar.com)
Related News And Articles
လူငယ်၊ လူလတ်၊ လူကြီးအရွယ်တွေအနေနဲ့ ကျန်းမာအသက်ရှည်ဖို့အတွက် နေ့စဉ်လေ့ကျင့်ခန်းလုပ်ဖို့ လိုအပ်သလို မွေးကင်းစ ကလေးငယ်လေးတွေ၊ လမ်းလျှောက်တတ်စ ကလေးငယ်တွေ တစ်နည်းအားဖြင့် အသက် ၅ နှစ်အောက် ကလေးငယ်တွေအနေနဲ့လည်း ကလေးလေ့ကျင့်ခန်းလို့ခေါ်ရလောက်တဲ့ သွက်သွက်လက်လက် လှုပ်ရှားပြုမူနေခြင်းမျိုးဟာ ကလေးနဲ့...
ကလေးတွေဟာ တစ်ဦးနှင့်တစ်ဦးမတူကြပေ စကားများတဲ့ကလေး၊ နည်းတဲ့ကလေး၊ ရှက်တတ်တဲ့ကလေး စသည်ဖြင့် ကွဲပြားနိုင်ပါတယ်။ ကစားဖော်အပေါင်းအသင်းရှိဖို့၊ ခင်မင်ရင်းနှီးဖို့တွေက ကလေးဘ၀ပုံမှန် ဖွ့ံဖြိုးဖို့အတွက် လိုအပ်ချက်တစ်ခုဖြစ်တာကြောင့် ရှက်ရွံ့နေခြင်းဟာ ပေါင်းသင်း ဆက်ဆံရေးကောင်းမွန်စေဖို့အတွက် အဟန့်အတား...
