ဒေါင်းလေးတွေရဲ့ မေမေ၊ ဖေဖေတို့ ဖတ်ဖို့ ...

          ဒေါင်းလေးတွေဟာ သာမန်နဲ့မတူတာ ဉာဏ်ရည်နိမ့်ပါးတာတွေ ရှိတတ်ကြပေမယ့် သေသေချာချာ ပြုစုစောင့်ရှောက်မယ်ဆို သာမန်ကလေးတစ်ယောက်လို နေထိုင်နိ်ုင်ကြပါတယ်။ မိဘတစ်ယောက်အနေနဲ့ ဒေါင်းရောဂါလက္ခဏာတွေနဲ့ မွေးဖွားကြီးပြင်းလာတဲ့ ကလေးတစ်ယောက်ကို ပိုင်ဆိုင်ရတဲ့အခါ အသိစိတ်ပိုင်းဆိုင်ရာ၊ ရုပ်ပိုင်းဆိုင်ရာ စိန်ခေါ်မှုအသစ်တွေ အများကြီး ကြုံရပါတယ်။

          ဒါကြောင့် ကလေးကို မစောင့်ရှောက်ခင် ကိုယ့်ကိုယ်ကို အရင်စောင့်ရှောက်ပါ။

●        သူငယ်ချင်းတွေနဲ့ မိဘကို ကလေးပြုစုရာမှာ တက်တက်ကြွကြွ ပါဝင်ဖို့ တွန်းအားပေးပါ။

●        ညနေတိုင်း နာရီဝက် လမ်းလျှောက်ထွက်ပါ။

●        စကား ဝိုင်းဖွဲ့ပြောဆိုပါ။

●        သူငယ်ချင်းတွေကို ပုံမှန်တွေ့ဆုံပါ။

●        ကောင်းကောင်းစားပါ။

●        ဒီလို ဒေါင်းလေးကို ပိုင်ဆိုင်ရတာ သင့်အမှား မဟုတ်ပါဘူး။ မိမိကိုယ်ကို အပြစ်မတင်ပါနဲ့။

>>    ရင်သွေးလေးကိုရော ဘယ်လိုစောင့်ရှောက်မလဲ?

●        ကလေးငယ်ကို အသေးစား အလုပ်လေးတွေ အပ်ပါ။ သစ်ရွက်လေးတွေ ချွေချတာ။ စာအုပ်လေးတွေ စီတာ၊ အကျႌလေးတွေ စီစေတာမျိုးပေါ့။

●        တခြားကလေးတွေနဲ့ ပြေးလွှား ဆော့ကစားပါစေ။

●        ရင်သွေးလေးပေါ်မှာ မျှော်လင့်ချက် မြင့်မြင့်မားမားထားပါ။

●        သူ့ဘာသာ ရွေးချယ်တဲ့ ကစားနည်းတွေ ဆော့ကစားခိုင်းပါ။

●        သူ့အတွက် တိကျတဲ့ အချိန်ဇယားထားပါ။ အချိန်နဲ့ စား၊ အချိန်နဲ့ ကစားပါစေ။

●        အမှားပြင်ဆင်ခွင့်ပေးပါ။ အချိန်ပေး နားထောင်ပါ။

●        ဆရာဝန်၊ ဆရာမ ပြသတဲ့အခါ ရင်သွေးလေးကို ကိုယ်နဲ့မကွာ စောင့်ရှောက်နွေးထွေးမှုရပါစေ။

●        စကားကို အရှည်ကြီးမပြောဘဲ လိုသလောက်သာ ပြောပါ။ ဥပမာ - ထမင်းစားကြမယ်၊ အဝတ်လဲလိုက်ပါဦး၊ တစ်ခုပြီးမှ တစ်ခုပြောပါ။ စကားအရှည်ကြီး၊ သူ့ကို ရှုပ်ထွေးအောင် မလုပ်ပါနဲ့။

●        သူလေးကို ကာကွယ်တာလည်း ကာကွယ်ပေါ့။ စိုးရိမ်လည်း စိုးရိမ်ပေါ့။ ဒါပေမဲ့ အလွန်အကျွံ စိုးရိမ်ပြီး နေရာတကာ လိုက်ကာကွယ်နေတာလည်း သူလေးကို ကောင်းကောင်း ကြီးထွားခွင့်မရဘဲ ဖြစ်စေပါတယ်။

ဂျီပီငှက် (ဆေး/မန်း) (www.drmyanmar.com)