ကလေးများမှာ တုပ်ကွေးဖြစ်တဲ့အခါ

နှစ်တိုင်းနှစ်တိုင်း မိုးတွင်းရောက်ပြီဆိုရင် ဘယ်သူတော့ဖြင့် တုပ်ကွေးကွေးပြန်ပြီ စသဖြင့် မကြာမကြာ ကြားရတတ်ပါတယ်။ တစ်နှစ်တစ်ခါ ပေါ်လို့လာဆိုတာ တုပ်ကွေးပါပဲ။

>>  တုပ်ကွေးပိုး ဘယ်လိုပျံ့နှံ့တတ်သလဲ?
တုပ်ကွေးပိုးကို နှာခေါင်းနဲ့လည်ပင်းမှာ တွေ့ရပါတယ်။ ကလေးငယ်တွေဟာ မောင်နှမသားချင်းတွေ၊ မိဘတွေ၊ တခြားမိသားစုဝင်တွေ၊ ကစားဖော်ကစားဖက်တွေနဲ့ ကလေးထိန်းတွေကနေတစ်ဆင့် ကူးစက်နိုင်ပါတယ်။

>>  ပိုးပြန့်ပုံတွေကတော့ -
●  တိုက်ရိုက်ထိတွေ့မိမှု - နမ်းရှုံ့ခြင်း၊ ထိတွေ့မိခြင်း၊ လက်ကိုင်ခြင်းစတဲ့ တိုက်ရိုက်ထိတွေ့မှုကနေ ကူးစက်နိုင်ပါတယ်။ ဗိုင်းရပ်စ်ပိုးရှိနေခဲ့ရင် နှာခေါင်း၊ ပါးစပ်၊ မျက်လုံးနဲ့ အရေပြားတွေကနေ ကူးစက်တတ်ပါတယ်။
●  တိုက်ရိုက်မဟုတ်သောထိတွေ့မှု - အရုပ်၊ တံခါးလက်ကိုင်၊ သုံးပြီးသားတစ်ရှူး စသဖြင့် ရောဂါရှိသူ အသုံးပြုထားပြီး ပိုးရှိနေတဲ့အရာတစ်ခုခုကို ထိတွေ့မိရာကနေ ကူးစက်တတ်ပါတယ်။ အအေးမိတုပ်ကွေးနဲ့ ဝမ်းကိုက်ပိုး စတဲ့ ပိုးမွှားတွေဟာ အရာဝတ္ထုမျက်နှာပြင်ပေါ်မှာ အချိန်အတော်ကြာကြာနေနိုင်ပါတယ်။
●  တချို့ပိုးမွှားတွေကတော့ နှာချေ၊ ချောင်းဆိုးပြီး လေထဲကနေတစ်ဆင့် အမှုန်အမွှားတွေအဖြစ် တစ်ဖက်လူရဲ့ နှာခေါင်းတွေ၊ ပါးစပ်တွေထဲ ကူးစက်သွားတတ်ပါတယ်။