ကလေးများနဲ့ အဝလွန်ခြင်းပြဿနာ

၄။  သကြားဓာတ်လွန်ကဲသော အချိုရည်များ တိုက်ခြင်း
အမြှုပ်ပါတဲ့အချိုရည်တွေဟာ ကျန်းမာရေးအတွက် မသင့်တော်ဘူးဆိုတာ မိဘတွေအနေနဲ့ သိထားကြပေမယ့် အားဖြည့်အချိုရည်တွေ၊ သဘာဝအတိုင်းမဟုတ်တဲ့ အသီးဖျော်ရည်တွေဟာလည်း သကြားပါဝင်မှု များတာကြောင့် ဒါတွေတိုက်မယ့်အစား ရေ၊ အဆီထုတ်နွားနို့ စတာတွေကိုသာ များများတိုက်ပေးပါ။

၅။  ကိုယ်အလေးချိန်ထိန်းသင့်ကြောင်းကို မှားယွင်းတဲ့နည်းလမ်းဖြင့် ပြောပြခြင်း (သို့) လုံးဝမပြောခြင်း
“ဝနေပြီနော်၊ ဝိတ်လျှော့ဦး” လို့ ပြောတာဟာ ကိုယ်အလေးချိန်ထိန်းဖို့ အထောက်အကူ မဖြစ်စေတဲ့အပြင် ကလေးကိုတောင် အရှက်ရစေနိုင်ပါတယ်။ တချို့မိဘတွေကတော့ ကလေးဘယ်လောက်ပဲဝဝ ဝိတ်ချသင့်တယ်ဆိုတဲ့အကြောင်းကို လုံးဝမပြောတတ်ကြပါဘူး။ မိဘတွေအနေနဲ့ မိမိတို့ကလေး အဝလွန်နေပြီလို့ထင်ရင် ကျန်းမာတဲ့အစားအသောက်တွေစားတာ၊ လှုပ်လှုပ်ရှားရှားနေတာဟာ ကိုယ်ခန္ဓာကို ကျန်းမာ၊ သန်မာစေတဲ့အကြောင်း ကလေး နားလည်အောင် ရှင်းပြပါ။ ဒါမှသာ ကလေးက ကျန်းမာရေးနဲ့အညီ နေထိုင်စားသောက်လာမှာဖြစ်လို့ အလိုလို ကိုယ်အလေးချိန်ထိန်းပြီးသား ဖြစ်သွားပါလိမ့်မယ်။

နောက်ဆုံးအနေနဲ့ မိဘတွေ သိထားသင့်တာကတော့ မိမိတို့ကလေး အဝလွန်နေပြီလားလို့ စိုးရိမ်တယ်ဆိုရင် ကလေးအထူးကုဆရာဝန်နဲ့ တိုင်ပင်ဆွေးနွေးပါ။ ဒါမှလည်း အဝလွန်ခြင်းရဲ့ နောက်ဆက်တွဲ ကျန်းမာရေးပြဿနာတွေ မဖြစ်အောင် ကာကွယ်နိုင်မှာပါ။

Dr. Aye Hsu Mon (www.drmyanmar.com)