ကလေး အစောကြီး နိုးနိုးနေသလား

>>  ကလေးရဲ့အိပ်ခန်းဟာလည်း အိပ်ဖို့အတွက်ပဲဖြစ်ပြီး ကစားတဲ့နေရာ မဖြစ်ပါစေနဲ့။
အိပ်ခါနီး လုပ်ရိုးလုပ်စဉ်တွေအနေနဲ့ ပုံပြင်ပြောပြတာ၊ သီချင်းဆိုပြတာ၊ မီးရောင်ဖျော့ထားတာ စတာတွေ လုပ်ပေးပါ။ ဒီလိုနဲ့ကလေးဟာ ဒါတွေလုပ်ပြီဆို အိပ်ရတော့မယ်ဆိုတာ သိလာမှာပါ။ တီဗီတွေ၊ ဖုန်းတွေကိုလည်း ၁ နာရီကြိုရပ်ပြီး အိပ်ရာနားမှာ ဒီပစ္စည်းတွေ မထားပါနဲ့။
ကျောင်းပိတ်ရက်တွေမှာလည်း ပုံမှန်အိပ်ချိန်ထက်ကို ၁ နာရီထက် ပိုနောက်မကျပါစေနဲ့။ အရမ်းနောက်ကျမှ အိပ်တဲ့အခါ ကိုယ်တွင်းနရီပျက်သွားပြီး ညအိပ်ပျော်ဖို့ ခက်ခဲသွားပါလိမ့်မယ်။
ကလေးတွေအတွက် အိပ်ချိန်၊ ထချိန်ကို ဖော်ပြမယ့် သံပတ်နာရီလေးတွေ ထားပေးပါ။ ဖုန်းကိုတော့ သံပတ်နာရီအဖြစ် မသုံးပါနဲ့။ ဘယ်သူမှမရှိတော့တဲ့အခါ ဆော့နေမှာစိုးလို့ပါ။ ကလေးကို ဒီအချိန်ရောက်ရင် အိပ်ရာက ထရမယ် စသဖြင့် သင်ပေးထားပါ။

>>  ဖြစ်စေနိုင်တဲ့ အကြောင်းတရားများ
ကလေးတိုင်းက ကွာခြားနိုင်ပြီး အိပ်ချိန်တွေကလည်း မတူညီတတ်ကြပါဘူး။ ဒါပေမဲ့ ကလေးရဲ့အိပ်ချိန်နိုးချိန်တွေကို သေချာစိတ်ရှည်လက်ရှည် ပြောင်းလဲပြီးနောက် မပြောင်းလဲသေးဘူးဆိုရင်တော့ ဆရာဝန်နဲ့ တိုင်ပင်ကြည့်ပါ။
ဆရာဝန်အနေနဲ့ ကလေးက ညဘက်မှာ ဟောက်တာမျိုး ရှိ/မရှိ၊ အသက်ရှူတာအပြောင်းအလဲ ရှိ/မရှိ၊ မနက်ခင်းမှာ အရမ်းငိုက်နေပြီး ကျောင်းမှာ စာမလိုက်နိုင်တာမျိုး ရှိ/မရှိကို ကြည့်မှာပါ။ တချို့ကလေးတွေကို နားတွေ၊ နှာခေါင်းတွေ၊ လည်ချောင်းတွေ စမ်းသပ်မှုတွေ ပြုလုပ်ဖို့ပါ လိုနိုင်ပါတယ်။
ကလေးတွေကို အိပ်ချိန်စနစ်တစ်ကျဖြစ်အောင် ပြန်လုပ်ရတာမလွယ်ပေမယ့် နောက်ကျသွားပြီဆိုတာတော့ မရှိပါဘူး။ ညဘက်ကို မှန်မှန်အိပ်၊ မနက်ကို မှန်မှန်ထစေခြင်းဖြင့် ကလေးအတွက် မှန်ကန်တဲ့အိပ်ချိန်ပုံစံကို ရစေပါတယ်။

Dr. Mya Phoo Ngon (www.drmyanmar.com)