ကလေးနှင့် တုပ်ကွေး

>> ရောဂါပျံ့နှံ့ခြင်း

          တုပ်ကွေးက ကူးစက်မှုနှုန်းမြင့်မားတဲ့ရောဂါဖြစ်ပြီး နှာချေ၊ ချောင်းဆိုးချိန်မှာ ပါးစပ်၊ နှာခေါင်းတို့ကနေ လေထဲကိုထွက်လာတဲ့ အစက်တွေကနေတစ်ဆင့်ကူးစက်ပါတယ်။ ဒါ့အပြင် ဒီအစက်တွေထိတွေ့ထားတဲ့ မျက်နှာပြင်တွေ၊ အရာဝတၴုပစ္စည်းတွေကိုထိတွေ့ရာမှတစ်ဆင့်လည်းကူးစက်နိုင်ပါတယ်။ ရောဂါရှိတဲ့သူအသုံးပြုထားတဲ့ပစ္စည်းတွေကနေ တစ်ဆင့်လည်း ကူးစက်နိုင်ပါတယ်။

>> ရောဂါကူးစက််နိုင်သောအချိန်ကာလ

          ရောဂါလက္ခဏာအပြည့်အဝမပေါ်မီ ၂ ရက်လောက်ကနေပြီး ရက်အနည်းငယ်ကြာတဲ့အထိ ကူူးစက်နိုင်ပါတယ်။

>> နောက်ဆက်တွဲဆိုးကျိုးများ

          တုပ်ကွေးဖြစ်တဲ့ကလေးတွေမှာ အစိုးရိမ်ရဆုံးကတော့ အဆုတ်ရောင်ရောဂါပဲဖြစ်ပါတယ်။

>> ကုသနည်းများ

          တုပ်ကွေးဖြစ်စေတဲ့ဗိုင်းရပ်စ်ပိုးတွေကိုတိုက်ဖျက်နိုင်ဖို့အတွက် ထုတ်လုပ်ထားတဲ့ဆေး ၂ မျိုးရှိပါတယ်။ ရောဂါလက္ခဏာပြပြီး ၂ ရက်အတွင်းမှာ ပေးနိုင်ရင် အကျိုးသက်ရောက်မှုရှိပါတယ်။ ဘယ်အရွယ်မှာဆေးပေးနိုင်တယ်ဆိုတာကို ဆရာဝန်နဲ့ပြသပြီး မေးမြန်းပါ။

          ကလေးကို ကိုယ်ပူခြင်းနဲ့ကိုက်ခဲခြင်းများအတွက် ပါရာစီတမောတိုက်ပြီး အ၇ည်များများတိုက်ပါ။

>> ကာကွယ်ခြင်း

          အသက် ၆ လအရွယ်ကနေစပြီး နှစ်စဉ် တုပ်ကွေးကာကွယ်ဆေးထိုးပေးနိုင်ပါတယ်။ တုပ်ကွေးဗိုင်းရပ်စ်ပိုးတွေပြန့်နှံ့ခြင်းမှ ကာကွယ်နိုင်ဖို့အတွက် လက်သန့်ရှင်းရေးကိုစနစ်တကျလိုက်နာလုပ်ဆောင်ရပါမယ်။

Dr. Mya Myo Myo Swe (www.drmyanmar.com)