ကလေးများအတွက် ဖန်သားပြင်ကြည့်ချိန် ထုတ်ပြန်ကြေငြာချက်
တီဗွီ၊ ဗွီဒီယိုဂိမ်းနဲ့ အင်တာနက်တွေက ပညာရေး၊ ဖျော်ဖြေရေးစတာတွေအတွက် အရမ်းကောင်းတဲ့ အရင်းအမြစ်ဖြစ်ပေမယ့် ကလေးတွေမှာ ဖန်သားပြင်တွေကို ကြည့်တဲ့အချိန်အရမ်းများပါက ကျန်းမာရေးနဲ့မညီညွတ်တဲ့ ဘေးထွက်ဆိုးကျိုးတွေဖြစ်စေနိုင်ပါတယ်။ ဒါကြောင့်မိဘတွေအနေနဲ့ ကလေးတွေ တီဗွီကြည့်ချိန်၊ ဗွီဒီယိုဂိမ်းကစားချိန်နဲ့ အင်တာနက်အသုံးပြုချိန်တွေကို ကန့်သတ်ကြဖို့လိုပါတယ်။
Nutroplex 1
အမေရိကန်ကလေးများဆိုင်ရာအဖွဲ့က ကလေးတွေအတွက် ဖန်သားပြင်ကြည့်ချိန် လမ်းညွှန်ချက်ကို ထုတ်ပေးထားပါတယ်။
• ကလေး အသက် ၁၈ လအထိ - မိသားစု၊ အသိမိတ်ဆွေတွေနဲ့ ဗွီဒီယိုကနေစကားပြောတာကလွဲပြီး ဖန်သားပြင်ကိုလုံးဝပေးမကြည့်ရပါဘူး။
• အသက် ၁၈-၂၄ လအထိတွားသွားအရွယ်ကလေးငယ်များ - မိဘ (သို့) ကလေးထိန်းနဲ့အတူ ခဏပေးကြည့်လို့ရပါတယ်။
Nutroplex 2
• မူကြိုအရွယ်ကလေးငယ်များ - ပညာပေးအစီအစဉ်တွေကို အစီအစဉ်အကြောင်းရှင်းပြပေးနိုင်တဲ့ မိဘ (သို့) ကလေးထိန်းနဲ့အတူ ကြည့်လို့၇ပါတယ်။ တစ်နေ့တစ်နာရီထက် ပိုမကြည့်ရပါဘူး။
• အသက် ၅-၁၈ နှစ်အထိ ကလေးများနှင့် ဆယ်ကျော်သက်များ - TV, လူမှုရေးကွန်ယက်၊ ဗွီဒီယိုဂိမ်းအပါအဝင် ဖန်သားပြင်ကြည့်ရှုမှုကို တသတ်မတ်တည်းကန့်သတ်ထားရပါမယ်။ ဒါတွေကြောင့် အိပ်ရေးပျက်တာ၊ ကိုယ်လက်လှုပ်ရှားမှုနည်းတာတွေမဖြစ်ပါစေနဲ့။
ကလေးတွေမှာ သူငယ်ချင်းတွေနဲ့အချိန်ဖြုန်းတာ၊ အားကစားလုပ်တာ စတဲ့အားလပ်ချိန်မှာလုပ်တဲ့အရာတွေမျိုးစုံရှိနေမှသာ ကိုယ်ရောစိတ်ပါကျန်းမာစေနိုင်ပါတယ်။
Dr. Mya Myo Myo Swe (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...