ကလေး ဆိုးသွမ်းရိုင်းပြနေခဲ့ရင်

1.  ကလေးကို တာဝန်တွေ၊ တောက်တိုမယ်ရတွေပေးပါ။ ခိုင်းပြီး သူတို့လိုချင်တဲ့အခွင့်အရေးတွေ ပေးပါ။ ကိုယ်ကိုယ်တိုင်ကြိုးစားပြီး ရလာတဲ့အရုပ်တွေ၊ ပစ္စည်းတွေကို ပိုပြီးတော့ တန်ဖိုးထားတတ်လာတာကို တွေ့ရမှာပါ။ ဒီလိုလုပ်ပေးခြင်းဖြင့် ဘယ်အရာမှ အလွယ်တကူမရဘူးဆိုတာကို သင်ကြားပေးရာရောက်ပါတယ်။
2.  မိဘတွေ၊ ဆရာ ဆရာမတွေ၊ အကြီးအကဲတွေကို အပြစ်မတင်ဘဲ ကိုယ့်လုပ်ရပ်ကို ကိုယ်တာဝန်ယူတတ်အောင် သင်ကြားပေးရပါမယ်။ သူများကိုအပြစ်ပုံချခြင်းဟာ ကလေးကို ရိုင်းပြတဲ့အပြုအမူတွေ ဆက်လုပ်အောင် အားပေးသလိုပါပဲ။ ကိုယ်ရဲ့လုပ်ရပ်တွေအတွက် ကိုယ်သာလျှင် တာဝန်ရှိပြီး လက်ခံရမယ်ဆိုတာကို အဓိကထားပြီး သင်ကြားပေးရပါမယ်။
3.  နောက်ပြီးတော့ ကိုယ့်ရဲ့အရေးပါမှုတွေ၊ ကိုယ့်ရဲ့တန်ဖိုးတွေဟာ ပိုင်ဆိုင်မှုတွေအပေါ် မမူတည်ဘဲ ကိုယ့်ရဲ့အရည်အချင်းတွေ၊ စိတ်ဝင်စားမှုတွေနဲ့ ယုံကြည်မှုတွေအပေါ်မှာ မူတည်တယ်လို့ သင်ကြားပေးရပါမယ်။ စံပြအနေနဲ့ အိမ်မှာလည်း ပစ္စည်းပိုင်ဆိုင်မှုတွေအပေါ် အရမ်းအလေးမထားဘဲ ကိုယ့်ကိုယ်ကို ယုံကြည်မှုတည်ဆောက်ဖို့အပေါ်မှာသာ အလေးထားပေးပါ။