ကလေးများနဲ့ အင်တာနက်အန္တရာယ်
တကယ်တော့ အင်တာနက်ဆိုတာ လေ့လာစရာဗဟုသုတအဖြာဖြာပြည့်ကြပ်နေသလို အန္တရာယ်တွေလည်း မဖိတ်ခေါ်ဘဲ ရောက်လာတတ်တဲ့နေရာပါ။ ဒီလိုအကျိုးရော၊ အပြစ်ရောရောနေတဲ့ အင်တာနက်ကို သားသားမီးမီးတွေကို ဘယ်လိုပေးသုံးကြမလဲဆိုတဲ့ အကြံကောင်းလေးတွေပေးပါရစေ။
ကွန်ပျုတာတွေ၊ လက်တော့တွေကို ဧည့်ခန်းလိုနေရာ၊ မိသားစုအခန်းလိုနေရာမှာ ချထားပေးပါ။
• ကလေးတွေ ကွန်ပျူတာသုံးတိုင်း လူကြီးတစ်ဦးဦး ဘေးကနေအမြဲစောင့်ကြည့်ပါ။
• သူသုံးပြီးတိုင်း Search History ကိုဖွင့်စစ်ပါ။
• ကွန်ပျူတာ၊ တက်ဘလက်၊ အိုင်ပက်ထဲမှာ မကြည့်သင့်တဲ့ ဗီဒီယိုတွေ Site တွေကို Block ထားတဲ့ Software ထည့်လို့ရပါတယ်။
• ကလေးတွေ အင်တာနက်သုံးတဲ့အချိန်ကိုကန့်သတ်ပါ။
• အင်တာနက်ကနေ ရရှိနိုင်တဲ့ အကျိုးအပြစ်တွေကို စိတ်ရှည်ရှည်ပြောပြပါ။ သူ့ကိုတခါတည်းနဲ့ နားလည်ဖို့ မမျှော်လင့်ပါနဲ့။ အချိန်ယူပါ။
• ပညာပေးဓာတ်ပုံတွေ၊ ကာတွန်းအရုပ်လေးတွေ၊ ဗီဒီယိုတွေ၊ ဟာသတွေ လာတတ်တဲ့ site တွေအပြင် စာဖတ်လို့ရတဲ့ site တွေ vocabulary games တွေကိုပါ ရှာဖွေပြသပေးပါ။
အင်တာနက်သုံးခွင့်ပေးတာဟာ ကလေးတွေကို အသိပညာကြွယ်လာစေပြီး လက်ခံနိုင်စွမ်းတက်လာစေပေမယ့် ကွန်ပျုတာရှေ့မှာအချိန်ပြည့်ရှိနေခြင်းဖြင့်
• အဝလွန်တာ
• မျက်စိမှုန်တာ
• အညောင်းမိတာတွေ ဖြစ်နိုင်ပါသေးတယ်။
ဂျီပီငှက် (ဆေး/မန်း) (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...