ညမှာ မကြာခဏနိုးနေတတ်တဲ့ သားသားမီးမီးတို့ကို ဘယ်လိုလုပ်ရပါ့

• ယားနေသလား ယားဖုလေးတွေရှိသလား အယားသက်သာစေဖို့ ကလေးဆရာ၀န်အကြံပြုတဲ့  လိမ်းဆေးလေးဆောင်ထားပါ။

• ပုရွက်ဆိတ်ကိုက်သလား စောင်တွေခါ အ၀တ်လေးတွေဖယ်ရှာပါ။ ပေါင်ခြံနဲ့ ချိုင်းကြားတွေကို ကြည့်ပါ။

အိပ်နေတဲ့ စောင် မွေ့ရာ အဆင်မပြေဘူးလား။ အိပ်ရာခင်းလဲပေးလိုက်ရင်လည်း သူတို့စိတ်ကြိုက်ဖြစ်သွားတတ်လို့ တော်ရုံမနိုးတော့ဘူးပေါ့။ ချစ်စရာအရုပ်လေးတွေပါတဲ့ ရောင်စုံအိပ်ရာခင်းနူးနူးညံ့ညံ့လေးတွေသုံးပါ။

• နွေရာသီဆို ချေွးတွေရွှဲနေသလားထကြည့်ပါ ။ ချေွးတွေသုတ်ပါ။ အကျႌလဲပါ။ လေ၀င်အောင် တံခါးလေးတွေ ထဖွင့်ပေးပါ။

• အမွေးပွရုပ်လေးတွေထားပေးပါ။ အထူးသဖြင့် သူအကြိုက်ဆုံးအရုပ်ကို ဘေးမှာထားပေးပါ။ ညမှာ နိုးတဲ့အချိန် သူ့ အရုပ်သူစဉ်းစားပြီး ရှာချင်နေတတ်ပါတယ်။

• သူ့ကို အိပ်ရမယ့်အချိန် အတိအကျထားပါ။ အိပ်ချိန်နောက်ကျလွန်းတာ စောသွားတာတွေက သူ့ကို ခဏခဏနိုးစေပါတယ်။

• ကလေးတွေက လူကြီးတွေလိုပဲ နေ့ခင်းမှာ ကြာကြာနဲ့ လုံလုံလောက်လောက်အိပ်ပြီးရင်လည်း ညကျ ကောင်းကောင်း မအိပ်တော့ပါဘူး။ နေ့ခင်း အိပ်ချိန်ကို သူ့အချိန်နဲ့သူ အကန့်အသတ်နဲ့ အိပ်ပါစေ။ နေ့လည် ၁၂ နဲ့ ၂ နာရီကြားအိပ်ပါစေ။

• ကလေးတွေနိုးနေတဲ့အခါ ချက်ချင်းပွေ ့လိုက်ပြီး ပြန်ချော့သိပ်ပေးနော်။ နိုးလည်း နိုးစေတော့ဆိုပြီး ဒီတိုင်းထားပြီး ပြန်အိပ်လို့ကတော့ သူလေးက နိုးတာကို အကျင့်ပါသွားပြီး နောက်ရက်လည်း အမြဲနိုးနေတော့မှာ အသေအချာပါပဲ။