ချောင်းစို နဲ့ ချောင်းခြောက်
>> ချောင်းစို
ချောင်းစိုဆိုတာကတော့ ချောင်းဆိုးရင် ချွဲသလိပ်တွေပါ ထွက်တာပါ။ အိပ်ရာကထတဲ့အချိန်တွေ၊ စကားပြောနေတဲ့အချိန်တွေမှာ ပိုဆိုးပါတယ်။ အအေးမိပြီးနောက်မှာ နောက်ဆုံးအနေနဲ့ ချောင်းဆိုး ချွဲထွက်ပြီးတော့ ကျန်ခဲ့နိုင်ပါတယ်။ ချောင်းဆိုးစေတဲ့ အကြောင်းအရင်းအပေါ် မူတည်ပြီးတော့ အသက်ရှူမြန်ခြင်း၊ ကိုယ်ပူခြင်း၊ အအေးမိတုပ်ကွေးလက္ခဏာများ၊ အသက်ရှူလျှင်အသံမြည်ခြင်း၊ ရင်ဘတ်အောင့်ခြင်း စတာတွေ ခံစားရနိုင်ပါတယ်။
>> အဖြစ်များသော ချောင်းဆိုးချွဲပါစေတဲ့ အကြောင်းအရင်းများ
● ဗိုင်းရပ်စ်ပိုး ဝင်ရောက်ခြင်း
● လေပြွန်ရောင်ခြင်း
● အဆုတ်ရောင်ခြင်း
● နာတာရှည် အသက်ရှူလမ်းကြောင်းပိတ်ဆို့သောရောဂါ
Solmux Kids 1
>> ချောင်းခြောက်
ချောင်းခြောက်ဆိုတာကတော့ ချွဲသလိပ်မထွက်တဲ့ချောင်းပါ။ ချောင်းဆိုးတာကလွဲပြီးတော့ အသက်ရှူတာကလည်း ပုံမှန်ပဲ၊ နေလို့လည်းကောင်းပါတယ်။ အများအားဖြင့်တော့ တုပ်ကွေးဖြစ်ပြီးနောက်မှာ ချောင်းခြောက်ဆိုးပြီး ကျန်ရစ်နိုင်ပါတယ်။ ပြီးတော့ ခြောက်သွေ့တဲ့လေထု၊ ညစ်ညမ်းတဲ့လေတွေနဲ့ အပူချိန် အပြောင်းအလဲကြောင့်လည်း ချောင်းဆိုးနိုင်ပါတယ်။ ပန်းနာရင်ကြပ်၊ ရင်ပူတာ၊ အစာအိမ်ထဲက အက်ဆစ်တွေ ပြန်ကန်တက်တာတွေ၊ နှလုံးပျက်စီးတာတွေကြောင့် (သို့) ဆေးအချို့ရဲ့ ဘေးထွက်ဆိုးကျိုးအနေနဲ့လည်း ချောင်းခြောက်ဆိုးနိုင်ပါတယ်။
Solmux Kids 2
>> ကုထုံးများ
● တတ်နိုင်သမျှ ခြောက်သွေ့တဲ့ပတ်ဝန်းကျင်ကို ရှောင်ပါ။ ရေများများသောက်ပါ။
● ရေနဲ့ တစ်မိနစ်လောက် ပလုတ်ကျင်းပေးပါ။ တစ်နေ့သုံးကြိမ်လောက် လုပ်ပေးပါက လက္ခဏာတွေကို သက်သာစေနိုင်ပါတယ်။
● ချောင်းဆိုးပျောက်ဆေးတွေ သောက်လို့ရပါတယ်။
● အိပ်လိုက်တဲ့အချိန်မှာ ချောင်းဆိုးပြီးတော့ နှာတွေစေးလာရင် နှာခေါင်းမှာ ဖြစ်တဲ့အကြောင်းအရင်းကြောင့် ချောင်းဆိုးတာ ဖြစ်နိုင်ပါတယ်။
● ချောင်းခြောက်ဆိုးတာအတွက်ဆေးနဲ့ ချောင်းစိုအတွက်ဆေး မတူတဲ့အတွက် သေချာဝယ်ဖို့လိုပါတယ်။
Dr. Mya Myo Myo Swe (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...