ပါးစပ်ထဲကို လက်မလေး ထည့်ထည့်စုပ်တတ်တဲ့ သားသားမီးမီးကိုဘယ်နှယ့်ပြောရမယ်…..
လက်မစုပ်တတ်တဲ့ သားသားမီးမီးလေးတွေကြောင့် စိတ်ညစ်ရသူဖေဖေမေမေတို့အတွက် အကျိုးအကြောင်းလေးတွေ ပြောပြပေးပါရစေ။
လက်မစုပ်တယ်ဆိုတာ တကယ်တော့သားအိမ်တွင်းသနေ္ဓသားဘဝမှာကတည်းက အလိုအလျောက်တုံ့ပြန်မှုတခုပါပဲတဲ့။ သားအိမ်တွင်းမှာကတည်းက လက်မစုပ်တဲ့အလေ့အထရှိနေတာဖြစ်ပါတယ်။ မွေးပြီးလေးနှစ်လောက်ထိပုံမှန်အတိုင်း လက်မစုပ်တဲ့အလေ့အထရှိနေတတ်ပါတယ်။
လက်မစုပ်တယ်ဆိုတာတကယ်တော့ကလေးတွေကိုတကယ်ကိုသက်တောင့်သက်တာ ဖြစ်စေပြီးစိတ်လုံခြုံစေတဲ့ခံစားချက်ရရှိစေပါသတဲ့၊ အံ့သြစရာပဲနော်။ လက်ကလေးစုပ်လိုက်ရမှ သူတို့လေးတွေက စိတ်အေးလက်အေးအိပ်ပျော်သွားတတ်ပါသေးသတဲ့။
Ceelin Plus 1
အသက်လေးနှစ်ထိကတော့သူလေးကို ဒီတိုင်းကြည့်နေလိုက်ပါနော်။ တားဖို့မကြိုးစားပါနဲ့တဲ့။ ဒါပေမယ့် အသက် ငါးနှစ်ကျော်ခဲ့ပြီး လက်စုပ်တာအလိုလို ရပ်သွားတတ်တဲ့ ကလေးတွေရှိသလို လက်မဆက်စုပ်နေသေးတဲ့အခါ ပြသနာနည်းနည်းရှိလာပါတယ်။
• ခံတွင်းဖွံံဖြိူးမှု ပုံစံမမှန်တော့ခြင်း
• မေးရိုးနှင့်နှုတ်ခမ်းအနေအထားမူမမှန်ပြောင်းလဲလာခြင်း
• စကားမပီခြင်း
• ရှေ့သွားများပုံစံမမှန်ဘဲမညီမညာဖြစ်တာကျဲတာခေါတာတွေဖြစ်စေပါတယ်။
Ceelin Plus 2
လက်မစုပ်နေတဲ့အသက်ငါးနှစ်အရွယ်သားသားမီးမီးမှာ စိတ်ပိုင်းဆိုင်ရာအားငယ်မှုတွေ စိတ်မလုံခြုံမှုတွေရှိနေမလားလို့ သူ့အပြုအမူတွေကို သတိထားစောင့််ကြည့်ပေးပါ။
သူ့ကိုမဆူမရိုက်ဘဲ အေးအေးဆေးဆေးပြောပြပေးပါ။ ငါးနှစ်ကလေးဆိုတာပြောသမျှ အတန်အသင့်နားလည်တဲ့အရွယ်ရောက်ပါပြီ။
ကလေးဆရာဝန်ကိုပြသတဲ့အခါ အနံဆိုးပြီးခါးတဲ့အရာတခုခု လက်ကိုသုတ်လိမ်းထားပေးဖို့ ညွှန်ကြားတတ်ပါတယ်။
သူ့ဘာသာလက်မစုပ်နေတဲ့အခါ စိတ်ပြောင်းစေဖို့ တခုခုလုပ်ခိုင်းပါ။ ပုံပြင်ပြောပြတာ၊ သီချင်းဆိုပြတာ၊ အရုပ်လေးတွေပေးတာ စကားလှမ်းပြောတာတွေနဲ့ အာရုံပြောင်းပေးပါ။
အသက်ငါးနှစ်ကျော်တဲ့အထိ လက်မစုပ်ဆဲကလေးတွေမှာ နောက်ဆက်တွဲပြသနာလေးတွေ စရှိလာတတ်တာမို့ ညင်ညင်သာသာနည်းလမ်းလေးတွေသုံးပြီး တားမြစ်ပေးကြရအောင်။
ဂျီပီငှက် (ဆေး/မန်း) (www.drmyanmar.com)
Related News And Articles
ကလေးတစ်ယောက်ဟာ Growth spurt လို့ခေါ်တဲ့ လျင်မြန်စွာကြီးထွားချိန်ကို သူ့သက်တမ်းတစ်လျှောက်မှာ ဘေဘီလေးအရွယ်၊ မူကြိုအရွယ်နဲ့ ကလေးမှလူကြီးသို့ ကူးပြောင်းသောအရွယ်ဆိုပြီး အရွယ်သုံးပါးမှာ တွေ့ကြုံနိုင်ပါတယ်။ လျင်မြန်စွာကြီးထွားချိန်ရောက်ရင် ကလေးတွေမှာ အရပ်နဲ့ ကိုယ်အလေးချိန် မြင့်တက်လာခြင်း၊ အစာစားချင...
ရာသီဥတုကလည်း တဖြည်းဖြည်း အေးစပြုလာပြီဆိုတော့ မေမေတို့ရဲ့ အသားအရေကို ဂရုစိုက်ပေးသလို ဘေဘီလေးတွေရဲ့ အသားအရေကိုလည်း ဂရုစိုက်ပေးဖို့ မမေ့ကြပါနဲ့နော်။ ဘေဘီလေးတွေရဲ့ အရေပြားဟာ အလွန်နူးညံ့တာကြောင့် ဆောင်လေအေးနဲ့ထိတွေ့တဲ့အခါ ခြောက်သွေ့ကြမ်းတမ်းလွယ်တတ်ပါတယ်။ ဒါကြောင့် ဆောင်းရာသီမှာ ဘေဘီလေးတို့အတွက် အသားအ...