ကလေးသွားပေါက်နေတာကို ဘယ်လိုသိနိုင်မလဲ
• သွားဖုံးများနီပြီး ရောင်ရမ်းခြင်း
• ပါးပြင်နီရဲခြင်း
• သွားရည်များပိုကျလာခြင်း
• သွားဖုံးကို ပွတ်တိုက်နေခြင်း၊ ကိုက်ခြင်း (သို့) စုပ်ခြင်း
• သွားထွက်လာတဲ့တစ်ဖက်တည်းမှာရှိတဲ့ နားကိုပွတ်သပ်ခြင်း
• ညဘက်မအိပ်ခြင်းနှင့် နေ့ဘက်မှာလည်းနိုးနေခြင်း
• ခါတိုင်းလိုကောင်းကောင်းမစားခြင်း
• ကဏှာမငြိမ်ခြင်း
ဒါပေမယ့် ဒီလက္ခဏာတွေအကုန်လုံးက သွားပေါက်တဲ့လက္ခဏာလို့ ယူဆလို့မရပါဘူး။ မသေချာဘူးဆိုရင် ဆရာဝန်နဲ့တိုင်ပင်လို့ရပါတယ်။
Ceelin Plus 1
>> သွားရည်တွေကျလို့ ကလေးရဲ့မေးစေ့မှာ အဖုအပိမ့်အကွက်တွေဖြစ်ရင် ဘာလုပ်ပေးနိုင်သလဲ?
ကလေးရဲ့ မေးစေ့ပေါ်က တံတွေးတွေကို နူးညံ့တဲ့ ချည်ထည်အဝတ်လေးနဲ့ မကြာခဏငြင်သာစွာ သုတ်ပေးပါ။ အကြမ်းပတမ်းပွတ်တိုက်ရင် ကလေးအနာဖြစ်နိုင်တဲ့အတွက် သတိထားပါ။
>> ကလေးသွားဖုံးနာခြင်းကို သက်သာစေမည့် အကောင်းဆုံးနည်းလမ်းများ
• ကလေးရဲ့သွားဖုံးကို လက်သန့်သန့်လေးနဲ့ ပွတ်သပ်ပေးခြင်းအားဖြင့် အနာကို ခဏတာသက်သာစေနိုင်ပါတယ်။
• သွားကိုက်ကွင်းတွေပေးထားလို့ရပါတယ်။ အရည်တွေပါတဲ့ကွင်းတွေထက် ဆီလီကွန်အခြေခံပြီး လုပ်ထားတဲ့ကွင်းတွေက ပိုကောင်းပါတယ်။ ကလေးကိုပေးမကိုက်ခင် သွားကိုက်ကွင်းကို ရေခဲသေတ္တာထဲခဏထည့်ထားပြီးမှ ကိုက်စေပါ။ အခဲခန်းထဲတော့မထည့်ပါနဲ့။ ကလေးသွားဖုံးကို ထိခိုက်စေနိုင်ပါတယ်။
Ceelin Plus 2
• နို့သီးခေါင်းအတုပေးကိုက်ထားခြင်းကလည်းအနာသက်သာစေနိုင်ပါတယ်။
• အသက် ၆ လအထက်ကလေးတွေကို ငှက်ပျောသီး၊ သခွားသီးစတဲ့ အေးပြီးနူးညံ့တဲ့အစားအစာတွေ ပေးဝါးခိုင်းထားလို့ရပါတယ်။ မာတဲ့အစားအစာတွေက ကွဲကျေပြီး ကလေးကိုနင်စေနိုင်တဲ့အတွက် မာတဲ့အရာတွေမကျေွးပါနဲ့။
Dr. Mya Myo Myo Swe (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...